احسن سفريات فى الكويت

[kuwait77]

السلام عليكم
ممكن كل واحد يذكرلنا السفريات اللى سافر معها وكيف تجربته معاها طبعا بالنسبة للجروبات لان السنة هذى انشالله ناوى اروح مع جروبات ويفضل الى اوربا الغربية

 

[yoyo1983]

سفريات المستقبل غيرها لا تدور

 

[نوكيا]

سفريات المستقبل غيرها لا تدور

انا اقول LBC او روتانا





سفريات عالم الصالحيه
سفريات الباز
سفريات البوابه الذهبيه
سفريات ديسكفرى

 

[الخليجي 1]

أنصحك ب

سفريات الغانم ( في شارع الجهراء ) بالديرة

سفريات السيد ( لهم فرع في المطار)

سفريات داناتا ( مجمع بيروت ) حولى ممتازة جداً جداً

 

[KUWAITI MAN]

سفريات المكتب

سفريات السيد

سفريات الرابية

 

[الفيلكاوي_80]

أحسن سفريات من تجربه شخصيه لي و وايد أتعامل معاه

(( سفريات المستقبل ))

رقمهم : 2453411 - 2453412

صج غالي شويه عن السفريات الثانيه بس مضمون و مضبوط من ناحية التذاكر و من ناحية الفنادق و من ناحية الطيران الداخلي

وعندهم نظام (( الجروبات )) و شغل منظم و حلو من تطلع من مطار الكويت ليما ترجع بالسلامه

فمان الله

 

[فيصل2]

كلهم نفس الشي صدقني بس الواحد لازم يتثقف من خلال الانترنت من خلال السعار والديرة الي رايح لها والفنادق ويعرف الاسعار من خلال مواقع الحجز وبجي يوم وراح تسكر كل السفريات لان الواحد يقدر يحجز ويصدر التذكرة وفوتشر الفندق وهو بالبيت

 

[الفيلكاوي_80]

كلهم نفس الشي صدقني بس الواحد لازم يتثقف من خلال الانترنت من خلال السعار والديرة الي رايح لها والفنادق ويعرف الاسعار من خلال مواقع الحجز وبجي يوم وراح تسكر كل السفريات لان الواحد يقدر يحجز ويصدر التذكرة وفوتشر الفندق وهو بالبيت

والله صدقت ياخوي الواحد الحين يحجز التذاكر و يحجز الفنادق و يضيط كل شي عن طريق الانترنت ولا مكتب ياخذ عليه فايده ولا عموله ولا شي

فمان الله

 

[q8_chamber]

السلام عليكم
ممكن كل واحد يذكرلنا السفريات اللى سافر معها وكيف تجربته معاها طبعا بالنسبة للجروبات لان السنة هذى انشالله ناوى اروح مع جروبات ويفضل الى اوربا الغربية

ياخوووووي
انصحك نصيحة حلوة


كل سفرة روووح مكتب غير

لان كل مكتب يعطيك خدمة حلوة في اول زيارة و بعدها يكوع فيك و يعطيك اسعار أغلى

 

[على الوعد]

مرحبا للجميع
انا احذر الجمييييييع من سفريات السيد وتعاملهم السيئ جدا
انا بهدلوني وحرموني من السفر السنه هذي
حسبي الله عليهم
وخاصه قسم الاقروبات
جيتهم من السعوديه ياقافل لك الله علي ماسمعنا عنهم انهم خوش سفريات
وحجزت عندهم علي الاقروب اللي يطلع من الكويت -ماليزيا -سنغافورا-قولد كوست -سدني -بانكوك- الكويت
وفرشولي الارض ورد وحجزت في 30-7 -2008
ودفعت عربون 200 دينار
قبل الرحله بسبوعين كلموني وقالو ترا قدمنا الرحله ليه
قالو ماكتمل العدد في 30 -7
طيب انا ماقدر عملي مايسمح لي
بكل برود ردو وقالو براحتك مافيه الا هذا الموعد
ولا راح عليك العربون
هذا رد سفريات محترمه
وراحت فلوسك ياصابر


هم المتسببين فيني وياخذون فلوسي
الان احاول اكلمهم يصرفوني المسئول مو موجود مشغول انواع التصريف
ماقول الا حسبي الله ونعم الوكيل فيهم

 

[بومحمد1974]

انا ياخوك بنصحك بسفريات (حط رجلك ) اعتمد علي نفسك بالسفره قص تذاكرك من النت والفنادق اخذهم من البلد اللي بتروح له ووفر فليساتك بمخباك وبالذات انتوا قروب يعني سهالات لان بصراحه انا شفت القروبات وفعايل السفريات فيهم بماليزيا مساكين باللوبي يدورون مشرف الرحله والحبيب قاعد بشارع المطاعم بالكويت

 

[P.Engineer]

أنا أشوف سفريات الرابية .. بس أفضلك لو تنظم سفرتك بروحك من خلل الأنترنت وايد أوفرلك .. بس شكلك ماتبي تدش بهل معمعة ههههه ..

