ممكن تساعدوني :(

[beginner25]

لوسمحتو بقيت اعرف شيئين:
1- سعر شقة تمليك بحولي 3 غرف ب 65 ألف دينار .. زين ولا غالي ؟
والمفروض جم يكون سعره؟؟؟

2- اذا بقيت اشتري ... شنو الاسئلة اللي لازم اسألها من البايع عن الشقة؟
قالو لي ان كل شهر لازم ادفع حق الصيانة 30 دينار فهل في اشياء لازم اعرفها عن الشقة ولا اشتري وبس !!!؟؟؟


تذكرت ... في سؤال أخير .. سامحوني دوختكم .. بس والله بخاطري اشتري بس مخترعة وخايفة ينقص علي
اذا شريت .. شنو الاجراءات اللي لازم اسويها ؟؟ يعني بس اروح محكمة ويحولها بأسمي ولا اروح البلدية .. ولا شسوي

أكون مشكورة إذا ساعدتوني

 

[مغامرجي]

انا راح ارد عليك وان شاء الله تستفيد من كلامي
وديعة البنوك في الوقت الحالي 6% تقريبا

حاليا مدخول العمارات الاستثمارية في منطقة حولة ما بين 8% الى 9% على حسب الموقع ومستوى العمارة

فا نقول ان الشقة تمليك قيمتها 65 الف يجب انج تاجرينها على اقل تقدير بارباح 8% سنويا يعني تقريبا بايجار 430 دينار

واذا انتي اجرتيها بهذا السعر نقدر نقول انتي ربحانة ربح مقبول

الحين لازم نشوف الشقة هل راح تتاجر بهذا السعر ؟ لازم نشوف الموقع والمساحة ومستوى العمارة وكل هذه الامور يعني في شقق غرفة وصالة في حولى ب 170 وفي ايضا غرفة وصالة ب 220 على حسب الموقع ومستوى العمارة ومساحة مثل ما قلت

وانا مانى مقتنع انج ممكن تأجرينها بهالسعر اقصد 430

ظاهرة شقق التمليك مانى مقتنع فيها نهائيا

وعموما الاستثماري مو جيد لان له عمر محدد وينتهى مو مثل التجاري
يعني المستؤجر بس يشوف عمر الشقة ينتهى يطلع منها

عموما اذا عندج 65000 الف كاش قوليلي عشان اقولج شنو تسوين فيها

 

[beginner25]

مشكور عالرد
أتوقع ان اذا الشقة اللي باخذها تأجرت .. ماراح تييب لي أكثر من 250-300 دينار شهريا ... وبعدين أنا باخذ قرض من البنك علشان اكمل المبلغ اللي عندي واشتري الشقة .. واسدد القرض من قيمة الايجار اللي باخذه .. طبعا هذا اذا تأجر بهالمبلغ وماطاح في جبدي وتوهقت

 

[مغامرجي]

مشكور عالرد
أتوقع ان اذا الشقة اللي باخذها تأجرت .. ماراح تييب لي أكثر من 250-300 دينار شهريا ... وبعدين أنا باخذ قرض من البنك علشان اكمل المبلغ اللي عندي واشتري الشقة .. واسدد القرض من قيمة الايجار اللي باخذه .. طبعا هذا اذا تأجر بهالمبلغ وماطاح في جبدي وتوهقت

300 دينار يعني 6 % من راس المال وهذا النسبة تعطيها لج البنوك اذا كنت تملكين كاش

نصيحة لك ابتعدي عن هذا ظاهرة الشقق التمليك في الكويت

ترى العقار الاستثماري في نزول لان تشبع بالكويت بشكل كبير

 

[sa3od29]

