دورة المؤشرنت للتحليل الفني
50 دينار كويتي
هالسهم سهم استثمار فقط لا غير ،،،،
أما المضاربة تراه يتعب وأكو أسهم أفضل منه ،،، بس بالإستثمار ما فيه أحسن منه ،،، والخيار للمتداول ،،،، والله يرزق الجميع ....................
يا معود نبيه يوصل 255 عشان نبيعه
ولا بننطر توزيع الارباح
أولاً: السهم غير استثماري لأنه سهم داثر،، يمشي على الأخبار و الاشاعات.
ثانياً: السهم محد قاعد يلم فيه، لأن بيتك يملك نسبة فوق ال 50% كنسبة معلنة و تقريباً نسبة كبيرة أخرى غير معلنة.
ثالثاً شوف لك سهم أحسن من هذا كإستثمار.
انتهى،،،
و بالتوفيق.
هالسهم الوحيد الي يعتبر تشغيلي 100% وعقوده لاتقل عن سبعة سنوات بالنسبة لتأجير الطائرات ،،،،،،،،، وطائراتة راح أغلبيتها توصل في 2009 والسهم لو كان مو قوي ما كان بيت التمويل يمتلك فيه نسبه كبيرة ،،، وعلى قولتهم الذيب مايهرول عبث ،،،
والسلام ختام ،،،
انا اشتغل في بيت التمويل و في الادارة المختصة بشؤون الشركات هذي و منها ألافكو.. عندك خبر أنا ما أعرفه؟
ياخوي إنت موظف مثل ماتفضلت مو أحد أعضاء مجلس الإدارة أو الزبن الناس تخطط لعشر سنوات جدام وإنتم تنظرون لباجر السهم نازل أو صاعد أحمر أو أخضر
السهم مو سهم مضاربة أعيدها وأكررها السهم إستثماري
لو السهم مو شي ترا بيت التمويل أول واحد يبيع ومو مجبور يجمد فلوسة في سهم خسران ....
بس المسألة مسألة نظرة كل العباقرة والمليونيرية والمليارديرية ينظرون للمستقبل البعيد ويضخون أموال رهيبة لبناء عقارات أو إنشاء شركات أإلي ما يفكر مثلهم يقول شنو هؤلاء ما يبون فلوسهم بس ، لكن في النهاية تلقاهم هم الصح وهم الرابحين وللأسف إلي نظرته لبكرى السهم شنو حالة صاعد أو نازل وما ينظر نظرة بعيدة مستقبلية هو إلي راح يندب حظه ويقول ياليتني وياحسافة وليش آنا خسران والهوامير بس إلي ربحانة ،،،،
أما تقول أنا موظف مع إحترامي للموظفين ترا الموظف أدات وآلات تحركها الفطاحلة وهم صم بكم عمي
وعلى مقولة الإستاذ صلاح الراشد إذا لم يكن لك مخطط محكم ونظرة مستقبلية تراك إنت من مخططات الآخرين ونظراتهم المستقبيلة ،،،،
وإنشالله وصلة ،،،
وفي الختام قال الله تعالى إن الله مع الصابرين ....
كما قيل الصبر مفتاح الفرج ......
والله يرزقني وإياكم ،،،،،،
أخوي دربك خضر ... من كلامك .. و خصوصاً المكتوب باللون الأحمر .. يدل على أن أفكارك أو توجهك هو الأستثمار الطويل .. لكن من مشاركاتك الشبه يوميه .. يدل على أنك متابع يومي لهذا السهم و أخباره ... و هذه الصفتين لا يلتقيان معاً ... ليييش؟؟؟
لأنك اذا كنت متابع يومي عن أخبار سهم شركة معينه .. فهذا يدل على أنك مضارب بالسهم وليس مستثمر .. لأن المضارب هو الذي يراقب عن كثب أخبار الشركة و تحركات السهم .. حتى يعرف الوقت المناسب لبيع السهم .. و من ثم يبحث عن فرصه أخرى للمضاربه فيها سواء في نفس السهم أو غيره..
أما المستثمر الطويل .. فلا يقوم بمتابعة يوميه للسهم .. بل من المستحيل متابعة السهم بشكل يومي لمدة طويلة جداً .. وهي مدة الأستثمار التي وضعها المستثمر ...
خل نفترض بأنك أشتريت السهم على سبيل الأستثمار الطويل .. و وضعت مدة معينه لأستثمارك و النفترض عشرة سنوات .. فهل بأستطاعتك أن تراقب هذا السهم بشكل يومي لمدة عشرة سنوات ؟؟؟ طلبعاً سوف تكون أجابتك لا .. و حتى لو كانت أجابتك نعم .. فتأكد بأنك بعد سنتين أو ثلاث سوف تشتكي من أمراض السكر والضغط .. الله يبعدنا عن شر المرض ... بسبب الحالة النفسية التي سوف تمر بها خلال هذه الفتره من أخبار سلبية و ايجابية عن الشركة.
فنصيحتي لك .. اذا كنت مضارب تابع السهم بشكل يومي حتى تحقق منه أعلى ربح ممكن .. أما اذا كنت مستثمر .. فأنسى السهم و كأنك لم تشتريه .. و راقبه كل شهرين مره.
أخوك سوق التجار
12:57:14 ِ.اجتماع الجمعية العمومية لشركة ألافكو في 30-12-07 لمناقشة توزيعات 2007
يعلن سوق الكويت للأوراق المالية، بأن الجمعية العمومية العادية وغير العادية
لشركة ألافكو لتمويل شراء وتأجير الطائرات سوف تنعقد يوم الأحد الموافق
ِ 30-12-2007 في تمام الساعة 10:00 صباحاً في مبنى غرفة تجارة
وصناعة الكويت، حيث سيتم خلالها مناقشة توصية مجلس الإدارة عن السنة المالية
المنتهية في 30-9-2007 بما يلي :-
ِ1-توزيع أرباح نقدية بنسبة 5% من القيمة الأسمية للسهم(5 فلس كويتي لكل سهم)
ِ2- توزيع أسهم منحة بنسبة 5% من رأس المال المدفوع (5 أسهم لكل 100 سهم)
وذلك للمساهمين المسجلين بسجلات الشركة بتاريخ انعقاد الجمعية العمومية .
كما سيتم مناقشة بنود أخرى على جدول الأعمال .
علما بأن هذه التوصية تخضع لموافقة الجمعية العمومية والجهات المختصة .
دورة المؤشرنت للتحليل الفني
50 دينار كويتي