تحويل من مادة 20 الى مادة 18

[beginner25]

السلام عليكم جميعا ... عندي استفسار وياريتكم تساعدوني
استفساري طويل شويه ... او بالاصح قصة .. ياريتكم توسعون صدركم وتتحملوني
عندي خادمة فلبينية صارلها 3 سنوات (مادة20) تبي تشتغل برة .. يعني تبي تصير (مادة18) لقيت لها شخص يشغلها بمحل .. بس لازم تتحول من مادة 20 الى 18
قالو لي ان لازم أكنسل إقامتها وأحط لها اقامة مؤقتة لمدة 3 شهور وفي هالفترة تروح البحرين مع الفيزا الجديدة وترجع وبعدها تتحول مادة 18

لمن رحت أكنسل إقامتها ... قالو لي ان البحرين وقفت هالشغلة .. ماكو غير انها تروح الامارات

حسبت ان نفس اليوم توصل الامارات يختمون جوازها وترجع ... طلع ..لا .. الموضوع مو بهذه السهولة .. هذه لازم بالامارات تسوي فحص طبي + تروح سفارة الفلبين اللي بالامارات ... يعني بالعربي الفصيح عفسة .. وشكلها راح تتغربل هالمسكينة .. وصراحة هي واااااااااااااايد زينة وياي ووايد طيبة ولاني ماشفت منها الا كل خير حبيت اساعدها صارلها 3 سنوات عندي وصراحة حرام تظل تشتغل خادمة وهي مبرمجة كمبيوتر واللغة الانجليزية عندها ممتازة

شنو الحل ؟؟ يعني لازم تسافر وتسوي كل هالعفسة علشان تغير المادة ؟؟!! مافي طريقة اسهل ؟!!
حبيت اساعدها واكون مشكورة اذا ساعدتوني احل هالموضوع

 

[beginner25]

حظي .... وين اللي بساعدوني ويجاوبون على استفساري ؟!

 

[Jahra]

ابشر بعزك سهله جدا

حول اقامتها الى صاحب المحل الي تشتغل عنده تحويل عادي عن طريق الهجره ماده 20

ولما تتحول رسمي يقدر صاحب الرخصه ينقلها للماده 18 شؤؤن ... سهله الطريقه

اسأل مجرب

 

[Jahra]

بس ها تأكد بإن الرخصه حقت المحل بإسم الرجال الي تشتغل عنده

 

[beginner25]

مشكور وايد ... اوكي راح أسأل وأتوكل على الله

 

[الت تي]

حبيبي تدل مستشفى الراشد يمه لصق فيه سفريات هم ياخذونها ويودونها دبي ويفحصونها الطبيب ويخلصونها بيومين ولا بعد يظبطونها لك

 

[أبو وجدان]

بس ها تأكد بإن الرخصه حقت المحل بإسم الرجال الي تشتغل عنده

أخوي أنا بسوي نفس الطريقة عندي واحد بحولة باسمي مادة 20 بعدين بحولة مادة 18 بس الرخصة باسم زوجتي وعندي وكالة عامة عنها وأنا الممثل القانوني ، ينفع ولا لازم تكون المؤسسة بإسمي شخصيا

جزاك الله خير

 

[Camaro]

لاماينفع هالكلام
لازم الخادم او الخادمه تكون مكملة سنة على كفيلها ماده 20 والكفيل نفسه اللي تكون الرخصه بأسمه حتى مايصير لا وكالة ولا حتى المفوض بالتوقيع لازم نفس الاسم اهو الكفيل القديم 20 وهو نفسه صاحب الشركة مادة 18 ... ولاتفكر انك تحول الخادمه تحويل هجرة من 20 لي 20 وتفكر انك تحولها بأسم واحد عنده شركة وهذا الواحد يحولها من خدم لي شئون على طول ؟ لازم تكمل سنة ..