السلام عليكم ورحمة الله وبركاته

انا قريت الموضوع وودي اضيف على كلام اخوي المشارك وكلامج عن الاستثمار داخل الكويت وبالاخص العقار...الشقه الي بتاخذينها في حولي انا اشوف انها غاليه حييل حييل وهذا مو سعرها..انا عندي كذا واحد من ربعي عندهم شقق تمليك بس ماخذينها على ايام الرخص مو الوقت الحالي...والشي الاكيد ان تجار العقار بالكويت جزاهم الله خير يرفعون الاسعار فوق لان الاغلبيه تجار عقار فمن مصلحتهم رفع اسعار العقار...فمثلا صديق لي ماخذ شقه ب32 الف بالفنطاس اربع غرف وصاله كبيره وغرفة خادمه وثلاث حمامات واجرها 380 ديناروباعها 57الف هذا استفاد لكن بالوقت الحاضر انا اقول ان شراء الشقق لازم تكون بمعايير وباسعار محدده ولهاحسبه خاصه..انا اشتغل بالاراضي الصناعيه ولي نظره خاصه بالسكني والاستثمار..وفي كذا مشروع اذا حبيتي توفرين راس مالج فيه انا حاضر مستعد اقوله لج بس يحتاج حركه والحركه بركه ولازم تحطين فلوسج بالمضمون يعني لاتغامرين....وشوفي مشاريع ثانيه افضل من السكن ..وبالتوفيق انشالله

 

[beginner25]

انا قريت الموضوع وودي اضيف على كلام اخوي المشارك وكلامج عن الاستثمار داخل الكويت وبالاخص العقار...الشقه الي بتاخذينها في حولي انا اشوف انها غاليه حييل حييل وهذا مو سعرها..انا عندي كذا واحد من ربعي عندهم شقق تمليك بس ماخذينها على ايام الرخص مو الوقت الحالي...والشي الاكيد ان تجار العقار بالكويت جزاهم الله خير يرفعون الاسعار فوق لان الاغلبيه تجار عقار فمن مصلحتهم رفع اسعار العقار...فمثلا صديق لي ماخذ شقه ب32 الف بالفنطاس اربع غرف وصاله كبيره وغرفة خادمه وثلاث حمامات واجرها 380 ديناروباعها 57الف هذا استفاد لكن بالوقت الحاضر انا اقول ان شراء الشقق لازم تكون بمعايير وباسعار محدده ولهاحسبه خاصه..انا اشتغل بالاراضي الصناعيه ولي نظره خاصه بالسكني والاستثمار..وفي كذا مشروع اذا حبيتي توفرين راس مالج فيه انا حاضر مستعد اقوله لج بس يحتاج حركه والحركه بركه ولازم تحطين فلوسج بالمضمون يعني لاتغامرين....وشوفي مشاريع ثانيه افضل من السكن ..وبالتوفيق انشالله

تسلم والله ... وصح كلامك ..اسعار الشقق وايد ارتفعت ... تدري اللي شاريها قبل 3 سنوات تقريبا بشئ واربعين ألف ... شكلي بحطة بالبنك وأقعد مرتاحة بالبيت بلا عوار راس ... ومشكور واااااااااااايد عالنصيحة
الله يوفقك

 

[sa3od29]

العفوااا....ويستحسن تحطينها في بيت التمويل يعني تقريبا بيطلع لج كل شهر 280 دينار وفلوس مضمونه هذا احسن شي...واتمنالج التوفيق من قلبي انشالله والله يستر عليييج

 

[المقوع]

انا راح ارد عليك وان شاء الله تستفيد من كلامي
وديعة البنوك في الوقت الحالي 6% تقريبا

حاليا مدخول العمارات الاستثمارية في منطقة حولة ما بين 8% الى 9% على حسب الموقع ومستوى العمارة

فا نقول ان الشقة تمليك قيمتها 65 الف يجب انج تاجرينها على اقل تقدير بارباح 8% سنويا يعني تقريبا بايجار 430 دينار

واذا انتي اجرتيها بهذا السعر نقدر نقول انتي ربحانة ربح مقبول

الحين لازم نشوف الشقة هل راح تتاجر بهذا السعر ؟ لازم نشوف الموقع والمساحة ومستوى العمارة وكل هذه الامور يعني في شقق غرفة وصالة في حولى ب 170 وفي ايضا غرفة وصالة ب 220 على حسب الموقع ومستوى العمارة ومساحة مثل ما قلت

وانا مانى مقتنع انج ممكن تأجرينها بهالسعر اقصد 430

ظاهرة شقق التمليك مانى مقتنع فيها نهائيا

وعموما الاستثماري مو جيد لان له عمر محدد وينتهى مو مثل التجاري
يعني المستؤجر بس يشوف عمر الشقة ينتهى يطلع منها

