اخبار البطاقات

[ابوراشد]

شباب اخبار بيع البطاقات مالت البنك الاسلامى والتمويل هل نبيع والا نغطى علمن انه ماعندى الا ثلاث بطاقات

 

[عارف الحال]

بوراشد انطر البطاقه راح توصل 750

 

[tarazaan]

قوة شباب
750 شنووووو؟؟؟؟ لايكون دينار؟؟؟؟!!!!!!!!!!!!!!!

بل شصار بالديرة
ردينا لايام المناخ

وبعدين شالفايدة اللي ممكن اكتسبها من الاكتتاب بالبنك الاسلامي اذا وصلت اسعار البطاقة المدنية بهالسعر

وعلى هاللحجي
جم سعر البطاقة المدنية اليوم؟

 

[alsalm]

اخوي tarazaan

ال 750 دينار هذا السعر اللي ممكن يعرضه بيت التمويل او بعض من التجار اوالتكتلات ان صح التعبير الذين يطمعون بالحصول على اكبر عدد ممكن من الاسهم لكي يسيطرون على مجلس ادارة البنك الاسلامي اما بالنسبة للأكتتاب بالبنك والفايدة المرجوة منه لنا نحن صغار المستثمرين اعتقد بأنها فايدة قد تكون كبيرة خصوصا ان هذا البنك يعتبر اول بنك اسلامي في الكويت التابع للبنك المركزي وراح يكون السهم المطروح سهم تأسيسي يعني بالقاع (رخيص) ولهذا الاحتمال وارد بأن يكون اسعار البطايق قريبة للسعر المذكور وهو 750 دينار ولكن تظل هذه الاسعار للبطايق مجرد احتمالات وهذا ان دل على شيء فأنما يدل على ان الاكتتاب هو الافضل في هذا البنك وليس بيع البطايق 0 0
=========================

 

[tarazaan]

مشكور اخوي على ردك
بس انا اللي قصدتة من سؤالي
اذا كان عندي من ال خمس الى عشر الاف دينار
باللة شالفايدة اقط نص فلوسي واشتري فيهم بطايق
يعني لو عندي خمس الاف اكيد مراح توفي معاي الحسبة
وخاصة سعر البطاقة بتكون بهالسعر المتوقع والمرتفع
نزين ما عندك اتي فكرة جم سهم نقدر نشتري على كل بطاقة

 

[alsalm]

طبعا اذا السعر وصل حتى 200دينار ماراح توفي معاك لان مثل ما قلت ان عملية تصعيد سعر البطاقة هي لمصلحة من يريد ان يسيطر على مجلس ادارة البنك 00

وبالنسبة لكمية الاسهم هاذي حسبة ثانية 00

يعني مثلا البنك عنده 1500000سهم راح يقسمون عدد الاسهم على عدد البطايق وكلما كان عندك بطايق اكثر حصلت على اسهم اكثر00
ولو حصل مثل اكتتاب بنك الكويت والشرق الاوسط اعتقد وزع 1000 سهم لكل بطاقة00
=============================

 

[tarazaan]

تدري عاد
عندي احساس انة ماراح يسوون بنك اسلامي ولا شي
واللة احساسي ان البنك العقاري راح يتحول من بنك ربوي الى اسلامي
لاااا
والاكتتاب راح يكون محصور على المساهمين القدامى في البنك نفسة

واللة دخنا بين الهواميير
ما يبونا نترزق اللة ونجمع جم فلس نتزوج فيهم
واللة احلامنا وردية وعلى كيف كيفك
يبا نبي بس نتزوج ما نبي السوق كلة


وانا اقول لو تخلون السوق الكويتي عنكم وتنتظرون شركة غاز قطر
او شركة الاتصالات السعودية الجديدة اللي راح تنزل اخر 2004 اشرف

وانا عزائي الوحيد بسوق الكويت اهو نطرة اكتتاب البنزين

واللة كريم ويرزق الجميع

 

[ملك التحدي]

طرزان


تفاءلوا بالخير تجدوووووه


ولا تحاتي البطايق لك مني كم بطاقه هديه طرزانيه


بس سالفه الاكتتاب او بيع البطاقات محتاجه حسبه ماراج توضح صورتها الا اذا تم الاعلان عن عدد الاسهم لكل بطاقه

والله الرازق

 

[tarazaan]

شكرا شكرااااان
يا ملك التحدي

طرزانة يمي تسلم عليك وتسالك وتقول انها مسكينة بدون وودها تبيع بطاقة التمويل مالتهم ....يصير؟؟؟

مسكينة هالبنية خطفها قرد حول وهي صغيرة وانحاش الملعون داخل الغابة وللاسف للحين مو لاقية اهلها

وانا واقف يمها لعل وعسى نلقى ابوها ويطلع ملياردير واعيش على افاها وافا ابوها
بس واللة اذا طلع ابوها بدون لوديها لوادي القرود...وازوجها من اجكر وانحس قرد بالغابة