 

[ام حمود 444]

ما عندكم

 

[العثماني77]

والله يا شباب عليكم بمواقع النت المشهورة أسهل وأرخص ..

لحجز التذاكر أدخل مواقع الطيران ..

ولحجز الفنادق .. شوف موقع

موقع حجوزات
وموقع booking

سهالات والله جرب .. مو خسران

 

[al_buloshi_32]

سلام عليكم
والله ابعد عن سفريات السيد
مابي اقول حراميه نصابين
لا ولا بقول باقوني

بقول قصوو علي واتعس رحله رحتها معاهم
كان الجدول ماليزيا وتايلند
وبعد مارحنا كنسلو وخلو بس ماليزيا طول السفره وقالو احسن الفنادق وطل اتعس الفنادق
وتخل القايد مفروض معاك لا الحبيب رايح يودي اهله و يونسهم
وانا لو بتكلم والله ماخلص



وانصلح بسفريات الفصول الاربعا

 

[anas979]

مالك للسياحة والسفر

بالنسبة لي وحسب التجربة ، فقد وجدت أن مكتب مالك للسياحة والسفر أفضل مكتب على الإطلاق ، من حيث الأسعار ومستوى الخدمات المقدمة ، وأسلوب التعامل الممتاز
فأنصح كل الناس بالتعامل مع هذا المكتب والتجربة خير برهان
عنوان المكتب في الكويت : الصالحية : شارع فهد السالم ،بجوار مطافي الصالحية ، هاتف : 22444434

 

[مراقب الاسهم]

احسن مكتب سفريات

لاتعتمد على مكتب معين ابحث عن الجميع

اليك هذا الموقف واحكم

مكتب سفريا كنت اتعامل معاه بحولي بمجمع جديد وفخم وايضا المكتب موطبيعي من ناحيه المعامله وفخامه المكتب

كنت بحجز غرفه ببرج العرب لقيتها عندهم 385 لليله

واثناء حديثي مع احد الاصدقاء (قالي انا اضبطك) بارخص من هالسعر باحد مكتتب السفريات بالفروانيه لاتتعدى مساحته 3*5 لو تفتح الباب وانت طالع على طول تلقي نفسك بالشارع بوسط السيارات
المهم لقيت عنده في ذاك الوقت سنه 2006 قبل الغلا نفس الغرفه اللي ابيها بنفس الفندق اخذتها ب 335 لليله الفرق 50 دينار الليله فرق كبير جدا
اخذت 3ليالي وفرت 150

والحين ومن وااقع تجربه شخصيه ونحن مقبلين على 2010
افضل سفريات

((((((الحجز عن طريق مواقع الانترنت ))))

بوكنج
اسيا روم
اسيا ترافيل


الفرق بالاسعار ما بين 15 الى 25% مقارنه بارخص سفريات بالكويت

زمن مكاتب السفريات انتهى بتوفر اسهل وافضل الطرق على مواقع النت وانت ببيتكم

 

[ريّس نفسه]

كلهم نفس الشي صدقني بس الواحد لازم يتثقف من خلال الانترنت من خلال السعار والديرة الي رايح لها والفنادق ويعرف الاسعار من خلال مواقع الحجز وبجي يوم وراح تسكر كل السفريات لان الواحد يقدر يحجز ويصدر التذكرة وفوتشر الفندق وهو بالبيت

صدقت، وللعلم ترى مكاتب السفريات ما تربح من حجوزات الطيران شي يذكر.. لكنها تطلع كل ربحها من حجز الفنادق

وعلى قولة الاخوان.. اذا كانت الحجوزات من النت ارخص من السفريات بنسبة 25% فالصراحة أنتوا اولى فيها من المكاتب

بالتوفيق

 

[Winchester SX3]

سفريات أصابعك للإنترنت

دش على الطيران اللي تبيه وإحجر تذكرتك

ودش على الفندق اللي تبيه وإحجر غرفتك
يدقون عليك الفندق ويأكدون الحجر

وكل أمورك تمام التمام

الا اذا في عرض من السفريات
قارنه بالإنترنت أحسن لك بعدين سو اللي يعجبك


خذ هالسالفه تعجبك:
مره الشباب بدبي ما أذكر أي فندق كانوا فيه
راحوا للريسبشن وقالوله نبي نحجز قالهم سعر الغرفه 200 درهم مثلا
قالوله عطنا عشر دقايق ونرجعلك
اشبكوا انترنت واحجزوا الغرفه بــ 150 وردوله نفس الموظف قالوا عندنا حجر بإسمنا
ووفروا على روحهم

موفق

 

[car9977]

أحسن سفريات بالكويت
http://www.alabduljaleel.com/
22450540