بوكر
عضو نشط
السلام عليكم
اخواني هذي الخطوات ان شاء الله تكون سهله عليكم وأن شاء الله تسهل اموركم بأذن الله
اول خطوه
قبل ماتطلع من الكويت تكون عندك وكاله حق كل واحد تخولك لبيع وتداول وستلام الشيكات طبعُ ابو فهد راح يقول بوكر انا ماعندي الي شهاده وحده وبأسمي
انا اقول للي عنده اكثر من شهاده ومو بسمهثاني خطوة صور جوازات لكل صاحب شهاده
اول ماتوصل دبي تروح حق شركات الوساطه تقولهم بالحرف الواحد
(انا ابي ابيع شهادات مو بسمي بس عندي توكيل عليهم مابي افتح حق كل واحد رقم مستثمر ولا ابي احولهم بسمي ابي ابيعهم مابي اتداول يعني بالمختصر بيعه وحده بس )
اذا وافقو واكيد راح يوافقون انا جربت شركتين ووافقو هم شركه الرمز للوساطه وشركه الظمان للوساطه
وبعدين تروح بورصه دبي تفتح حساب مستثمر حقك انت بس وبعدين تروح تاخذ اسهمك من المقاصه حق كل شهاده
(شنو اخذ اسهمي من المقاصه ) يعني تحول الاسهم من المقاصه الى الوسيط طبعن يكون قبلها انت منسق مع الوسيط راح يعطونك المقاصه ورقه حق الوسيط عشان تكون اسهمك عنده جذيه انت حولت الاسهم حق الوسيط
الخطوة القادمه وهي الأهم
انطر لما تتداول البورصه خلك مع الوسيط بالتلفون قدام وجهك بالفاكس الي يصير المهم خلك عنده لا بعت الكميه الي عندك تنطر ثلاث ايام عمل وبعدين تاخذ الشيكات كل شيك بأسم راعي الشهاده لازم يكون عندك احساب في بنك من بنوك الامارات وبعدين تروح حق البنك تقوله بالحرف الواحد
(انا عندي شيكات وكل شيك عندي توكيل على راعي هذا الشيك ويخولني هذا التوكيل لصرف الشيك وأبيك تحطهم بحسابي )
طبعاً راح يحطهم بحسابك وبعدين تقول حبيبي حولهم على بنكي الي بالكويت اذا حولهم وخلص قوله سلملم لاتروح الفندق تاخذ جناطك على طول المطار وغني( انا رديت لعيونج انا رديت )
طبعن انت ماتغني للكويت تغني حق الي ناطرك بالبنك ههههههههههه
ملاحظه: مهما مهما جداً جداً قبل لا تفتح حساب مستثمر في بورصه دبي لازم يكون عندك حساب في بنك بالامارات لاتفوتك هاذي النقطه
والله يرزق الجميع بأذن الله
شكراُ
