Master-Leo توصيات + تحاليل + مضاربات

[unknown]

الأرباح زينه وفيها نمو مقارنه بالعام الماضي ولو ان توقعناها أكثر بعد من جذي

في رأيي المتواضع في حال نزول السوق أكثر فإن سهم عارف ممكن يرتد للأعلى بالكثير من 520-510 فلا تحاتي هالسهم قوي وإستثماري ولو كان عندي ما أتعب روحي وأطالع السوق

وتابع أيضا رابط جروب عارف في موضوع الزميل العزيز بوفواز الجيماز عنده أخبارهم

http://www.indexsignal.com/vb/showthread.php?t=86444

ربي يطمنك ... بجيبلك مصحف هديه ان طلعت من هالغرازه بدون خساره

 

[unknown]

على فكره ليووووووو ... واحد اقترح علي ان اطبع على فنايل وكابات "" عارف وبس"" ووزعها عند باب البورصه ... يقول هشئ راح يساهم برفع السهم .. انته اشرايك؟؟

 

[Master-Leo]

من الآخر

عربي قابضه

يوباك

يا أسد المؤشر نت

آنا بحطهم في المحفظه الوهميه

لك كل الشكر و التقدير وأبي رأيك الفني

هلا بوفواز شلونك ان شاءالله بخير

بوفواز ماتحط سهم بمحفظتك مني والطريج لازم وراهم شي منت خالي خاصه ان هالسهمين من الأسهم الدايخه اللي ماعليه تداول

عربي قابضه : دعم(1) 400 و دعم(2) 380 السهم حاليا في مسار هابط ممكن ينتهي عند 400 أو 385-380 ويبتدي صعود بعدها ان شاءالله وحاليا المؤشرات الفنية سلبية مع وجود مبالغه في البيع على السهم .

مقاومات و أهداف في حال الارتفاع : 415 - 430 - 450 - 485 والهدف الأسمى 495-500 في حال تجاوز كل الأهداف الأولية المذكورة والله أعلم .


يوباك : دعم(1) 375 دعم(2) 360 دعم (3) 340 اعتقد يستحق الشراء بأسعار الدعم المذكورة لأن غالبا كان يرتد منها والمؤشرات حاليا سلبية .

مقاومات وأهداف في حال الارتفاع : 410 - 430 - 450 - 470 وبعده 485-500 والله أعلم .

 

[blashetab]

أدنك إذا ما عليك أمر

 

[Master-Leo]

ليو لو ممكن انابيب و هل تنصح الاستثمار بهل سهم

و تسلم ياكنج المؤشرنت

ياهلا اخوي شوف أول شي ماراح أجاوبك الا لما اتييب لي قطعة خام شتوي
من النوع الفاخر من محل كاكولي أبي هالسنه يقولون عني من كشخته الناس حبته شقلت ؟ مو تزعل قاعد أتغشمر

سهم أنابيب أرباحه زينه لكن عيبه في نسبة غير تشغيلية فممكن ماتلقى
نفس هالأرباح السنه القادمه لكن أتوقع بما ان تابع لجروب الخرافي فممكن يصعد مع صعدة سهم الهواتف

أما فنيا فالسهم حاليا عنده دعم على 540 ومقاومه على 590 والمؤشرات سلبية واصلة الحضيض

صكوك ولي يرحم والديك

صكوك : لازال في مسار هابط وحاد ممكن السبب الاكتتاب فيه لأن رأس

المال راح يكون ضخم والأرباح ماراح تكون جيده بعد الزيادة يعني ممكن

تلقاه يصير نفس الميادين أو الصفوة سابقا مجرد توقع مني والله أعلم .

التحليل الفني : الدعم عند 136 ومقاومه عند 152 ( دعم سابق ) و مقاومه ثانيه عند 158-160

 

[Master-Leo]

أدنك إذا ما عليك أمر

أدنك : دعم (1) 146 ودعم (2) 140 ومقاومه 156 في حال تجاوزها الهدف بكون 162 والهدف الثاني 168 اما المؤشرات بعد تداول اليوم فأغلبها ايجابي

على فكره ليووووووو ... واحد اقترح علي ان اطبع على فنايل وكابات "" عارف وبس"" ووزعها عند باب البورصه ... يقول هشئ راح يساهم برفع السهم .. انته اشرايك؟؟

اذا سويتها ورفعوا سهمك بسبب هالفنايل قولي وأنا أروح أشتري 100 فانيلة شرط أم علاق بعد وأكتب عليها فيلا مودا بشوف يصعدونها ولا لأ

