شركة المشروعات الكبري العقارية ش.م.ك.م ( جراند ) ..... 8

[ABO GHANEM]

ليش تحول التصريف علي السياحيه اليوم
صرف الي يبيه علي جراند الايام الطافت

 

[بوسعود66666]

بوسعود لايكون انت الي طالب 7 مليون

والله يااخوى انا طالب بالحد الادنى 7 مليون كله علشان الشباب
بس ياليت المشرفين يشوفون الكميه اللى انا طالبها
عاد ودك يوهقونى ويقطون على 7 مليون

 

[Abo_Yousef]

سرد تاريخي لحركة السهم على السريع :

اغسطس 2005 : الأدراج عند 430 فلس تقريبا
صعد واستقر عند 540 فلس وتم ضغطه

أكتوبر 2005 (رمضان) : جراند يقفز من 540 إلى دينار دفعة واحدة

نوفمبر 2005 لغاية فبراير 2006 : مضاربات على السهم ما بين 770 فلس و 960 فلس

بعد فبراير 2006 لغاية آخر ابريل 2006 : نزول عنيف للسوق جراند لامس 490 فلس
واستقر عند الـ 630 فلسواغلق على 570 فلس عند انعقاد الجمعية وتم فسخه عند الـ 410 فلس تقريبا وصعد لغاية 460 فلس
وثم هوى في شهر مايو 2006 إلى 335

يونيو 2006 : سهم جراند يصعد يوميا ( كان خفيف السهم ) من 335 إلى 540 دفعة واحدة
تم توزيع المنحة عند سعر 540 فلس - وتم دمج اسهم اللبنانية
اصبح السهم ثقيلا وتدولاته عالية بعد أن كان أخف من سهم بتروجلف
ثم صعد السهم مرة أخرى ولامس 680 فلس وأغلق عند 650 فلس
بتروجلف أيضا صعد من 242 إلى 460 وإلى 600 ومن ثم إلى 800 فلس

يوليو 2006 إلى أكتوبر 2006 : السهم تذبذب ما بين 540 فلس إلى 620 فلس

نوفمبر 2006 إلى ديسمبر 2006 : السهم بدأ يقف عند الدعم 520 فلس - بداية النزول إلى الهاوية

ديسمبر 2006 يناير 2007 : كسر الدعم 520 فلس والنزول العنيف إلى 390 فلس
ارتد مرة أخرى بقوة واصدم بالـ 510 فلس التي اصبحت مقاومة

يناير 2007 إلى فبراير 2007 : السهم ما شم الـ 500 فلس واصبح يترنح بين 400 إلى 420 فلس . واحيانا 395 فلس ( والسوق بدا ينهض من جديد ويصعد المؤشر بواسطة الجروبات الآخرى وبويوسف امجلب بالسهم - لا ما ابيع إلا بالـ 500 )

مارس 2007 : قمنا انشوف 385 فلس و375 فلس ( حاليا 305 فلس )
صعد السهم من 380 إلى 430 - قالوا ان مضارب دش على السهم وبعدين بط على 420 فلس 415 فلس - حسبالي بيروح 500 فلس )

ابريل 2007 إلى مايو 2007 : السهم ما يدري وين الله قاطه والسوق صاعد

يونيو 2007 : السهم عند 375 فلس ( حاليا 305 فلس ) السهم يصعد إلى 430 فلس ويتفسخ
ويتفسخ عند 350 فلس . كل الاسهم الي بالسوق اصعدت عقب التفسيخ على الأقل تعليقتين إلا الحبيب انطلب عقب التفسخ على 370 فلس وصار تحذف وسكر جنه على 365 فلس .
قلنا ما يخالف . ونيقعنا فترة على بين 360 فلس و 345 فلس ولا نزل المنحة ولا النقدي يمكن إللا بعد شهر وأكثر . ولا نزل النقدي أول بعدين المنحة - يتفنن ان الناس تكرها .