وملاحظه احتمال كبير تحويل الخدم لي شئون راح يوقف شهر 4 الجاي

هالكلام معتمد

 

[Camaro]

ابشر بعزك سهله جدا

حول اقامتها الى صاحب المحل الي تشتغل عنده تحويل عادي عن طريق الهجره ماده 20

ولما تتحول رسمي يقدر صاحب الرخصه ينقلها للماده 18 شؤؤن ... سهله الطريقه

اسأل مجرب

خيي حتى لما تتحول اقامتها خدم رسمي على قولتك باسم صاحب الرخصه مالك امل يحولها شئون الا بعد سنة بالضبط الا في إنه بالموضوع

 

[أبو وجدان]

لاماينفع هالكلام
لازم الخادم او الخادمه تكون مكملة سنة على كفيلها ماده 20 والكفيل نفسه اللي تكون الرخصه بأسمه حتى مايصير لا وكالة ولا حتى المفوض بالتوقيع لازم نفس الاسم اهو الكفيل القديم 20 وهو نفسه صاحب الشركة مادة 18 ... ولاتفكر انك تحول الخادمه تحويل هجرة من 20 لي 20 وتفكر انك تحولها بأسم واحد عنده شركة وهذا الواحد يحولها من خدم لي شئون على طول ؟ لازم تكمل سنة ..

وملاحظه احتمال كبير تحويل الخدم لي شئون راح يوقف شهر 4 الجاي

هالكلام معتمد

جزاك الله خير أخوي ، ومشكور على التوضيح

 

[Jahra]

خيي حتى لما تتحول اقامتها خدم رسمي على قولتك باسم صاحب الرخصه مالك امل يحولها شئون الا بعد سنة بالضبط الا في إنه بالموضوع

حبيبي انت .. انا بالجهره عند المدير صنهات المطيري شغله عاديه استثناء فقط وتتحول تلقائي

 

[اخو عليا]

ان تحول اقامة من 20 الى 18 عادي على نفس الكفبل وان يكون عندك رخصة تجارية وتمشي المعاملة عادي وتتحول

 

[Camaro]

خيي مدير الجهراء مو صنهات المطيري ؟ اسمه صلاح الطراروة وبالنسبة للقانون المطبق في ادارة العاصمه سنة بالضبط هذي اقل مده وحتى لو سنه الا يوم . مايصير واللي حاب يسأل يروح مجمع بهبهاني يسأل

 

[ابو رجا]

خيي كلام اخوي كمارو صحيح 100%

انا اداوم بشئون وبادارة العمل

 

[أبو وجدان]

توضيح

خيي مدير الجهراء مو صنهات المطيري ؟ اسمه صلاح الطراروة وبالنسبة للقانون المطبق في ادارة العاصمه سنة بالضبط هذي اقل مده وحتى لو سنه الا يوم . مايصير واللي حاب يسأل يروح مجمع بهبهاني يسأل

الأخ يتكلم عن مدير إدارة هجرة محافظة الجهراء وهو العقيد الدكتور سالم صنهات المطيري ، أما الأخ صلاح الطراروة فأعتقد بأنك تقصد مدير شئون العمل بمحافظة الجهراء

 

[الحرالنداوي]

اخو ي انت قصدك محزم المطيري مديرشئون الجهراء سابقا والحين المدير الطراروه وبخصوص سالم سنهات المطيري مدير الهجرة الجهراء سابقا شالوه وحطوه علي الخدم مكان العقيد اديب السويدان يعني اي واحد يبي يجمدونه يحطونه في هل مكان علي تغيب الخدم يعني يغمتونه غمت انسه تسمعله حس مثل اديب والعقدالودعاني كلهم كانو في اماكن حلوه بس ازعلوه عليهم علي طول علي الخدم ؟ واسمحولي علي المداخله لاجل التوضيح فقط وتحياتي لكم

 

[Camaro]

الهجره مالها اي علاقه التحويل يتم من الشئون ولما يطلع اذن العمل الهجره غصبن عليهم يدقون الاقامه 18 وعلى العموم القرار وقف من تاريخ 1 ابريل

 

[ITec Boy]

؟؟؟