400 متر بالفنيطيس

[ابوفلجة]

السلام شباب بغيت أسأل أخواني عن أراضي الفنيطيس. كم تسوى 400 متر بطن وضهر أو زاويه أو ثلاث شوارع. قاعد أفكر اشتري هالأيام لأن واحد من الربع في الأشغال يقول راح يوقعون عقد أنشاء البنية التحتية عن قريب و أعتقد ان نطرنا الأسكان ما عمرنا راح نسكن.

 

[Solid_investor]

انصحك تشتري . الاراضي السكنية كل مالها وتغلى واسأل 3 وسطاء مالهم علاقة ببعض عن الاسعار عشان تتاكد من السعر المناسب. تحصل مكاتب عقارية كثيرة بالمباركية او سوق المناخ

 

[ابوفلجة]

السلام شباب.أشوف ماكو أحد رد علي! كم الأسعار في الفنيطيس؟

 

[وسيط عقارى]

هلا اخوى ابو فلجه

الاسعار غاليه هالايام عندك مثلا

شارع واحد = 135 ألف

بطن وظهر = 150 ألف

زاويه = 160 ألف

راس ثلاث جهات = 180 ألف

ملاحظه === الاسعار قابله للزياده ( انشاء الله وصلت المعلومه )

 

[ابوفلجة]

شكرا اخوي على الرد واللة يعينا ويعينكم على هالأسعار. بس عندي سؤل هل فعلا فيه أقبال على الشراء أو الناس تعرض و الشراية قليلين!! لأن الأسعار نار!

 

[وسيط عقارى]

ابو فلجه منت خالى عندك ارض وودك تبيعها ؟

والا تبى تشترى لكن متردد ؟

خلك صريح معاى وانشاء الله افيدك

 

[ابوفلجة]

مشكور اخوي وسيط عقاري على التواصل. كان ودي اشتري بس بعد هالأسعار الغالية!!!!. المنطقة مافيها تصريح بنا والبنية التحتية لو بدو فيها يبيلها 2-3 سنين عشان تخلص. توقعت تكون ارخص بكثير