اخي الكريم بجاوبك باختصار ان شاء الله على بعض الامور ممكن تفيدك
مع انه لو بحثت بالمنتدى راح تلاقي اجابه لجميع اسالتك لانها مكرره
...........
ما في شي اسمه احسن او افضل وسيط كله يعتمد على شغلك
لاني انا من الناس اتعامل مع الوسيطين وكلاهما ممتاز
لكن للمضارب انا فضلت ايتريد عن اميرتريد لوجود عديد من الادوات الي تساعدني على المضاربه
والعموله نفسها 9.99 على الصفقه في الوسيطين
الاوبشن نعم اميرتريد اقل عموله للعقود لكن بالنسبه لي ماراح تفرق لان كميه العقود ماهي كبيره
يعني بالكثير راح اخذ 20 عقد احيانا (حسب السترايك) وال20 عقد في ايتريد = 1.5 ضرب 20 = 30 دولار اجمالا
اميرتريد 0.75 ضرب 20 عقد = 15 دولار
يعني الفرق 15 دولار فقط وهي ماتفرق معاي خاصه انه الاوبشن تكون اهدافه ليست اقل من 100% عندي ولا ماله طعم
على فكره ايضا لو فتحت حساب مع ايتريد عن طريق امريكا وليس عن طريق دبي او غير من الاماكن راح تلاقي عمولتك للعقود 0.75 نفس اميرتريد وهذا الشي عندي انا والله على ما اقول شهيد
لكن وضحتلك الفرق بين العمولات لان عندي اكثر من حساب حق اخواني وعمولتهم 1.5 للعقد
بالنسبه لسحب المبالغ من الوسيط الى الكويت انا جربت الوسيطين ... ايتريد كان الافضل بسرعه المعامله دون تعقيد بمجرد تلفون واحيانا يطلبون منك كتاب فيه توقيعك ورقم الحساب ترسله بالفاكس لاول مره وبعض الاخوان ما طلبو منهم
لكن اميرتريد تاخرت معاي المعامله يومين تقريبا بسبب طلباتهم
...........
بالنسبه للمضاربه
فوق 25الف تقدر تضارب على راحتك دون اي مشكله او عدد في الصفقات
اقل من 25 الف (مع فتح المارجن ) تقدر تسوي 3 عمليات مضاربه خلال خمس ايام عمل
انتبه للملاحظه (السهم الي تشتريه اليوم وتبيعه اليوم هذي تعتبر عمليه مضاربه واحده ) لكن ( السهم الي تشتريه اليوم وتبيعه بكره ما تعتبر عمليه مضاربة )
اذا حسابك كاش بدون مارجن واقل من 50 الف ماراح تقدر تضارب لان اي بيعه تبيعه ماراح تنزل الفلوس الا بعد يومين او ثلاثه لكن اذا المارجن شغال تنزل الفلوس او المارجن يغطيها في نفس اليوم لكن طبعا ما تقدر تسحبها للبنك الا بعد ثلاث ايام
سؤالك الاخير اي الوسيط تختار اذا حسابك كاش ... يعتمد عليك لان القانون هو نفسه على الوسيطين بالنسبه للمضاربه اذا حسابك كاش
وانا افضل انك تفتح المارجن بس ما تشتري فيه
اتمنا تكون اجابتي واضحه لك
.. بس مهيب واضحة الصورة.
... هل يقصدوا الشباب اني اخذ خاصيتة في حسابي فقط. ام يقصدوا ان اتحايل علي حرمة المارجن واتخلص من اسهمي سريع سريع.. بس انا ماضمن اني ماتعلق احيانا لاكثر من يوم.
