عزيزي فرحان
السلام عليكم ورحمة الله وبركاته
عزيزي مو مشكلة الوقت المهم هي الفائدة
عزيزي النموذج يسمى consolidation يعني الاستراحه (فكرة عامة )
طبعا واضح من اسمة السهم في مرحلة الاستراحه وهذا يحدث مع الكثير من الاسهم يجيه فتره وريح السعر فيه يعني نقاط المقاومة كثيره جدا وخاصة اذا كان نازل من سعر كبير الى اسفل يعني كان السهم منهار وبدأ يرد انفاسه الى ترند اب يعني سهم صاعد طبعا المنطقة اللي محددة بالدائرة الحمراء هي منطقة الاستراحه هذه المنطقة يفضل دائما عدم الدخول فيها لانه فتره صعبه وفيه مضاربين يحبون المنطقة هذه وانا منهم
لان نقاط المقاومة والدعم واضحه وقريبة وسعرها طيب راح تتضح مع التحليل الفني .
طيب متى يكون زوال خطر هذه المنطقة او الاستراحه بعد كسر سعر 15.30 تقريبا النقطة 5 هنا تعلن صافرة زوال الخطر
.
بعد ما اخذنا فكرة بشكل عام نجي نحلل السهم .
السهم هنا فيه نقاط مقاومة كثيرة جدا واذا انكسرت اي سعر السهم تجاوزها على طول تتحول هذه النقطة من مقاومة الى دعم في حالة رجوع السهم لها مره اخرى كيف خلينا نمسكها خطوه خطوه .
ما راح اتفلسف فرحان بمصطلاحات يمكن بعد الوقت اللي حطيته يمكن ماراح اوصلك الفكره على شان كذا بجيب الموضوع لك على شكل قصه بس تابعها .
نبدأ :
السهم كان في بدايته منهار وجاي من اسفل يعني اتجاه صاعد من عند سعر 5و6$ وانت طال استمر في الصعود على فترات طبعا ولامس سعر 16$ وبعدها نزل هنا السهم سجل بعد نزوله مباشره نقطة مقاومة عند سعر 16 وواصل نزول حلو طيب وين وصل ؟ وصل عند سعر 14$ تقريبا وبعدها ارتد الى اعلى يعني بدأ يرتفع يعني سجل عند سعر14 نقطة دعم لان السهم صعد ثانيه من سعر 14 بس في النهاية واصل نزول (اصبح سعر 14$ نقطة مقاومة ) النقطة (3) ووصل الى ان وصل الى سعر 12 بعدها نفس الكلام ارتفع يعني شكلة نقططة دعم وبعدها كمل نزول ونفس الكلام صار سعر 12 نقطة مقاومة لان السعر نزل الى اسفل وين وصل ؟ وصل الى سعر 11 بعدها بدا يرتفع سعره الى اعلى يعني سعر 11$ اصبح دعم للسهم .
هذي سالفة السهم .
شكل نقاط دعم وبعدها كسرها ليترك هذه النقطة الى نقطة مقاومة
يعني نطلع من السالفه اذا السهم ارتد من عند سعر نسجلها على انها نقطة دعم ارتد يعني وصلها السهم وبدأ يرتفع والعكس صحيح في حالة وصول سعر السهم الى سعر معين او نقطة معينه وما قدر يتجاوز هذا السعر نسجله على انه سعر مقاومة وتبقى سابقه في تاريخ السهم .
طبعا انت لاحظ عند المقاومة احيانا ما يطلع سعره ويرتد نزول والعكس صحيح احيانا عند الدعم يرفض النزول ويرتد الى اعلى
بكذا تكون الفكرة وضحت .
المهم في الموضوع كيف نحدد سعر الخروج والدخول في السهم