أغسطس 2007 : طوفوها يا شباب على شاني

سبتمبر 2007 : المجموعة الدولية ( +25 ) وجراند ( صار +20 بس سكر + 15 ) أقفال يوم واحد- سكر على 390 فلس . اليوم الي عقبه جنه نزل

أكتوبر2007 : معلش علشان العشرة الي بيني وبينه . السعر تبذب بين 355 و 375 فلس

نوفمبر 2007 : طاحوووله اشاعت - مستثمر اماراتي - تداولات ضخمه وصلت 50 مليون سهم السهم صعد 375 - 395 - إلى 425 بس اقفل على الـ 400 وكنت ناطر الـ 500 فلس

ديسمبر 2007 : رد يتذبذب بين 375 و 360 فلس

يناير 2008 إلى فبراير 2008 : استقر عند 345 فلس وبعدين كسر الدعم

فبراير 2008 إلى مارس 2008 : التذبذب ما بين 325 فلس إلى 315 فلس - وجنه ما يدري قام يخليه يتداول ما بين 315 و 305 وأحيانا 300 فلس

وبويوسف ما قام ينطر الـ 500 فلس صار الطموح 400 فلس


اللحين الـ 305 فلس تعادل :
375 فلس مع ارباح 2006 ( 20 % منحة ، 10 % نقدي )

وتعادل

540 فلس مع أرباح 2005 و 2006 ( 35 % منحة ، 25 % نقدي ) + ( 20 % منحة ، 10 % نقدي )

الي اهما دعومات تاريخية حسب معايشتي مع السهم

وسلامتكم

لا تنسونا بالدعاء


أخوكم بويوسف

 

[أبوتوصية]

الله يجزاك الخير كله أوله وآخره .

-- سر بس من يفك هذا اللغز تمسك السهم على سعر 300 و305 صاله خمسة أشهر .

 

[طبعنا]

والله يااخوى انا طالب بالحد الادنى 7 مليون كله علشان الشباب
بس ياليت المشرفين يشوفون الكميه اللى انا طالبها
عاد ودك يوهقونى ويقطون على 7 مليون

هاهاهاها
بس ما اوصيك نبيك تطلب نفس الكميه على 305
يستاهلون الشباب

 

[بورش]

انزين الجمعية العمومية الحين لازم تنعقد قبل 15\4؟
متى بفسخ السهم, باخذ ارباحه وبقطه بحر, وبس بخلي 10000 استثمار
يجوز يوصله 400 السنه اليايه, جذي اكون ربحان 25%
بس عسى يوصل 400 لي السنه اليايه

 

[بوسعود66666]

هاهاهاها
بس ما اوصيك نبيك تطلب نفس الكميه على 305
يستاهلون الشباب

خلاص ماراح اطلب انا الحين بضغط السهم كل الناس ضاغطته الا بوسعود
خلنى افرم السهم اشويه
اتوقع عنده شى البدر شنو ماادرى

 

[NewYork Broker]

جنه في بوادر تحرك اليوم؟؟؟؟؟
عموما متوقع يصعد هالشهر
يمكن ل 370
واذا بو سعود باع كميته
اتوقع يوصل دينار!!!!!!!!!!!

 

[بوسعود66666]

جنه في بوادر تحرك اليوم؟؟؟؟؟
عموما متوقع يصعد هالشهر
يمكن ل 370
واذا بو سعود باع كميته
اتوقع يوصل دينار!!!!!!!!!!!

كنت ابى ابيع كميتى بس يوم شفت كلامك واتقول دينار ماراح ابيع

 

[حمد حمادة]

بجم كيلو الطماط اليوم





اسف على بالي قاعدين بالتشبرة نسيت ان هذي صفحة جراند

ركزوا على اللي يفيد الاوادم يا شباب وخلوا عنكم الهذرة والحجي اللي ما ينفع الناس

 

[سوق المناخ]

والله يااخوى انا طالب بالحد الادنى 7 مليون كله علشان الشباب
بس ياليت المشرفين يشوفون الكميه اللى انا طالبها
عاد ودك يوهقونى ويقطون على 7 مليون

بوسعود
خله يقط عليك وعقبها دق على 777 على شان يطرش دوريه

 

[محمد البدر]

انا أؤيد كلام اخوي حمد حماده نبي شي مفيد اخبار اومعلومات الكل يستفيد منها ولااتسولنه

الصفحه مثل صفحه المجموعة د كلها سوالف واطنازة مافيها شي مفيد

 

[سعمران]

فعلا جراند سهم يستحق الأحترام

السوق مشلل فوق وهو قاضب نفسه

حقيقه أتكن من هالسهم ما شفت .. تحس موزون وراكد وما تنقد عليه وما يطير مع العجه.