عموما اذا عندج 65000 الف كاش قوليلي عشان اقولج شنو تسوين فيها

صبحك اللة بالخير طال عمرك ممكن تفيدنا شسوى بال65 كاش واكون ممنون وشكرا مقدما

 

[نيويورك]

كنت اسولف مع شخص يستثمر بالفنطاس .. يعني يشتري الاراضي و يبنيها شقق و يبيعها .. و شركتهم محترمه جدا .. كانت بداية مشاريعهم تقريبا من اربع او خمس سنوات .. شفته من اسبوع تدرون شنو قال لي !!


قال تصدق اني لو مو باني و مخلي الاراضي فاضيه و بايعها .. اريح و ماكو مشاكل و تحقق لي نفس الربح !!!!!

القصد .. انه ممكن الاستثمار في ارض فاضيه .. و بيعهها عقب مثلا سنتين او اكثر و يكون المردود نفس قيمه لو كانت شقه مؤجره و لكن الايراد يكون متجمع على سنتين او ثلاث .. و بعيد عن المشاكل و الطلايب ..


و هم فيه سالفه ثانيه حدثت في مكتب عقاري .. شخص دش على الدلال و قال له انا عندي 40 الف دينار .. ابي عقار شلون الطريقه ....
رد عليه الدلال و قال له ماكو عقار عدل بهالقيمه ..لكن تدري شلون .. شرايك باراضي الخيران .. الارض ب 5 الاف دينار و تاخذ لك بلوك ... وافق على رايه و اشتري 8 اراضي بالخيران و نساهم .... و من تقريبا شهر تذكر الدلال المشتري عقب مالاحظ ان الاراضي بالخيران ب 40 الف تقريبا للارض الوحده و اتصل عليه و قال له .. باعهم على طول و حقق ربح ممتاز ..

اعتقد احيانا يكون الاستثمار في الاراضي افضل من الشقه .. في حدود الاسعار المتقاربه .. والله اعلم

 

[jamal]

السلام عليكم

لوسمحتو بقيت اعرف شيئين:
1- سعر شقة تمليك بحولي 3 غرف ب 65 ألف دينار .. زين ولا غالي ؟
والمفروض جم يكون سعره؟؟؟

دائما اختى العزيزه وقبل التفكير فى التمليك . قدرى فى عقلك قيمة الشقه شهريا بكم تقدر هل تستحق 250 او اقل او اكثر . على سبيل المثال لو كانت الشقه ايجارها الشهرى 250 دينار نقوم بالحسبه التاليه

250*12=3000*18= 54000 الف دينار . هكذا تقدر قيمة الشقق التمليك من تقديرك لأجار الشقه المطلوبه طبعا هذا الشي لا يقدر الا بعد معاينة المكان وموقعه

بالتوفيق

 

[beginner25]

العفوااا....ويستحسن تحطينها في بيت التمويل يعني تقريبا بيطلع لج كل شهر 280 دينار وفلوس مضمونه هذا احسن شي...واتمنالج التوفيق من قلبي انشالله والله يستر عليييج

خوش فكرة والله .. عالاقل مافيها عوار راس .. مشكور وايد والله يوفقك يااااارب

 

[beginner25]

كنت اسولف مع شخص يستثمر بالفنطاس .. يعني يشتري الاراضي و يبنيها شقق و يبيعها .. و شركتهم محترمه جدا .. كانت بداية مشاريعهم تقريبا من اربع او خمس سنوات .. شفته من اسبوع تدرون شنو قال لي !!


قال تصدق اني لو مو باني و مخلي الاراضي فاضيه و بايعها .. اريح و ماكو مشاكل و تحقق لي نفس الربح !!!!!

القصد .. انه ممكن الاستثمار في ارض فاضيه .. و بيعهها عقب مثلا سنتين او اكثر و يكون المردود نفس قيمه لو كانت شقه مؤجره و لكن الايراد يكون متجمع على سنتين او ثلاث .. و بعيد عن المشاكل و الطلايب ..


