السوق ما يرحم

[فريد]

الأخوة الكرام من ملاحظتي للسوق خلال هذا الأسبوع بين الهبوط والصعود اخترت مجموعة من الأسهم يلاحظ عليها سرعة تعديل أسعارها مع أي تحسن يطرأ على المؤشر

أولا : قطاع البنوك

الوطني صاعد صاعد

العقاري نجم القطاع


ثانيا : الاستثمار

المشاريع نصيحة الأخ بو عزوز سهم راح يطوف 300

المركز


المال (صاروخ السوق القادم)

الأهلية (قاعدة على كبدي ) بس هم أنا قاعد لها

الاستشارات سهم مغامرة بس خطير

بيان



ثالثا : العقار

المتحدة مستقبله حلو

الوطنية راح ترتفع مع ربعها في وقتهم

المصالح أرباح في العالي


رابعا : الصناعة

صناعات الكل يقول عنه سهم مظلوم

بورتلاند أرباحه تشفع له

الصناعات المتحدة سعرها يغري كل ما كان تحت 250

خامسا : الخدمات

المخازن ، سلطان حاجزين موقف لهم في مواقف أبو دينار


هالأسهم هي اللي براقبها وأتابعها وتستاهل الشراء في ساعات النزول القوي

 

[عارف الحال]

شويه على كل العقود الى وقعتها المخازن يحجز موقف بدينار

 

[السلام والحريه]

فريد

فريد تنصحنى اشترى آجل اى واحده من الشركات والبنوك

 

[فريد]

الأخ عارف الحال مثل ما انت عارف حال المخازن يبشر بالخير وبعدين مواقف بو دينار فيها من 1.020 لغاية 2.500 والمخازن بتلامس الدينارين بس يبيلها صبر

الأخ السلام والحرية سلامتك أخوك ما له علاقة بسوق الأجل وأحسن لي اشتري نازل عشر فلوس وابيع صاعد عشر فلوس حتى تبين وجهة السوق