السلام عليكم المعذره اخوي ما شفت مشاركاتك
العتب علا فارق التوقيت انا بأمريكا
عادة أكون مجابل السوق من الافتتاح لين الاغلاق فأول ما يصكر السوق اصكر الكمبيوتر من التعب
بالنسبة للسهم السهم لحد الان ما طلع عليه خبر فممكن يكون صعود مبني علا إشاعة انه عنده خبر قوي نهاية هالاسبوع - هذا ما قراته في مشاركة واحد اجنبي_أو انه ارتد من القاع ارتداد فني بحت
فالسهم نستمر معاه طول مأهو محترم ترنده الصاعد ومؤشراته الفنيه وكل هذا يبين من خلال المتابعه اليومية للشارت اللحظي وشارت بو 6 شهور
وانا عن نفسي لو اني مو ملحق عليه تحت ال 0.6 انطره لليوم الثاني حتى نتأكد من مساره الصاعد وهذا اللي ما احبه بالشمعات الطويله يكون اليوم اللي بعده تذبذب عالي ففيه خض بطون
عالعموم السهم اول مقاومة له عند 1$ وهي مقامه ليست قوية واعتقد السهم احتمال كبير يرتد للدولار وفوقها بإذن الله
دام انك شاري انركز على نقطة الخروج وهي الان اغلاق تحت الترند المرسوم بالرسم واذا فيك صبر اغلاق تحت 0.5
مؤشراته الفنيه تدعو للتفاؤل والاحتفاظ بالسهم حتى اشعار اخر
اسأل الله التوفيق للجميع