و هم فيه سالفه ثانيه حدثت في مكتب عقاري .. شخص دش على الدلال و قال له انا عندي 40 الف دينار .. ابي عقار شلون الطريقه ....
رد عليه الدلال و قال له ماكو عقار عدل بهالقيمه ..لكن تدري شلون .. شرايك باراضي الخيران .. الارض ب 5 الاف دينار و تاخذ لك بلوك ... وافق على رايه و اشتري 8 اراضي بالخيران و نساهم .... و من تقريبا شهر تذكر الدلال المشتري عقب مالاحظ ان الاراضي بالخيران ب 40 الف تقريبا للارض الوحده و اتصل عليه و قال له .. باعهم على طول و حقق ربح ممتاز ..

اعتقد احيانا يكون الاستثمار في الاراضي افضل من الشقه .. في حدود الاسعار المتقاربه .. والله اعلم

ماشالله ... اذا الله يبي يرزق ... يرزق
تدري ... قبل لا ترتفع أسعار شقق الصوابر بأسبوعين تقريبا ... رحت شفت شقة بالصوابر كانت ب 60 ألف تقريبا ... يوم دخلت المكان .. قلت ... شنو !!! أنا ادفع 60 الف حق هالشقة المكحينة .... وبعدها بأسبوعين سمعت إن بثمنونهم وأرتفعت أسعارها ... قعدت أضحك ...لو شاريه هاللي قلت عنها مكحينه مو احسنلي :d
بس والحمد لله اني قنوعة وسبحانك ربي كثر ما تقتنع باللي عندك وما تتحسف عاللي راح .. الله يرزقك ويعوضك

 

[beginner25]

دائما اختى العزيزه وقبل التفكير فى التمليك . قدرى فى عقلك قيمة الشقه شهريا بكم تقدر هل تستحق 250 او اقل او اكثر . على سبيل المثال لو كانت الشقه ايجارها الشهرى 250 دينار نقوم بالحسبه التاليه

250*12=3000*18= 54000 الف دينار . هكذا تقدر قيمة الشقق التمليك من تقديرك لأجار الشقه المطلوبه طبعا هذا الشي لا يقدر الا بعد معاينة المكان وموقعه

بالتوفيق

صراحة بعد نصايحكم الحلوة اللي فادتني ... قررت أحطهم بالبنك .. أفيدلي
باجر خوفك أشتري وأأجر الشقة وماتدري يطلع المستأجر زين ولا شين ما يدفع الايجار ويخربلي الشقة ... وانا ماحب المشاكل
مع الشكر الجزيل يا أخوي

 

[كـــيـــــوت_25]

انا نفس حالتج بين حانا و مانا على شقق هالتمليك؟!؟!


مغامرجي

يا ليت تقولنا الي عنده 65 الف شيسوي فيهم مثل ما تفضلت و ذكرت؟!؟!

(( اقول 30 الف ما ينفع ))



sa3od29

يا ليت تقولنا شنو المشاريع الثانيه غير السكن و يكون اسعارها مناسبه ​

 

[sa3od29]

والله اخوي كيوت انا حاضر عندي مشاريع حلوه..وطيبه انشالله..بس المشروع لازم يكون لصاحبه بمعرفته وهوايته...وهل هو يتقن الشغل او لا..والمشاريع لازم يبيلها حركه...مثلا في مشروع محد كان يفكر فيه الي اهوا بيع وشراء اراضي في مصر او مثلا معدات ثقيله من سنغافوره او مثلا طراريد من اسبانيا...او شاليهات متنقله من الامارات..يعني كل شي له شي..هذه اهي الحركه الي اقصدها وفيها بركة انشالله...وبضرب لك مثال...صاحبي كان يشتري طراد من اسبانيا تقريبا 17 الف دينار ويبيعه بالكويت على 31 او 32 الف دينار هذا ربحه واضح..وصاحبي ثاني كان يشتري اراضي بمصر على 700دينار ويبيعها بالكويت على 2300 او 2500دينار هذا ربحه حلو بعد...والثاني يشتري معدات ثقيله من سنقافوره على 7او9 الف دينار ويبيعها بالكويت على 16 و17الف دينار..يعني هذا الشي الي اقصده.حط شي بالك وشوف اسعاره ومواصفاته وجيبه من بره وبيع بالكويت مع ضمان الشراء بس...اغلب الشباب الحين تلقاه يحب السهر وعلى النت قاعد ووده يكون عنده كل شي...لكن مايصير لازم يتحرك وكل انسان الله عطاه عقل يفكر فيه ولازم يصبر على الشغل...انا يوم من الايام سويت شي من لاشي..بس فكرت!!!!!! ولا تأيس من الشغل...حاول واذا مالقيت يعني موفشل شد حيلك والله يرزقك انشالله بالتوفيق

 

[beginner25]

انا نفس حالتج بين حانا و مانا على شقق هالتمليك؟!؟!