طبعا بالنسبه للأخوان الناطقين بالديايه كلمة عجه يقصد بها مفرد العجاج أى الطوز أى الغبار .

 

[iig+grand]

تحيه للجميع

أعلن ابتعادي عن دخول صفحتكم العزيزه


1 لاصايتي بالاحباط من وضع المجموعه
2 لاعطي نفسي راحه
3 مستثمر للاجل البعيد

أتمنى التوفيق للجميع

 

[NewYork Broker]

تحيه للجميع

أعلن ابتعادي عن دخول صفحتكم العزيزه


1 لاصايتي بالاحباط من وضع المجموعه
2 لاعطي نفسي راحه
3 مستثمر للاجل البعيد

أتمنى التوفيق للجميع

والله أحسن

 

[دربك خضر]

خالة شكو شالخبر دحجيلي

خالة شكو !!؟

خالة طاح بزردومي جراند

خالة شكو !!؟

خالة هبط السهم وما عاد

خالة شكو !!؟

خالة والبدر أبد مافاد

خالة شكو !!؟

خالة نار الصيف لمسناه رماد

خالة شكو !!؟

خالة جراند بعد ما تنراد

خالة شكو !!؟

خالة إذا تفسخت ما تزداد

خالة شكو

خالة خلاص عافها المراد

خالة شكو !!؟

خالة راح أطلقها دون إرداد

خالة شكو !!؟

خالة داخلها زمرةٌ شداد

خالة شكو !!؟

خالة الخاروج منها سداد

خالة شكو !!؟

خالة جراند طالق ليوم الميعاد

خالة شكو !!؟

خالة جراند غلطة وأبد ما تنعاد​

ترقبوا رد الخالة ،،،،،، في المشاركات القادمة .....

 

[ahmaaad]

السلام عليكم ياشباب وعظم الله اجركم في هالقروب
ياشباب نبي راااااي احد يفيدنا نبيع بخسارة ولا في شي بالطريج؟؟؟؟؟؟
بليز ياشباب لازم نحط حد حق هالمهزلة الي صايرة
انا كلش على طريف بالبيع ابي المشورة والله صبرنا وااااااااااااااااااااااااااايد
ناطر الرد من اهل الخبرة::verymad::

 

[ضحية المخازن]

انزين الجمعية العمومية الحين لازم تنعقد قبل 15\4؟
متى بفسخ السهم, باخذ ارباحه وبقطه بحر, وبس بخلي 10000 استثمار
يجوز يوصله 400 السنه اليايه, جذي اكون ربحان 25%
بس عسى يوصل 400 لي السنه اليايه

الجمعية العموميه يجب ان تعقد خلال 45 يوم من الموافقه على البيانات المالية وبالنسبه لسهمنا الدايخ تمت الموافقه على البيانات بتاريخ 31 مارس يعني اخر موعد لانعقاد الجمعية هو 15 مايو

 

[frozen]

خالة شكو شالخبر دحجيلي

خالة شكو !!؟

خالة طاح بزردومي جراند

خالة شكو !!؟

خالة هبط السهم وما عاد

خالة شكو !!؟

خالة والبدر أبد مافاد

خالة شكو !!؟

خالة نار الصيف لمسناه رماد

خالة شكو !!؟

خالة جراند بعد ما تنراد

خالة شكو !!؟

خالة إذا تفسخت ما تزداد

خالة شكو

خالة خلاص عافها المراد

خالة شكو !!؟

خالة راح أطلقها دون إرداد

خالة شكو !!؟

خالة داخلها زمرةٌ شداد

خالة شكو !!؟

خالة الخاروج منها سداد

خالة شكو !!؟

خالة جراند طالق ليوم الميعاد

خالة شكو !!؟

خالة جراند غلطة وأبد ما تنعاد​

ترقبوا رد الخالة ،،،،،، في المشاركات القادمة .....

نبي اخبار تفيد السهم و شكرا

 

[الهزيم]

ملينا واحنا نسمع الاسبوع الياي.لو طالعين واستثمرنا بأسهم أخرى جان أحسن ولكن قدر الله ماشاء فعل