 

[عضو]

اخوي مستر ليو


شرايك في نور للمضاربه بكره ....ولا في احسن منه وتعرف "سلوكه"

 

[Master-Leo]

اخوي مستر ليو


شرايك في نور للمضاربه بكره ....ولا في احسن منه وتعرف "سلوكه"

نور للمضاربه اشتر 560 أو570 مو أكثر والبيع قبل 610

وعندك سهم آخر هو الصفاة : شراء 580-590 والبيع قبل 630

بالتوفيق ان شاءالله في أي اختيار

 

[يقولون]

ما ودك تجاوبني صح

ما جاوبتني سيد ليووو عن رايك بالسوق وادري ما تنلام بس ودي اعرف حتى لو يصير العكس لانه هذا سوقنا وكل الاحتمالات ممكن تصير فا طبيعي بس يهمني اعرف رايك اذا سمحت

 

[TABBAZ]

ليو ممكن ام القوين لو سمحت
والامان وياها

 

[garmin]

هلا بوفواز شلونك ان شاءالله بخير

بوفواز ماتحط سهم بمحفظتك مني والطريج لازم وراهم شي منت خالي خاصه ان هالسهمين من الأسهم الدايخه اللي ماعليه تداول

عربي قابضه : دعم(1) 400 و دعم(2) 380 السهم حاليا في مسار هابط ممكن ينتهي عند 400 أو 385-380 ويبتدي صعود بعدها ان شاءالله وحاليا المؤشرات الفنية سلبية مع وجود مبالغه في البيع على السهم .

مقاومات و أهداف في حال الارتفاع : 415 - 430 - 450 - 485 والهدف الأسمى 495-500 في حال تجاوز كل الأهداف الأولية المذكورة والله أعلم .


يوباك : دعم(1) 375 دعم(2) 360 دعم (3) 340 اعتقد يستحق الشراء بأسعار الدعم المذكورة لأن غالبا كان يرتد منها والمؤشرات حاليا سلبية .

مقاومات وأهداف في حال الارتفاع : 410 - 430 - 450 - 470 وبعده 485-500 والله أعلم .

هلا وغلا فيك انت ومشكور وترى أمر على صفحتك كل يوم وماودي أأذيك بسؤال

بس والله أنا أحب الأسهم الدايخه تدري ليش علشان الخرافي لما يدق السوق مايقدر على أسهمي ..وفلوسي إذا أبيها القاها ..

عربي قابضه تكلفته على الساحل فوووووووووووووووق وإحته جربنه نهاية السنه ...ويعتبر بلاش بالنسبه لي ..

يوباك ..أرباحه تقريبا 92 فلس ودايخ ..من قلب ..عندهم عقدين قادمين في مطارين في الخليج راح يعلن عنهم ..

شركة تشغيليه ..ومستقبلها زين يا زين ..



أمس كنت كاتب ورقه فيها جم سهم وبغيت أفتح موضوع فيهم كنت راح أسميه بوكيه ورد

راح أكتبهم لك من غير تعليق

يوباك
عربي قابضه
حياة كوم
التعليميه
الوطني
الكيبل التلفزيوني
المصالح

أخوك
بوفواز
أسهم أنا أرشحها لتكون في محفظة شخص توه يبي يدش السوق ويدور الامان والربح في البدايه مومهم المهم سلامة رأس المال

 

[يقولون]

بوفواز

استاذ بوفواز لي تعليق بسيط على كلامك اذا تكرمت لو افترضنا انه الخرافي اهو اللي قاعد يدق السوق وين دور باجي الصناديق والمحافظ معقوله الخرافي يسوي كل هذا بالسوق والاخوان يتفرجون واسهمهم تنزل وربحيتهم وهم قاعدين يتفرجون ؟ الا اذا بتفاق جميع الاطراف وانا هذا رايي وابي رايك وشكرا

 

[BMW2007]

سلاااام عليكم
ويسعد مسااااااااكم

اخ ليوو............شراايك بسهم ادنك دعمه ومقاااومته

احس فيه طلعه.........(واحسااسنااا ياااوديناا بدااهيه والايعشينااااا)

شرااايك ليووو بأحسااااااسي

 

[piccadilly]

اخى ليو

ياهلا فيك صباح الورد

بنك بوبيان هو سهمي للاستثمار

السلام عليكم :

اخوى ليو ماعليك امر .تنصحنى باى سهم من الاسهم الاتيه :للاستثمار
1:سهم بنك بوبيان.
2:سهم نور

