لو كاتبلك دعاء والا حديث احسن لك ولك اجر
بدل هالردود اللي بعضها اساءه لك وللمنتدى
عندك اقتراح حطه بقسم الاقتراحات ومباشره للمراقبين والمشرفين على المنتدى
جزاك الله خير
لكن وين الاساءه
لما انصح اخواني الاعضاء بان المشاركات كثرت وكثر فيها ضياع الوقت والفائده
او ليس الدين النصيحه
ولما اذكر اخواني الاعضاء بان الاستماع والقراءه افضل من المجادله التي تذهب بالمعنى والفائده المرجوه من تجمعنا في المنتدى
أليس التذكير والارشاد من واجب المسلم لاخيه المسلم
اتحدى اي عضو من الاعضاء في الفتره الاخيره حوالي 6 شهور يكون قد استفاد او قدر يكون له رأي او حتى قرار من المشاركات الي بالمنتدى
المواضيع صارت ضايعه وكل يبي يسمع كلامه ورأيه بالغصب للاعضاء الاخرين من خلال فتح المواضيع بعناوين ناريه وياليت صاحب الموضوع تلقاله تعليق واقعي او حتى قريب للواقع او حتى موضوع جديد
اعطيكم مثال واحد امس من الاعضاء يمكن فتح خمس مواضيع وبنفس الوقت وكلها منقوله من جريده واحده ومن غير اي تعليق له عليها
يعني شنو احنا ما نقرأ جرايد ولا اهو جايب الخبر قبل تصدر الجريده بالنت ولا بالطباعه .؟؟؟؟ شنو الشي الي اضافه فيه نقله من غير تعليق او غيره
وحتى لو علق يبقى كلام جرايد وكل شخص له قراءه خاصه لما بين السطور .؟
وغيره من مواضيع وخصوصا التوقعات والتوصيات الي كل يوم لها شكل ولها عضو جديد .؟؟؟ وهي الادها والامر لا تحليل ولا خبره في المتابعه
لا وآخر التوصيه يقول لو عندي سيوله اشتريت .؟؟؟؟ اي شلون .؟
يعني تنقاض وبس ولو تسوى كان باع الي عنده من اسهم ووفر سيوله ودخل عليها والعكس صحيح من غير تحليل ومن غير منطق ويقول ما ابيع الا لما يوصل دينار والسهم ترند نازل وبعد يومين من توصيته ينزل بموضوع جديد يطلب تحليل فني لنفس السهم ليش السهم نزل .؟؟؟؟؟؟ او اتشوفه ما عاد قرب لنفس الموضوع ..؟واكيد بايع ولا دينار ولا غيره يبه .؟؟
والادها والامر من ذلك المواضيع الي تتكلم عن الخرافي او غيره من التجار دون مراعات انهم كويتيين وانه مسلمين اولا ودون تقدير ان الموضوع والتحييد الي صار عليهم ليس قضيه فساد ولا سرقه مال عام او حتى خاص مجرد غلطه السوق كله واقع فيها .؟؟؟ قبلهم
وغيره من مواضيع خطيره تخص امن الوطن
واحد من الاعضاء كاتب مره وينك يابو مبارك ضعنا من بعدك .؟؟؟ بالله عليكم هذا كلام واحد مؤمن ولا عنده وطنيه ولا حتى احساس بمسؤوليه
( طابور خامس ) وغيره من مواضيع اتمس الذات الاميريه
عموما
اشكر الاخوان الي ايدوا الاقتراح جميعا من علق على الاقتراح ومن اكتفاء بقراءته والموافقه عليه
واتمنى من المشرفين اتخاذ قرارات تحد من الفوضى والله يعينهم
اما الاخ الهاجري مسأله الاساءه للمنتدى
فالموضوع اصلا لم يكتب الا لكي نحافظ على المنتدى وعلى الفائده من تجمعنا فيه
بالتوفيق