جزاك الله خير ............هذه قصة بعد اعجبتني وبقولها لكم
يقول ان كان في رجل في العصر العثماني كان عنده زوجه قبيحة الشكل وفقيرة المال وتزوجها الرجل علشان ترتب لها البيت وتسوي لها اكله المهم راحت الايام وردت واكتشف الرجل ان زوجته تخونه مع واحد ثاني في فراشه وتتبعها لين طاح عليها اهيا ويا الرجل بفراشه فذبحهم اثنينهم..درو الناس بالسالفه ومسكه القاضي وحكم عليه بالاعدام وكان الاعدام باليوم الثاني لان الحكم العثماني كان جائر وشديد وفيه اختلال....تذكر الرجل ان له ديون عند ناس كثيره...فوقف جدام القاضي قال ياحضرة القاضي انا اطلب منك انك تتركني لي باجر الصبح وارد لان عندي ناس ابي اوفي ديونهم..فقاله القاضي خل احد يكفلك فوقف الرجل وقام يصيح بالناس ولا يعرف احد فيهم منو يكفلني منو يكفلني...قام واحد من الي حاضرين وقال انا اكفلك..فوقف الكفيل جدام القاضي وقاله القاضي هذا باجر راح نعدمه وانت راح تقعد بمكانه واذا مارد نذبحك بداله قال انا موافق اني اقعد بشرط انه يوعدني يرد,,فقاله اوعدك انا بروح لمدينة بعيده تبعد يوم عن المكان الي هم فيه وقال برد باجر الصبح...ضحك القاضي وقال بعد ماراح المحكوم انه ماراح يرد...ثاني يوم ينطرونه يرد مارد فقال القاضي الحين بنعدمك بداله لانك كفيله فمسكو الرجل وقاعد يثبتونه علشان يقطعون رقبت..اله هذاك جايهم يركض على الخيل ويصايح بيلحق على الكفيل..فقام وقعد بدال الكفيل واندهش القاضي..قاله القاضي ليش رديت جان ذبحنا هذا بدالك فرد عليه المحكوم واهوا يضحك(انا حاليا مرتاح الضمير واقدر اموت وانا مرتاح لاثلاث اسباب اولهم اني اوفيت حق الناس ورديت لهم فلوسهم الي سرقتها والسبب الثاني اني اوفيت بوعدي جدام كفيلي ورديت والسبب الثالث واهوا الاهم اني رديت وماخليت احد يموت بدالي علشان ما يموت الود بينا الناس) فحكم القاضي عليه برائه وطلعه من الاعدام الي سجن شهر مع الجلد
تعرفون من الرجل هذا.............(شاعر النهرين عبدالله البصري)