لوسمحت على جم اخذ السهم بالوقت الحالى وجم مدة الاستثمار.وشكرا

 

[garmin]

استاذ بوفواز لي تعليق بسيط على كلامك اذا تكرمت لو افترضنا انه الخرافي اهو اللي قاعد يدق السوق وين دور باجي الصناديق والمحافظ معقوله الخرافي يسوي كل هذا بالسوق والاخوان يتفرجون واسهمهم تنزل وربحيتهم وهم قاعدين يتفرجون ؟ الا اذا بتفاق جميع الاطراف وانا هذا رايي وابي رايك وشكرا

أستاذي ياعمي أنت
ياخوي
منو يقدر يدق الهواتف والصناعات الوطنيه وبيت التمويل والمخازن غيره ..!! وبعدين ترى أول من بلش البيع القوي الأستثمارات وناس شايفه كشوفات البيع ..

تدري الهواتف ال 100 الف سهم جم سعرها ..!!
شيلمهن ياخوي
لا مايتفرجون بس لما يشوفون أحد قادة السوق يبيع بهذي القوه لتحقيق المكاسب أكيد راح يتبعونه علشان مثل ماقلت ماتضيع مكاسبهم
مستحيل يكون في اتفاق لتنزيل السوق لكن دائما هناك من يشعل الفتيل ..
لأنه مثل ماتفضلت الكل مايبي يخسر ..وكان هناك تصريح للعميري ..وهو أحد رؤوس الأستثمارات وكان ذاكر فيه بأن المؤشر راح يستقر فوق ال13500 لأنه السوق بخير والسيوله موجوده ومافي مشاكل والملف النووي الأيراني مطول

عقب ماباعوا وصرفوا طلع لك تقرير للأستثمارات نهاية الأسبوع الماضي بأن التصحيح طبيعي ولحد يتدخل لا بالإيجاب ولابالسلبي وخلو السوق ياخذ دورته ..في التصحيح ..
شوف ياخوي ..آنا ماني محلل فني لكن لنا علاقاتنا البسيطه ..وآنا ذكرت لأحد الاخوان في المؤشر نت وقلت له قالولي بان راح يمر عليك يوم السوق في نزول 300 نقطه صافي ..وراح يضغطون على قطاع البنوك..ويبون (لاحظ يبون) المؤشر يوصل ال 11800 تقريبا وعقبها لقط على كيفك وعلى الراحه وعقبها تشوف الخير ..

بلش السوق ب360 نقطه ..وقطاع البنوك لاحول ولاقوة ..

آنا أعتقد هالأسبوع ممكن ننهي آخر عمليه التصحيح والغربله ..
ونظل في مرحله لتذبذب غير مبالغ فيه ..
لكن آنا أقولك
نعم للأستثمارات دور في عملية التصحيح التي تمت ..وكانت في وقتها ..وتصحيح مطلوب ولو كان قاسي ..نوعا ما ..التصحيح تصحيح ..قاسي ناعم أسمه تصحيح ..وكان هناك أهداف فنيه أشار لها محللين المنتدى ويشكرون علي جهدهم

أخوك
بوفواز

وسامحني أسد المؤشر للتعليق في موضوعك الفني

 

[PABB]

السلام عليكم :

اخوى ليو ماعليك امر .تنصحنى باى سهم من الاسهم الاتيه:

مشاعر
لؤلؤة
ابيار

 

[السور]

السلام عليكم :

اخوى ليو ماعليك امر .تنصحنى باى سهم من الاسهم الاتيه:

مشاعر
لؤلؤة
ابيار

لا يحوشك لولوة اطلب نص مليون بالحد الادنى ينزل السهم من الحد الاعلى يعطيك عادى مثل الورد يدور الشراى بالتفغ !!

 

[يقولون]

شكرا

شكرا بوفواز وماقصرت وكلامك منطقي وفعلا الشراره منهم وترى اهم قاعدين يبيعون صح بس ترى يشترون والله وآسفين مستر ليووو ومازلت انتظر ردك يا الملك

 

[عروجان]

ياشباب مافية اخبار عن شركة المال للاستثمار

 

[بوقاسم]

الله يعافيك المدينه , اكتتاب , بنك بوبيان , صناعات قابضه
وما غليك امر الدعم والمقاومه للمؤشر و مأجورين انشاء الله
تعودنا على المجموعه الانتحاريه وينها يا اسد المؤشر؟؟؟؟؟؟