استفسار لوسمحتوا

[SCREENER]

السلام عليكم


اذا شريت لابتوب من امريكا شلون بالنسبة للكهربه

انا ادري ان كهربتهم مختلفه عن الكويت شلون راح يكون الحل ؟؟


وبالنسبة للشحن انا استخدم ارامكس

هل احتاج اعطيهم خبر ولا موضروري وشلون اضمن سلامة وصوله من عندهم ؟





مشكورين

 

[crackjas]

لا مافي مشكلة بالنسبة للكهرباء
وتقدر تشتري power cordانجليزي من الجمعية قسم لوازم العايلة علشان تركبه مع شاحن اللابتوب او تروح حولي شارع بن خلدون وتشتري سلك كامل مع البلاك الانجليزي سعره دينارين تقريبا

وانصحك انك تطلب من الامازون عن طريق الارامكس وما راح تواجه مشاكل انشالله بس لازم تدفع رسوم جمركية يمكن توصل اجمالي اللي تدفعه الى 30-50 دينار على حسب سعر اللابتوب بالفاتورة

 

[SCREENER]

مشكور اخوي على التوضيح

لكن 30 - 50 دينار هذي ما فيه طريقة نخليها تخف شوي ؟؟

يعني اقدر اغير السعر في الفاتورة مثلا ؟؟

1200 دولار عندك فكرة جم ياخذون عليها




مشكوووووووووور

 

[abatchy007]

اخوي شوف اول ما يوصل لك اللابتوب جيك على المحول الي وياه وشوف اذا موجود مثل ماهو مكتوب على الصورة هذي لاحظ اني كاتبه بطريقتين يعني يمكن اييلك مكتوب جذي AC IN ~ 100-240 او جذيINPUT: 100-240~

اذا موجود مثل ماهو مكتوب يعني انه يشتغل على كهربة الكويت فقط انك تشتري قطعة صغيرة

لأنه راح يوصل لك بهالطريقة شوف الصورة وانت مثل منت عارف انه مافي فتحات جذي بالكويت

بالنسية لأرامكس نصيحتي لك لا تقولهم انك يايب لابتوب لأنهم ماراح يفيدونك بشي الي بالكويت بس يستلمون وعلى فكرة مرات تعدي من غير تفتيش ولا جمارك ومرات يدفعونك والله اعرف ناس شرو ومشا معاهم حتى شاشات وقطع كمبيوتر بعدين اخوي حتى لو اخذو منك جمرك هم انت يايبه ارخص من الوكالة بالكويت بوااااااااااايد​

 

[أحمد ظاهر]

اخي الحبيب اذا انت شاري لابتوب من امريكا، شغله وانت مرتاح ولا تشيل هم .. لأنه المحول اللي ييجي معاه يحميه من اي ارتفاع للفولت المفاجأ او العكس.

اما بالنسبة لأرامكس لا تقول لهم ولا تتصل فيهم ولا شي .. اذا كنت انت مشترك معاهم عن طريق خدمة Shop & Ship فمهمتهم انهم يوصلوا اي شيء حتى لو اشتريت فيل .. هم عليهم انهم يأخذوا ثمن الشحن فقط.

اما بالنسبة للجمارك .. فمثل ما قال اخونا مرة تمشي ومرة ما تمشي .. يعني انت وحظك .. انا كنت اجيب اجهزة من امريكا ونفس الشي، مرة يمسكون ويجمروكون ومرة لا .. يعني الظاهر على حسب المزاج الشباب يشتغلون

وربي يوفقك يرزقك ويرزقنا جميعا

 

[ford_svt]

ولد عمي اذا اللابتوب اللي عندك او اللي طالبه له وكيل يتجمرك
والشركات اللي لها وكيل كالتالي توشيبا وكومباك وسوني فقط

 

[crackjas]

مشكور اخوي على التوضيح

لكن 30 - 50 دينار هذي ما فيه طريقة نخليها تخف شوي ؟؟

يعني اقدر اغير السعر في الفاتورة مثلا ؟؟

1200 دولار عندك فكرة جم ياخذون عليها




مشكوووووووووور

اخوي احسب وياي

1200 دولار = 350 دينار
من 350 دينار ياخذون 5 بالميه جمرك ويزيدون عليها 10 او 20 دينار من عندهم
دينارين للبنك التجاري
دينار ايجار مخزن لوجيستك
13.5 ايجار ارضية اذا كانت من ناس للطيران او 6 دنانير اذا من الكويتية

اخوي اذا تبي تضبط حالك وتخفف من تكاليف الجمرك غير بالفاتورة وخله 500 دولار وحطه مع اوراق التخليص الجمركي بس جنه حرام(
انا طلبت اكسسوارات كمبيوتر ولابتوب وافلام دي في دي ودريم بوكس وللاسف ما مشت بالجمارك دفعت عليهم فوق قيمتهم بالسوق
ما عدا الاكسسوارات واللابتوب ما وصل حتى 60 % من قيمته بالسوق المحلي يعني انا الربحان ولله الحمد

 

[SCREENER]

شاكر لكم اخواني جميعا على الرد

فعلا معلومات جديدة اول مرة اسمع عنها زودتوني فيها


تسلم ايدكم و يعطيكم الف عافيه