يا حربي أنا عندي تعليق على اللي بالأحمر
الحين أكو أحد منا يعرف الثاني ( غير معرفته بالنك نيم ) ؟ يعني يعرف الشخص اللي يخاطبه منو هو وشنو عمله أو وضيفته أو مركزه ؟ يعرف منوا أهله منو عائلته ؟
يعرفه هو بالضبط معرفه شخصيه ويعرف أسلوبه في الحياه وشنو ومنو يكون ، وهل هو شخص صالح والا طالح ؟
الاجابه طبعا لأ ( الا اذا فيه شويه يعرفون بعضهم معرفه شخصيه أو ربع )
هذا منتدى اقتصادي ،، تتداول فيه الفلوس ، وهناك ارباح وخساير . احنا هني نتكلم فلوس ونحلل علشان نربح ونحط شارتات علشان نساعد الغير ( مع عدم انتفاعنا شخصيا من هذا الشي ، غير من كلمه طيبه ودعاء صالح نرجوا أن يكون عند الله مقبولاً )
أنا مو فاهم العواطف اللي ماشيه في هذا المنتدى أو موقادر افهمها ، شكو عواطف هني ؟ شكو واحد يطلع لنا بنصايح عن مكارم أخلاق وعن دين ؟ وين احنا قاعدين بكتاتيب ملا صالح ؟
الى متى هذا الخلط في الأمور ؟
هذا منتدى فيه تحليل فني وتحليل اساسي ولهذا احنا فيه ، لنستفيد من بعض ونفيد قدر الامكان في هذي الأمور ، وهذي الأمور فقط ! ،، أما المسائل الأخرى فهذي تدرس للطلبه الصغار فى المدارس ،، شكو احنا هنى نتكم بامور مثل هذي . فلان زين وفلان مو زين وفلان طيب وفلان شرس !!
يا اخي اللي مو عاجبك لا تخاطبه ، وانتهى الموضوع ! شكو تهاجمه وهو ما حاجاك ؟!
روح شوف منتديات أجنبيه ، هل فيه احد يعطيك تحليل مجاني أو يهمه أمرك ؟ وان عطاك تلقى عشرين واحد يشكره ؟ هني لأ ، يسبونه ويغلطون عليه ، وياخذون منه وينطرون تحليله وينكرون !!! والله ابي أحط مليون علامة استفهام على هاللي قاعد يدور فى هالصفحه وغيرها من صفحات المنتدى !
ارجوا أن تكون الرساله وصلت للجميع ! خلكم في الامور الفنيه واشكروا اللي يعطيكم ، وابتعدوا عن الكلام الفاضي اللي ما له علاقه بالأسهم والمال !