ياجماعه نبي منكم الصراحة أيهما أفضل .. والمشاركة للجميع .

[ابو غانم]

السلام عليم ورحمة الله وبركاته

هذه أول مشاركة لي بهذا المنتدى الطيب وأحب أوجه التحية لكم جميعا .

وفي بداية كلامي أحب أستفيد من الشباب الطيبين الموجودين هنا عن أيهما أفضل للتعامل والربح معا .

السوق الكويتي

أو

السوق الأمريكي

وشـــــــــــــــــــــــكرا .

 

[bu-abdullaziz]

السلام عليك

فى نظرى السوق الكويتى فى الوقت الحال..

 

[bu3zoz]

بسم الله الرحمن الرحيم

هلا اخوى بوغانم حياك الله بين اخوانك

السوق الكويتى فى الوقت الحاظر افضل من السوق الامريكى المتقلب

السوق الكويتى اكثر امان من ناحية البيانات الماليه للشركات لايوجد

تلاعب فى الارقام مثل السوق الامريكى نسبة المخاطر بالسوق

الكويتى اقل من السوق الامريكى وهناك سقف محدد بالصعود والنزول

فى السوق الكويتىوالسوق الامريكى السقف مفتوح يعنى ممكن

أتخسر اكثر من 80% من رأس المال فى اليوم الواحد والشركات

معرضه للفلاس بكثره هناك غير السوق الكويتى مافى شركة اعلنة

افلاسهاوتوزيعات الشركات هل سنه ممتازه جدا او هل كلام

ليس من وحى الخيال وانما من واقع تجرب والله يوفقك ان شاء الله

ويرزقنا وياكم الرزق الحلال

 

[ميثاق]

اهلا ابو غانم حياك الله
صراحة مالي معرفة بالسوق الامريكي حتى الكويتي معرفتي به قليلة لكن السوق السعودي اعتقد بأنه افضل منهم...
وأي خدمة او استفسار انا بالخدمة

 

[boalons]

ميثاق والله اني احسدكم على هالسوق المحترم

الله يرزقكم منه

انا انشاء الله اذا عوضت خسارتي من السوق الكويتى راح اتركه واروح الامريكي هاليومين قاعد اتعلمله

 

[ميثاق]

boalons

جزاك الله خير على هالدعوة الطيبة...
ليش تروح الامريكي تعاااال عندنا

للعم انا مستثمر كويتي في السوق السعودي.

 

[ابو غانم]

يعطيكم ألف عافية ياشباب
شكلي أبدخل معاكم في السوق الكويتي ... أخاف أدخل الأمريكي وتضيع فلوسي بسرعه وأنا ماأقدر أروح أمريكا لاني مادل مكانها ... بس يمكن أطقطق فيه شوي مع الشباب

 

[bu3zoz]

بسم الله الرحمن الرحيم

حياك الله بوغانم بين اخوانك وعين الصواب انك اخترت السوق الكويتى

او الله يرزقك الرزق الحلال ويفتحها عليك من جميع ابوابه ويرزقنا وياكم الرزق الحلال

 

[ابو غانم]

تسلم لي يابو عزوز

والله الله بالتوصيات الطيبة منكم ونبي نتعاون أنشاءاللة .