الآجل.........فوائده ومخاطره

[BO-MUBARAK]

شباب نبي واحد من اهل الخبره بالاقتصاد يعلمنا فوائد الاجل ومخاطره بالذات بسوقنا وماهي المده المناسبة لسوق الكويت ؟؟؟

 

[قاروه]

السلام عليكم ورحمة الله

الاجل ربحه عظيم وخسارته اعظم ولا شك ان العظمه لله سبحانه

الاجل الفعلي بعد اغلاق السوق الرسمي

اما البيوع المستقبليه ويطلق عليها الاغلبيه منا مجازا الاجل فهي :



ان تشتري سهم بعدد وحدات معينه وتدفع من قيمته 40 % فقط وتسمى الدفعه الاولى

واقل كميه لشراء عقد الاجل 5 وحدات

ومدة العقود 3 اشهر , 6 ,9 او 12 شهرا

ويتوافر كذا صانع سوق (الشركات الي تبيع لك عقود الاجل )

وتاخذ نسبه معينه عليك

لنفترض سهم قيمته 200 فلس صانع السوق يبيعه عليك بسعر 205 فلوس لعقد ال 3 اشهر و207 فلوس لعقد ال 6 اشهر ..

مثلا سهم 1 قيمته السوقيه 200 فلس ووحدته 20 الف سهم

205 فلس * 100 الف سهم ( خمس وحدات) = 20500 الف دينار * 40 % =8200 الاف دينار

يعني شريت السهم بقيمة 8200 دينار وبكمية 100 الف سهم ! لمدة 3 اشهر

شريت السهم المذكور بالمثال وبعته بعد شهر او شهرين بسعر 240 فلس

ربحك يكون

240 فلس * 100 الف سهم = 24 الف دينار - قيمة العقد 20500 = 3500 دينار

اما في حالة البيع بخساره فتكون

160 فلس * 100 الف سهم =16 الف دينار , وقيمة العقد 20500 الف دينار عدل ؟

بهالحاله انت مطالب بدفع الفرق (الخساره ) وقيمتها = -4500 دينار

يتم خصمها منك من ال 40 %

الي هي 8200 دينار ..

فسخ العقد يتم عن طريقين

اما انتهاء المده

او

نزول السهم لاكثر من 40 % ويسمى سعر الفسخ

ويكون عند 120 فلس (للمثال اعلاه) ,و تختلف قيمة الفسخ على حسب سعر الشراء


في حالة انتهاء المده بعض صناع السوق يسمحون بتجديد العقد والبعض الاخر لا
وتجديد العقد يتم عن طريق دفع 10 % من القيمه المتبقيه للعقد

وفي حالة نزول السهم بامكانك انزال سعر الفسخ من خلال دفع 10 % من القيمة المتبقيه للعقد

واذا ما جددت العقد وواصل السهم نزول ينفسخ العقد وتروح عليك ال 40 %

ولها حسبه اخرى في حال توزيع الشركه ارباح ومنح


الاجل ربحه حلو وخسارته مريره

نصيحة اخ لا تدخل على سهم آجل الا اذا كانت التوصيه من شخص ثقه وتابع مع الاخوان تحاليل السهم الفنيه اول باول ولا تتهاون بتطبيق وقف الخساره او اشارة خروج

وارضى بأقل الربح ولا تطمع

واسمحلي والاخوان على الاطاله

وان شاء الله اكون وفقت بالشرح

 

[أبو فلسين]

شرحك وافى يا ابو عبدالعزيز ما قصرت صراحه جنى قاعد مع صانع سوق

 

[BO-MUBARAK]

ماشاء الله عليك

كفيت ووفيت انا ماكنت اعرف هالامور بارك الله فيك وان شاء الله في ميزان حسناتك

ويستفيدون من هالكلام اعضاء المنتدى

 

[buhamadr]

كفيت ووفيت و ما قصرت
ماشاء الله عليك شرح معلم :d

 

[Master-Leo]