مغامرجي

يا ليت تقولنا الي عنده 65 الف شيسوي فيهم مثل ما تفضلت و ذكرت؟!؟!

(( اقول 30 الف ما ينفع ))



sa3od29



يا ليت تقولنا شنو المشاريع الثانيه غير السكن و يكون اسعارها مناسبه ​

والله انا فقدت الامل .. وأخيرا فكرت اني ما اشتري ... لان مثل ما تفضل واحد من اخواننا بالرد ان احسن شئ احطهم بالبنك ... صراحة انا من النوع اللي ادور راحتي ومشغولة بمشاغل الدنيا ... وصج ماعندي وقت اجابل واعابل واقعد الحق المستاجر اذا دفع ولا مادفع واحرق قلبي ... انا جم مرة بعيش بهالدنيا ... راحة البال حلوة للكسوله اللي مثلي
تمنياتي لك بالتوفيق

 

[مغامرجي]

انا نفس حالتج بين حانا و مانا على شقق هالتمليك؟!؟!


مغامرجي

يا ليت تقولنا الي عنده 65 الف شيسوي فيهم مثل ما تفضلت و ذكرت؟!؟!

(( اقول 30 الف ما ينفع ))



sa3od29

يا ليت تقولنا شنو المشاريع الثانيه غير السكن و يكون اسعارها مناسبه ​

انا انصح كل شخص يبي مشروع يدر عليه فلوس وهو قاعد لا يتعب نفسة

لان ماكو مشروع يدر فلوس بدون تعب

الذكي الي يدور مشروع راس مالة صغير ويدر عليه ارباح اكبر

لى صديق يضحك على لما اقولة مشروع يدر 10% لانها نسبة ضئيلة بالنسبة له

تجارة المحلات هي افضل تجارة بالوقت الحالي راس مالها صغير

وبنفس الوقت ربحها عالي نفترض بنت تبي تفتح محل في احد المجمعات

ليش ما تشتغل في نشاط نسائي , يعني انا اعرف وحدة تشتغل في

الملابس النسائية الداخلية وكل شوي تروح لبنان وتجيب بضاعة من هناك

واعرف صديق اخر يشتغل بالاكسسوارات النسائية بدا في محل والحين

خمسة محلات واعرف واحد آخر بدا في محل واحد تلفونات والحين عنده 15

وكذلك شخص عنده محلات عطور قبل ما يفكر يشتري

سيارة قيمتها 3 آلاف دينار الحين ما شاء الله يبي يشتري سيارة قيمتها 40 الف والله يرزقة

يعني الواحد لازم يشتغل ويتحرك واذا ما اتعرف لازم تتعلم وتروح تسال

اعرف واحد قبل 5 شهور فكر يشتغل بالدراعات النسائية وهو صفر على

الشمال ما ايعرف اي شي جاب له خياطة فلبينية وظبط معاها والحين عندة

3 محلات وشغال .......

انا دخلت هالمواضيع وانصدمت بالواقع لو تدرون منو ماسك السوق هالوقت راح تنصدمون

السوريين بالكويت ماسكين اغلب تجارة محلات الملابس وغيرها ولا بد كل مجمع

في الكويت تلقى فيه مستثمر سوري , السوريين يتكلمون بالملايين لانهم افضل منا للأسف

ترى الحركة فيها بركة ليمتى تفكرون اجيبون فلوس وانتو قاعدين ؟؟؟

الفرصة لازالت موجودة لكن تبي منه ان نتحرك

ادفع 65000 الف دينار كويتي عشان 300 او 400 دينار بالشهر ؟؟؟؟؟؟؟؟؟ والله ما ادفع