شركة مجموعة الصفوة ش.م.ك مقفلة قابضة ( الصفوة ) .... 2

[مضارب عقاري]

كلامك صح يا مشعل

راح تشوفون شئ ما توقعونه بس اركدو عليه شوي

لا تعجلون عليه وانا حاط هدف البيع 200 فلس بعد ثلاث شهور

نصيحه اللي شاري غالي لا يكسر بالسهم خلو اهدافكم بعيده

تمنياتي للجميع والملاك بالتوفيق

 

[Abo Thaar]

السلام عليكم

يا اخوان اليوم شنو صاير السهم تداوله طيب

 

[Champion]

نقول مبروك ولا تو الناس ؟

 

[barbarian]

والله زمن يا صفوه من متى مو طاقه الـ 120 فلس

مبروك لملاك السهم

 

[xENGx_1]

مبروك ياملاك السهم كسر حاجز 118 ووصل 120 في نهاية التداول وانشاالله هدفه القادم 124 فلس

 

[بو راس يابس]

كلامك صح يا مشعل

راح تشوفون شئ ما توقعونه بس اركدو عليه شوي

لا تعجلون عليه وانا حاط هدف البيع 200 فلس بعد ثلاث شهور

نصيحه اللي شاري غالي لا يكسر بالسهم خلو اهدافكم بعيده

تمنياتي للجميع والملاك بالتوفيق

لوووووووول ضحكتني ،،،،،،
استمتع وياي بالمفارقات العجيبة :
1) اسمك مضارب وتتكلم عن استثمار 3 شهور
2) اسمك عقاري وتتكلم بالخدمات
3) تقول راح تشوفون شي ما تتوقعونه ؟؟؟ شنو ؟؟ المصدر ؟؟؟
4) حطيت هدف 3شهور ؟؟؟ في شي بيصير بعد 3 شهور مو صاير اليوم ؟؟
5) 200 فلس ؟؟؟؟ شمعنا 200 فلس ليش مو أقل ليش مو أكثر عندك تحليل يقول لك 200 فلس ؟؟؟؟ ياريت تنورنا ترى شبعنا طراقات بهالسوق

 

[Abo Thaar]

السلام عليكم

اخواني اذا السهم تفصخ على سعر 124 جم يكون سعره ؟؟

وشكرا

 

[بو راس يابس]

اخواني اذا السهم تفصخ على سعر 124 جم يكون سعره ؟؟

وشكرا

مو لازم نعرف المنحة والنقدي عشان نعرف سعر التفصيخة

 

[Abo Thaar]

السلام عليكم

مافي منحة بس نقدي 9%
وشكرا

 

[Champion]

9 فلوس - سعر السهم تاريخ الجمعيه العموميه

 

[target]

متى يتم اجتماع الجمعية العمومية ؟
واين يتم تسليم البيزات ؟

 

[الهاجـري]

نبي تحليل علمي و منطقي وين إتجاه السهـــــــم يا اهل الخبــــــــــــــــــــــرة ​

 

[Champion]

جلوبل: إشارة لشراء سهم «الصفوة»
في التحليل التقني لبيت الاستثمار العالمي «جلوبل» عن اداء سهم مجموعة الصفوة القابضة، نرى وفقا للرسم البياني المرفق والذي يبين متوسط السعر الاسبوعي لسهم الشركة، ان السهم كان يتداول ضمن قناة متوازية افقية ذات نطاق ضيق يتراوح بين 100 و118 فلسا منذ شهر ابريل من العام الماضي. وكان السهم قد حقق اعلى مستوياته على الاطلاق عند 208 فلوس في ديسمبر من العام 2005، لينخفض بعد ذلك بشكل حاد متأثرا بالاداء السلبي لسوق في تلك الفترة وصولا الى مستوى 99 فلسا ومن ثم يبدأ في التداول ضمن القناة المتوازية المشار اليها.
وقد تمكن السهم في اللحظات الاخيرة من تداولات هذا الاسبوع من تخطي مقاومة هذه القناة ليغلق عند مستوى 120 فلسا. ويعد هذا الاقفال جيدا بالنسبة لاتجاه السهم في الاسابيع المقبلة. كذلك يشير منحنى «macd» الخاص بالسهم الى امكانية البدء ببناء المواقع عليه. لذا، فإنه يمكن لمستثمري الفترتين المتوسطة (11 اسبوعا) والطويلة (50 اسبوعا) البدء بتجميع السهم من المستويات الحالية، مع مراعاة ايقاف خسارة الاستثمار في حال عاود الانخفاض دون مستوى 118 فلسا.

تاريخ النشر: الجمعة 23/3/2007

 

[المعوشرجي79]

مبروك للملاك ما بغى يكسر 118 فلس اكبر مقاومة وبالفعل مثل ما قالنا وقالوا المحللين اذا سكر 120 ان شاء الله مؤشر ايجابي وطيب

 

[بوحسين11]

سهم طيب بس لو مو تعليق جلوبل جان الواحد يمسك السهم

بس جلوبل شياطين ويصرف بعد الاعلان

 

[كويتي2006]

أسئلة مهمة لأهل الخبرة

عندي عدة أسئلة ياريت نلقى جوابها :

1- سهو الصفوة جم لازم يكون سعره الطبيعي ، وجم تتوقعون يوصل مع الأداء الإيجابي للسوق في هذه الفترة ، يعني بجم نبيع ؟

2- الصفوة جم توزيعتهم ممكن تقولولنه ، ومتى ؟

3- سهم الصفوة هل ممكن يروح فوق الدينار مثل ما صار مع الرابطة وجيزان وغيرهم من أسهم بدت 100 فلس وانتهت فوق الدينار ؟


شكرا

 

[q80mofa]

عندي عدة أسئلة ياريت نلقى جوابها :



2- الصفوة جم توزيعتهم ممكن تقولولنه ، ومتى ؟




شكرا

التوزيع 9% = 9فلوس لكل سهم (توزع ممتاز بالنسبه لسعره)
وإنعقاد الجمعيه العموميه بتاريخ 11\4 أعتقد

وسامحنا على الأسؤال الاول والثالث (ماعندي إجابه)

 

[q80mofa]

سهم طيب بس لو مو تعليق جلوبل جان الواحد يمسك السهم

بس جلوبل شياطين ويصرف بعد الاعلان

صح إلسانك,,,,,,,,,,,,​

 

[bo-sahm]

سهم طيب بس لو مو تعليق جلوبل جان الواحد يمسك السهم

بس جلوبل شياطين ويصرف بعد الاعلان

اهم الوحيدين الي بيصرفون
انت شوف الضغط الرهيب على السهم يمكن حتى البقالات عنها أسهم صفوة
حتى مع الحركة القوية لازال في معروض -تقريبا مجموع المعروض يوم الأربعاء كان 8 مليون في نهاية التداول

لاكن اذا في شيء قوي (والله هو القوي)، خصوصا سالفة صفقة الأسماك الي اعتقد في شيء للحين مو واضح وإن شاء الله يكون ايجابي للسهم، تييلك هالكرفات (مالت الإزالات الي هابه هذه الأيام) وتشيل هالملايين

 

[مبرمج]

مبروك كسر المقاومة 118 ..

ممكن احد يفيدنا بسعر المقاومة الاخرى ؟؟
​