مطلوب علامة الجاكوار ( الفهد )

[قرناس1]

السلام عليكم ورحمة الله وبركاته ..

ابي علامة الجاكوار اللي تنحط بمقدمة السياره وأي حجم كبيره او صغيره

بس بسعر مناسب وين احصلها بالضبط غير الوكاله لانها بالوكاله سعرها غاااالي او اذا فيه احد عنده ويبي يبيعها يرسلي بالخاص .

وبيض الله وجيهكم

 

[كويت2]

اعتقد اتحصل بسكراب امغره

 

[abanos]

ماكو غير امغره

 

[ولد^الكويت]

اذا مالقيت في امغره يمكن تحصلها بشارع الزينا بشويخ

 

[Rap Soul]

سألت الوكالة ؟؟

 

[قرناس1]

يعطيكم الف عافيه

انا رحت قبل يومين امغره ولقيت الحجم الكبير بس صلخني سعرها 75

والوكاله 110

ابيها بسعر رمزي انا

 

[بوغمازات]

اخوي .. انا شاريها قبل 6 شهور تقريبا بسعر 45 دينار من شارع الزينه .. بس مادري اي محل او اسمه .. اتحصل هناك انشالله ..

 

[abanos]

كاسرهم

هذيل كل شى عندهم فوق بس لما تقوله سعرك يبيعك لانه بالاساس طايح بجبده

 

[UNIX]

عندك جاكوار و مستغلي ال 110 دنانير عليها؟

 

[basha]

الله واكبر عاد يا الجاكور اشدعوه معترف فيها ..... الخليج كله ومو راضي يمشي سوقه سياره فاشله سبحان الله

انا اقول خمسين دينار خساره فيها

 

[قرناس1]

مو مسألة مستغلي والسياره بستعملها جم شهر وببيعها مابي اقط عليها

وبعدين كلها علامه اشتريها 110 وبرا ارخص ونفسها بالضبط يعني الوكاله بتعطيني عليها كفاله مثلا
والا اذا ضاعت بتعطيني غيرها نفس الشي برا والوكاله بهالاشياء .

وعلى قولة اخوي باشا سياره مو معترف فيها .. كل سياره فيها عيب في اكثر من الرنج روفر وقفت على الجاكوار
ماورانا شي خلنا نجرب الجاكوار وغيرها