بروج دبي الرجاء مساعدتي؟

[الزمن القادم]

في البداية السلام عليكم ورحمة الله وبركاته
ارجو من الخوان اصحاب الاختصاص مساعدتي في موضوعي لاني شريت شقق في فندق بروج في دبي طبعا شريت عن طريق مندوب وهو صديق لي بس صداقت عمل .
وابي فكرة كاملة عن هذا الموضوع لاني قريت كلام بعض الشباب وخوفني نوعا ما فانا لما شريت كان هدفي من الشراء هو اني اجعل لي مدخول ثاني يساعدني في الحياة وصراحة المندوب شرحلي ان مافيها خسارة وان اللي مشاركين فيها شركات كبيرة هدفها مو الربح فقط هدفها ايضا منح فرص استثمارية للمواطنين وما ادري هالكلام صج ولا لا؟
وقالي ان مدخوللك السنوي من الشقق مو اقل من 1250 دينار يعني خلال كم سنة انت تكون راد مبلغك ومستفيد من باقي السنوات؟
وهذا في الباية خوفني بس صليت وتوكلت علي الله؟

 

[sa3od29]

صبجك الله بالخير.......بخصوص العقار في دول الخليج او الدول الخارجيه...يكون الخوف بالتسجيل والملكيه هذا واحد والشي الثاني ان خلال جم ترد راس مالك وليش يكون سنوي ليش مو شهري فاذا كان على كلامك انه بالسنه 1250 يعني خلال جم سنه انت ترد راس مالك....؟ هذا السؤال المهم وفي سؤال ثاني تساله بعد انه الوثيقة من وين تصدق واي وزاره ومنو كاتب العدل ويستحسن انك تروح بنفسك تجيك على شغلك...وانا انصح بكل صراحه ان الي بيشتري بره الكويت يشتري شقه وحده صغيره علشان يصيف فيها......هذا الي عندي كله وانا لو تقولي بجم بتشتري الشقه اقولك تسوى واله لا بس انت مو حاط المبلغ وشكرا

 

[الزمن القادم]

مشكورة اخوي علي الرد
بس انا شريت 3 شقق ديلوكس ,2 منهم في موسم قوي واللي هو في شهر 1 وهذا تكون في عطل وكرسمس وانا كنت في الامارات في ذا الشهر وشفت بعيني الاسعار كانت غالية وايضا شقة في شهر 7 وخذيتها عشان اصيف فيها اذا كان عندي وقت وطبعا هالشقق الثلاث طلعو علي اقساط 7 الاف دينا والقسط الشهري 120 وانا دفعت مقدم وطبعا هذي الاقساط راح تخلص في 3 سنوات بالضبط.

 

[الزمن القادم]

واضيف الي معلوماتك انه من ضمن الشركات اللي داشه في هذا المشروع بنك ابوظبي الاسلامي وانا قبل لا اوقع شفت العقد وكانت شروط اسلامية ميه في الميه بس انا لازلت خايف بخصوص الدخل هل هو صحيح ولا في لعبة صغيرة .

 

[sa3od29]

والله شوف انت تقول مشتري ثلاث شقق بسبعة الف دينار وكل شقه اطلع لك بالسنه تقريبا 1200 دينار يعني الثلاث شقق 3600 دينار يعني خلال سنتين انت راد راس مالك..اوكي هذا شي جيد...اما بخصوص المشاركة من البنك الاسلامي فجزاك الله خير عليه..اما بخصوص انك موقع العقد بنفسك فهذا حرص منك على مالك وشي زين انك تجابل شغلك...اما بخصوص العقد فاكيد مسجل فيه نسبه..وشوف ايجار الشقه الشهري جم واحسبه على سنه وعليك الحساب عااد ولك حق انك اطالب بحقك وتبحث وتسال بس مو بالانترنت لازم تروح بنفسك تسال افضلك طبعا بالتوفيق انشالله

 

[Solid_investor]

حسب ما سمعت عن البروج .... الدخل لن يقل عن 20% سنويا و في بعض الاحيان قد يصل الى 29% ... فمن باب الاحتياط افترض انها 20%

 

[BO-MUBARAK]

يا خيوي تاجير الشقة بدبي سنوي مو اقل من 5000 دينار