الشركة الدولية للمشروعات الإستثمارية ( دولية م ا ) ...4

[فلس]

آمـــــــــين يارب العالمين
الله ياخواني اكثر الفلوسي فيها دايسها دوووس كل ماتقول هانت قام يلوع جبدك بس كل ما لوع جبدك باكر يخليك تقط جبدك وتركب جبد يديده ابقراطيسه من كثر الرباح اللي راح الطلعه منه إنشالله وانا متفائل فيها حيييييييييييل والله لو مو متفائل إجان ما حطيت فيها مبلغ وقدره ....
المشكله بعض الشباب الله يهديهم قاعدين بس حق السوالف ولو تسأله يفتي على طوووول والمشكله تلقاه ماعمره دخل بالسهم ولا فكر يدشه ويمكن بعد السوق مايدله عالعموم ابي منكم الصبر واللي خايف انصحه يطلع من السهم وماكو شي اكيد إلا الموت والله يطول بعمركم
والله يرزقني ويرزقكم

هذيلة ربك يحاسبهم ...لانه مايدري بكلامة هذا قاعد يوهق ناس


ونفس ماقلت أخوي أبو حضين مافي شي أكيد غير الموت

 

[فلس]

اذا مو 700 بس ان شاء الله يصير اللي في بالي قريبا وبتشوف هالرقم خلال هالشهرين بإذن الله وإن غدا لناظره قريب.

أخوي سايق الخير بسألك سؤالين بس مابيك تزعل منهم انشالله



السؤال الأول ليش أغلب توصيااتك معلق على المده (شهرين)؟؟



السؤال الثاني دام اتحب الخير لربعك ليش ماتقولهم الخبر الي عندك ؟

 

[ابو حضين]

الصراحه محد يزعل منها ابد
والسؤال الثاني اوافقك فيه اخوي فلس

 

[متداول مبتدئ]

صبح الخير

اليوم انشاء الله صعود

 

[متداول مبتدئ]

متى ترتفع الدولية وتوصل 500 فلس ​

 

[سايق الخير74]

أخوي سايق الخير بسألك سؤالين بس مابيك تزعل منهم انشالله



السؤال الأول ليش أغلب توصيااتك معلق على المده (شهرين)؟؟



السؤال الثاني دام اتحب الخير لربعك ليش ماتقولهم الخبر الي عندك ؟

الصراحه والحق ماينزعل منهم يا اخواني وانا بجاوب عالسؤال الثاني قبل الاول لأنه أهم ...أحيانا تكون في اخبار عن اشياء قاعده تنطبخ ومانتهو منها ويمكن تكون هالاشياء في مراحلها النهائيه وانا اخاف استعيل واقولها وماتصير لأي سبب من الأسباب وتصير مو حلوه بحقي والركاده زينه والشي اللي قلت انه في بالي اهو شي من هالاشياء وان شاء الله انه يصير واذا صار بتتغير أسعار قروب البحر خلال شهرين لأنها اقفالات أرباح الربع الرابع(آخر السنه) وهذي اجابة السؤال الاول بالمره...وانا لما قلت 700 فلس كنت أقصد جيزان مو الدوليه واعتذر عن هالخطأ وأوعدكم اذا صار هالشي راح اعطيكم اهداف الدوليه المتوقعه وحتى الدوليه اسعارها بتكون عاليه بإذن الله لاتحاتون وسامحونا عالقصور

 

[nabeels8]

النسبة المرهونه / طريقة المساهمة كبـــار الـمســاهــميــن / النســـبة

‏-- / غير مباشــرة ديـــوان الـعمـــدة للـتجــارة / 9.39 %‏
‏-- / مباشــرة شــركــة عـقــارات الـخـليـــج / 8.028 %‏
‏-- / غير مباشــرة شركة المجموعة المالية الكويتية / 7.153%‏
‏-- / مباشرة وغير مباشــرة شركة عقارات الكويت / 9.855%‏

 

[البراق2]

متى ترتفع الدولية وتوصل 500 فلس ​

لي حجة البقر علي قرونها يوصل 500 ​

 

[ناصر دشتي]

البحر ما يتحرك الا على المزاج واللي يقول غير هذا الكلام يشوف فلوسه تحترق جدامه, الناس اللي يقولون فجوات ,البحر ما يصكر فجواته صفقه 280 لو تيبون 16 كيس اسمنت ونساف رمل ناعم وصلبوخ وسيلكون وصمغ حديد هم ما يفيدكم الريال اذا مو مزاجه فوق ما تحصلون شي
هذي النهايه نطرون الارباح بس وتعرفون البحر متى يشتغل

 

[adelsaqer]

وان شالله معاليه متي راح يشتغل يابوبدر ؟؟

 

[ناصر دشتي]

قبل الاعلانات وربي يرزقكم ان شاء الله

 

[تاجر جديد]

البحر بارتفاع باذن الله الاسبوع القادم بس تابعوا بحرص

 

[Surrawi 3jeeb]

البحر بارتفاع باذن الله الاسبوع القادم بس تابعوا بحرص

آنا متوقع من زمان الأحد اللي بعد العيد

والله لا يخيب ظني

ويييييييييييين الخرافي الصغير،،،،، فاقدينه

 

[سايق الخير74]

آنا متوقع من زمان الأحد اللي بعد العيد

والله لا يخيب ظني

ويييييييييييين الخرافي الصغير،،،،، فاقدينه

وانا اشهد انك بالعشر الاواخر قلت هالشي...اعتقد انه سعر المعروض اليوم 285فلس وايد حلو وطلبت آجل آخر السوق قالو الكاش خالص.

 

[قنوع ؟]

من صبر نااااااال والله يرزق الجميع

 

[adelsaqer]

قنوع جنه عندك اخبار عن اسهم البحر

 

[متداول مبتدئ]

لا حول ولا قوة الا بالله العلي العظيم

ان شاء الله الانطلاقة من هذا الاسبوع ذترا ملينا وطقت جبودنا من النزول واسعر ال280
ابي اشوف ال 300 ال 400 ال500 ال600 ..................الخ

 

[ضرغام]

من صبر نااااااال والله يرزق الجميع

????????????????????????????????????????????????????

 

[حفار قبور]

لا حول ولا قوة الا بالله العلي العظيم

ان شاء الله الانطلاقة من هذا الاسبوع ذترا ملينا وطقت جبودنا من النزول واسعر ال280
ابي اشوف ال 300 ال 400 ال500 ال600 ..................الخ

من زمان واحنا عايشين بأوهام ، اللي عايش بالواقع إهو اللي يضارب بالسهم ويربح من وراه ، من يرتقع شوي يبيعه وينطره ينزل وهكذا ، ومسألة السهم بيوصل السعر الفلاني وقريبا وما أعرف شنهو ، هاذي إحنا مو قادرين نتركها لأنها مسيطرة على أفكارنا حيل

هذه ليست دعوة للشراء ولا للبيع ، فقط بعدم الدعوة للعيش بالأوهام

 

[nabeels8]

مساء الخير

أرباح بعض شركات البحر من جريدة المؤشر

جيزان = 73 فلس

منتجعات = 25 فلس

الديرة = 62 فلس

كويت أنفست = 55 فلس
​