عطونا وجه

[M3and]

السلام عليكم ورحمة الله وبركاته.....

مع إنكم طنشتوااا مشاركتي الاولى معاكم
بس عادي مالومكم ... انتم مادشيتوا اهني الا عشان تدورن اللي يفيدكم بتوصيه او بمعلومه تستفيدون من وراهم مو عشان تضيعون وقتكم الثمين بالاجابه على سؤال واحد عليمي
عموما ماراح أتوب عن الاسئله وراح اسألكم سؤال انا متأكد ان الاغلبيه منكم تعرف اجابته بس ودي اتعلم واقولكم من الحين حتى لو صادف سؤالي هذا مصير اخوه اللي قبله راح ابحث عن الاجابه بأي مكان ثاني وانا متأكد اني راح الاقي الاجابه

ودي اسأل عن نقاط الدعم ونقاط المقاومه؟؟؟ وكيفيه احتسابهاا؟؟ والوقت المناسب لحتسابهاا؟؟ والعناصر اللي تأثر عليهااا

 

[ابو محجن]

السلام عليكم ورحمه الله


حياك الله حياك

هذا سؤال انا كنت سائله من قبل ومحيرني تبي شرح تفصيلي دش علي (سؤال فني بخصوص نقاط الدعم والمقاومه) فيه رابط دش عليه تلقى شرح تفصيلي

على فكره الدعم والمقاومه مثلا لما يريح السهم بين سعرين

اعطيك مثل . مركز سلطان خلال الاسابيع الي طافت كان يتراوح سعره بين 580 و 610 السعر الاول سعر الدعم يعني يكون عليه طلب والسعر الثاني مقاومه يعني يكون عليه بيع كثير واذا كسر 580 راح ينزل الي السعر الي صعد منه الي هو 480 واذا كسر المقاومه راح يصعد مثل الي ينزله 10 فلوس يعني 710 راح يلقى مقاومه ثانيه

والله اعلم

تر هذا التحليل حق الاسهم الامريكيه مادري اذا يصلح حق سوق الكويت وانشاء الله يصلح ننطر ونشوف

ويعطيكم العافيه

 

[M3and]

مشكور الف اخوي ابو محجن ويعطيك الف عافيه

قريت الموضوع كامل ودخلت على الروابط اللي حطينها الاخوان اللي ردوا عليك وفهمت شنو المقصود بالدعم والمقاومه لكن شلون اقدر احسبهاا يعني كيفيه احتساب الدعم والمقاومه ومتى اقدر احسبهاا بنفس اليوم او بعد الاقفال او ومتى بالظبط واهي صالحه لمده جم يوم يعني؟؟؟

اكرر شكري لك اخوي ابو محجن والشكر موصول للاخوان اللي شرحوا الموضوع.

 

[شاريه]

اخوي ابو محجن اعتقد ان السوق الكويتي مايمشي ويها اي شي من التحليل ولا المقاومه وحرب حرب عالميه ثالثه ولا رابعه يمشي معه فقط مزاج الكبار مزاج الكبار مزاج الكبار فقط فقط فقط فقط فقط هذاك السوق الامريكي

 

[M3and]

في شغله ثانيه اخوي ابو محجن انت قلت اذا السهم كسر نقطه الدعم راح ينزل للسعر اللي صعد منه ؟ والاخوان يقولون السهم راح يلاقي نقطه دعم ثانيه يتم احتسابها بعد النقطه الاولى وكذلك قلت السهم اذا كسر نقطه المقازمه الاولى راح يصعد بنفس اللي نزله والاخوان يقولون انه راح يلاقي نقطه مقاومه ثانيه؟؟ يعني انه نقاط الدعم والمقاومه يتم احتسابهاا يومياا

ويعطيك الف عافيه

 

[M3and]

اخوي شاريه تكفى عن الاحباط

شرايك ابطل اسأل عن الموضوع هذا يعني؟؟؟

 

[ابو محجن]

والله ضحكتني يا شاريه


كلامك فيه من الصح بس هذي انقاط والاسعار قاعد نلاحظها

معاند انا دشيت دوره المؤشر للاسهم الامريكيه وقارنت الي تعلمته هناك مع الاسهم الكويتيه

الدعم والمقاومه يبينولك بالرسومات البيانه

تبي نصيحه دش دوره المؤشر انا توني داشها والله ما كنت افهم شي عن الاسهم الامريكيه وليلحين ما افهم لاني ماتداولت فيها

بس اقدر احلل الاسهم الامريكه شلون ؟؟؟

هذا الي تعلماه من الدوره نحلل الرسومات البيانيه بشكل سهل وبسيط وقاعد اقارن الحين الي تعلمته هناك بالاسهم الكويتيه يمكن تظبط وان شاء الله تظبط التحاليل العطار حلل كم سهم وظبطو وياه

 

[M3and]

ابو محجن مساك الله بالخير...

دوره ماراح ادش دوره الا لما اتعلم الاشياء البسيطه اللي مثل الدعم والمقاومه واللي مثلهااا.....
وخل الدعايه عنك اخوي ابو محجن

والحين بتقولون لي شنو معناها والا لااااا؟؟

 

[alattar]

اخوي M3and

اخوي شاريه

كلام اخوي ابومحجن سليم مئه بالمئه وهو موقاعديسوي دعايه ولاشي

وابارك لاخوي وابو محجن التخرج

وانا قاعد اتابع الكتابات اللي في الجرايد اليوميه ولي قاعده تمشي مع التحليل الفني اللي تعلمناه في دورت المؤشرنت

اخوي ابومحجن تابع جريدة الوطن كل يوم يحطون سهم ويحللونه ويعرضون الشارت للسهم نفسه راح اتلاقي ان ماتعلمته في الدوره قاعد يطبق على الأسهم الكويتيه

اخوي شاريه كلامك سليم ان الأسهم اللي في الكويت تمشي على مزاج الكبار الكبار وحتى اسهم الأمريكيه تمشي على مزاج الكبار الكبار

وهذا مانوهت له في السابق ان الشلرت او بمعنى اوضح الخطوط اللي بالشارت تعني تفائل وتشائم المستثمرين يعني الخطوط راح اتبين لي
شنو ناوين الكبار راح يصعدون السهم والا راح يخفسون فيه

وهذا الشي بسيط جدا عن طريق نقاط المقاومه ونقاط الدعم راح اعرف هذا الشي

اذا كسر خط المقاومه عرفت ان الكبار يبون يصعدونه
واذا كسر خط الدعم عرفت ان الكبار يبون ينزلونه

وبكلا الحالتين المحلل الفني راح يطلع منها سالم

اخوي ابومحجن انصحك بدخول الأسهم الأمريكيه ولو بالف دولار تدري ليش

لأن بعد ماتتعامل مع محترفي وول استريت راح اتلاقي محترفي سوق الكويتي اقل من خطورة محترفي السوق الامريكي وراح تطلع سالم غانم من الخساير اذا شاء الله

تحياتي للجميع