ما أدرى أنا شمسوى بدنياى علشان يصير فينى جذى
شريت السهم ب 204 فلوس قبل سنه وطاح بجبدى ووصل الى 120 فلس
نطرته يرد سعره أو قريب من سعر الشراء وأبيعه جان يهوش صوب السعر مرتين وينزل .. قلت المره الثالثه أذا وصل قريب من السعر أو حواليه راح أبيعه خاف يهوش مره ثالثه ..
قبل ثلاث أيام وصل 206 فلوس بالغصب وخفت ينزل جان أبيعه يعنى ناطر سنه وأخر شي ربحى 30 دينار بعد خصم عمولة الأوسط ..
جان يطير السهم شوفة عينكم وكل يوم تعليقه .
هالسيناريو تكرر معاى بالظبط بالأسهم التاليه
المال
الأسماك
أسمنت الخليج
الفجيره
سؤالى هنا
ليش وشنو سويت بدنياى علشان يكون هذا جزاى ؟؟
أن أعطى فأشكر خيرن من أن أبتلى فأصبر
لا يكلف الله نفسا ألا وسعها
ربنا لا تحملنا مالا طاقة لنا به .
للأسف يا أخي العزيز نطرت ل هالمده وانت خسران
الحين لم وصل سعرك قمت زتيته ,,
وهذا الغلط اللي صاير عندنا جميعا تقريبا
لم ينزل فينا السهم مستعدين ننطره سنه او سنتين
ولم يصعد ما فينا صبر على طول نبيعه
عالعموم الله يعوض عليك
انا لو كنت مكانك , كنت اخلي السهم و لا اتابعه واحطلي هدف معين
اذا وصل ابيعه
وشكرا
والله يعوض عليك ,, وفي راي السهم للحين فيه خير , والله اعلم