شرح وافي مشكور مشرفنا قاروه

أعتقد في طريقة انك تقدر تاخذ بيوع مسقبليه بدون ماتلتزم بشراء 5 وحدات يعني سهم قيمته

300 فلس المفروض بالآجل تاخذ فيه 50 ألف سهم لكن أعتقد في طريقه انك تشتري مثلا 10 ألاف

سهم آجل بدل الالتزام بشراء 50 ألف فتأكدوا بعد من مكاتب الوساطه اللي يقدمونها لأنها مفيده للي

عنده مبالغ صغيره ويحب يستفيد منها موفقين

 

[bo fawaz]

جزاك الله خير ابوعبدالعزيز وماقصرت

 

[abu.omar]

وفي حالـــه تفسخ السهــم

وانا ماخذه أجــل بالبيوع المستقبليه

كيف ستكون الاربــاح وهل في شروط لاخذهــا

وهل المكتب لــه نسبه من الارباح


أتمني من الاخوه الا عنده معلــومه يفيدنا

​

​

 

[OVER-THE-TOP]

شرح ولا احلى من اخونا قاروه

من عيوب الآجل انك كل يوم الصبح

تقوم مخترع
​

 

[ميكانيكي]

الاجل ليس للمضاربه

يعني لازم يكون عندك خبر قوي قوي قوي قوي قوي قوي

وطموحك ربح كبير



نصيحه ابعد .. اسأل مجرب

 

[قنوع ؟]

الاجل ربحه كبير اذا كان فيه معلومه ماكده
الخساره فادحه اذا الخول عميانى

لمن يرغب بشراء الاجل يجب عليه ان يكون راس ماله مغطى الكاش

يعنى عندك سهم قيمته 250 فلس اذا تبى كاش والكميه 100 الف
المبلغ 25000 دينار
100 الف اجل المبلغ 10 الاف وضيف لهم 2% عموله صانع السوق
اذا صعد انت ربحان واذا نزل عن سعرك لا سمح الله عندك سيوله تغطى وما تحاتى والمده 3 شهور
تجديد العقد بعد المده تدفع 13% من المبلغ المتبقى 3 عموله عن 3 شهور اخرى
لا يحق التجديد فى حالة ان السعر اعلى من قيمة الشراء

 

[barbarian]

أحلى شي تدش بفلوووووووووووووووسك...

تكون ملك...وقت ما تبي تبيع...تبيع واذا تبيه استثمار تستثمر على كيفك

مافي ضغط...ونايم مرتاح

 

[Navigator]

الآجل مو هذا وقته الحين نسبة الخسارة اكثر

برجى الانتباه

 

[saad2008]

الاجل ربحه حلو وخسارته مريره

نصيحة اخ لا تدخل على سهم آجل الا اذا كانت التوصيه من شخص ثقه وتابع مع الاخوان تحاليل السهم الفنيه اول باول ولا تتهاون بتطبيق وقف الخساره او اشارة خروج

وارضى بأقل الربح ولا تطمع


صدقت ( معلومة )

 

[fireman]

الله يجزاك خير اخ قاروه وجعله في ميزان حسناتك

 

[aadm1]

وفي حالـــه تفسخ السهــم

وانا ماخذه أجــل بالبيوع المستقبليه

كيف ستكون الاربــاح وهل في شروط لاخذهــا

وهل المكتب لــه نسبه من الارباح


أتمني من الاخوه الا عنده معلــومه يفيدنا

​

​

للرفع

 

[fawaz69]

شرح ولا احلى الله يجزاك خير اخوي قاروه .

 

[العتيبـــيq8]

للرفع

اخوي اذا انت ماخذ السهم محمل بالارباح وتفسخ السهم يكون لك توزيعة السهم من كاش ومنحه ان وجد,,,

الكاش :يخصم من قيمة العقد المتبقي من الاجل.
والمنحه :تنزل في محفظتك زود على الاسهم الي عندك من الاجل.

 

[صاحب القلم]

يعطيك العافية ياقاروة شرح ممتاز وماقصرت

 

[Nasser pwc]

يعطيك العافيه اخوي قاوره عالشرح​