استشاره:ما هي السيارات العائليه المناسبه لاستخدام السائق

[ابو شايع]

السلام عليكم :

استشاره لاهل الخبره ما هي السياره العائليه المناسبه لاستخدام السائق ؟ولماذا ؟

مثال على ذلك الفنشر او كيا " كرنفال" غيرها من سيارات العائليه .

وشكرا لكم ​

 

[ابو - ناصر]

اهلا ابو شايع

بنسبه للفنشر اصرف نظر كان عندي مشاكله كثيره والوكاله مايفتهمون ولا دفع امامي بعد

خوش صوره ​

 

[خمسة اقمار]

هلا والله بوشايع وصبحك الله بالخير أضم صوتي مع أأخوي بوناصر بخصوص الدفع الأمامي وبالذات
السيارات اللي ذكرتها خلك على السيارات البوكس الدفع الخلفي
أو أستروفان والسفاري
والأمر متوقف على السايق اللي عندك إن كان يرع :d بالسياقه فعليك بالسوبرمان
وإنشاء الله نشوف رأي باقي الأخوان بالمنتدى

 

[NICK]

استروفان

 

[اهم1]

السوبرمان

 

[UNIX]

جمس سبربان سيارة عائلية؟ هذا موتر النحشة مو سيارة عائلية..

السيارة العائلية لازم يكون حجمها كافي لأفراد الأسرة مو الفريج + مريحة و ناعمة و اقتصادية بالبانزين!

انا أنصح بمني فان تويوتا ارقد و اّمن

 

[محمد2000]

انا اقول خلك مع الجمس ((سوبربان )) واقطع .
واترك عنك سيارات النواعم . ميني وغيرة .

 

[finaltouch]

والله الكيا مواصفات واستعمال ومكينه ممتازه جدا ...والراى لك اولا واخيرا

 

[قاروه]

اذا صالون عندك فورد فكتوريا

او سوبربان

 

[الدنيا دواره]

عندك التويوتا احسن موتر ويا الكيا

 

[الشاطر]

انصحك اينوفا تويوتا ممتازه وان بغيت تبيع هم تنباع وبسعر قريب عند سعر الوكاله بس سعرها على ما اظن 7000 بالوكاله ونادرا ما تنعرض للبيع بالحراج اذا مو مستحيل لان اللى يجربها مايفرط فيها

وهذا رابطها عند الساير

http://www.toyota.com.kw/Arabic/toyota_models/innova/exterior.asp

 

[ابو شايع]

السلام عليكم :

جزاكم الله خير على المشاركه

وشكرا لكم جزيلا للجميع​

 

[ابو شايع]

السلام عليكم :


اللي يعرف موقع شركة كيا يضعها هنا

وشكرا لكم جميعا​

 

[ابويوسف18]

الاخ لدي كيا واستعملتها واستعمالها فوق الممتاز من حيث السعه تتسع 7 ركاب وكذلك الانسيابية فى الطريق ويوجد منها 3 أنواع وتختلف باختلاف حجم الماكينه .وانصحك بها . وبالتوفيق

ولدي كرنفال موديل 2005 م وارغب بشراء 2007 م للتجديد من غير مشاكل عرضت السيارة للبيع ومن ثم استخرت وأجلت موضوع البيع

 

[ابو حضين]

السلام عليك اخوي ابوشايع نصيحه لوجه الله انصحك تروح للحراج وطقله تويوتا برادو مويل2000 -2002 ولا باجيرو تراهم كد ومد لسواويق وسعرهم مناسب وسيارات عائليه بس اتعب على الظيف وتقبل فائق احترامي وعتبرها توصيه بحت

 

[fikimostafa]

السلام عليكم :


اللي يعرف موقع شركة كيا يضعها هنا

وشكرا لكم جميعا​

http://www.kia.com/

 

[nasser11]

من وجهة نظري المتواضعه افضل سياره عائليه (بريفيا) تويوتا طبعا
وفي 6سلندر و4سلندر على حسب احتياجك قرر انت شنو اللي يناسبك سياره ممتازه بس عيبها الوحيد انها غاليه نوعا ما

 

[زلاتان]

انصحك لوجه الله افضل سياره عائليه على مستوى العالم

بدون مجامله هي ( كيا كارنفال ) انا مجربها خارج الكويت بامريكا

طبعا هي الاولى بامريكا وجربتها هنيه بالكويت للسايق بالامانه

كد ومد وقطع غيار رخيصه جدا جدا جدا هذا اذا احتاجت للقطع اخذها وادعيلي

 

[human67]

يا بوشايع أنا قبل فترة أحترت مثلك ورحت ولفيت على المعارض
وقارنت الأسعار مع المواصفات وحجم المكينة وقوتها

ولقيت أحسن شئ ناسبني وأعتقد أنه وما زال الأفضل هي

سيارة متسوبيشي قرانديز العائلية

http://www.mitsubishi-cars.co.uk/grandis/images.asp

عجيبة والله تشيل 7 أشخاص ومكيفها بارد وسواقتها ناعمة وأقتصادية
وكل سعرها 5200 أرخص من الكيا ومن كل السيارات اللي مثلها

 

[ابو شايع]

جزاكم الله خير للجميع

والله يا خوي سيارة غرانديز فعلا خوش سياره

وانا مقتنع فيها .

بس انا اشوف ان سعر الفنشر شوي مناسب لقيت واحد نظيف دا وكامل المواصفات موديل 2003 بسعر 2850 دينار ؟

والله انا محتار جدا جدا؟