Toshiba Satellite for $Sale$للبيع جهاز توشيبا لاب توب

[متداول اسلامي]

السلام عليكم
جهازي لاب توب استخدامي الخاص من شريته من الشركه

مواصفاته باختصار
1-ماركته:توشيبا
2-موديل ستلايت
3-اللون سلفر
4-حجم الشاشه 15.2بانوراما
5-السرعه 1.6سنترينو يعني ادبل(3200)
6-الرام512)
7-الجيجا40
8-سي دي روم سي دي رايتر ناسخ ومشغل دي في دي
9-قارئ للميموري أكثر من نوع
10-فيه واير لس
11-مخارج يو اس بي 3
12-فيه تي في آوت تشبكه بالتلفزيون
13-فيه شبكة نتوورك والفاكس مودم طبعا
14-فيه بلوتوث داخلي راكبه قطعه (أنا مركبها)<<<< القطعه الوحيده الي انا مركبها الباقي كله شغله الاصلي من وكالته15-وفيه مدخل فاير واير
16-الوندوز بروفيشنل
هذا كل ما اعرف عن مواصفاته
والملحقات الي مع الجهاز او مني هديه
17-شنطته الأصلية توشيبا
18- كل الدرايفرات مالته السيديات موجوده وما انفتحت
19-الشاحن
20-كاميره نوع كريتيف انترنت فيديو +تصوير صور حتى من غير النت تقدر تستخدمها
21-معاه فلاش ميموري حجم 4جيجا جلد
22-ماوس وايرلس
23-غير مجموعه من البراااامج مكتبه كبيره

والجهاز مكفول لمدة سنتين على وكالته العربية التوشيبا
والجهاز شرط الفحص نروح الوكاله الوكاااااله مو محلات عليميه وخلهم يفحصونه
وبحط لكم صور للجهاز حصلتها في مواقع
وهذي مواصفاته بالانجليزي

Toshiba

Satellite

M30X-113
PM 725 (1.6GHz) Centrino
, FSB 400MHz,
512/40Gb, 15.4" AM (1280x800),
64Mb video, DVD-SuperMulti,
56K F/M, LAN 10/100,
Wi-Fi 802.11b/g, IrDA, i.LINK,
USB 2.0 (3),
SD/SM/MS/MSP/MMC/xD slot,
TV Out (S-Video), Win.XP HE​

 

[متداول اسلامي]

على السوووووووووووووم​

 

[بوعزيز]

نبدي السوم 120

 

[Asmrany1986]

150

 

[متداول اسلامي]

مشكور اخوي بو عزيز واسمراني على السوم بس لا تنسا الفلاش الميموري بروحه سعره 25دينار والكاميره تقريبا 16دينار اذا مانسيت والبلوتوث11دينار والماوس وايرلس8دنانير يعني 60دينار رايحه هديه اغراض وعلى فكره سعر الشراء 530دينار كويتي قبل سنه وشوي شريته وكرتونه موجود وفاتورته موجوده
و شباب في محل بحولي سامه مني
ومارجعت له قلت اشوف الشباب بالمنتدى اولى لاني ادري ان راعي المحل شريطي ويبي يتربح يشتريه ويبيعه على غيري اقل شي مربح 30دينار
بحط مهله كم يوم اذا السومه ماوصلت للسعر الي في بالي فبروح ابيعه له

ويشهد علي الله ان حتى لو وصل سعر السوم على اخر واحد والسومه اغلى من السوق
فراح ارجع له الفرق وحاله حال السوق
انا بخاطري جهاز حاط عيني عليه وببيع هذا وبزيد الفرق
مع ان اكثر المحلات لما رحت لهم نصحوني ما ابيعه
لان فيه كفاله حلوه وموديل ستلايت عملي على قولتهم

اعتبروها دعايه وشهادتي مجروحه بس هذا كلام المحلات لي

وعلى فكره الشراي له الحق يشوف الجهاز واذا ماعجبه عادي يقولي غيرت رايي بس مو يعلقني ابي الجاد ، قبل لا ابيعه بحولي

 

[متداول اسلامي]

نسيت اقول انه فيه
IR
حق التلفوونات الي مافيها بلوتوث
الي فيها آي آر تقدر تشبك بالنت عن طريقه

 

[Asmrany1986]

ممكن تعطيني من الاخير وتقول السعر الي فبالك وبعد ماعليك امر تذكر لي جم سامه راعي المحل

 

[سناعيس]

مادام عندك سومه من محل
حط سعره وخل نشوف
ان جاز لنا السعر..... شراه واحد من اخوانك بالمنتدى

 

[متداول اسلامي]

ابشروا بالخير
ولا انا لي خلق سوالف السوم وشغل الشريطيه
الي يبيه عليه بالعافيه يزيد على سومة المحل
سومة المحل 180دينار
صراحه صكت فيني الدنيا بسومته
وعرض علي صديق يشتريه اب 300دينار لكن اقساط قال اقسطه عليك 50شهريا لمدة 6شهور
قلت له يستريح

 

[متداول اسلامي]

على فكره
سووومة المحل
من غير
لا ماوس
ولا فلاش ميموري
ولا كام
ولا بلوتوث​

 

[Asmrany1986]

160 وهذي اخر سومة لي حبيبي وانشالله توافق

 

[متداول اسلامي]

انت الحبيب يالحبيب
الظاهر حولي قريبه
بحط مهله يوم يمكن احد له خاطر
وان شالله يا اسمراني تحصل لك الجهاز السنع

 

[فارس العنزي]

انت الحبيب يالحبيب
الظاهر حولي قريبه
بحط مهله يوم يمكن احد له خاطر
وان شالله يا اسمراني تحصل لك الجهاز السنع

شلون الجهاز شكلة جديد ولا مزلغ وفيه شغلات خربانه من أزرار الكي بورد وغيره ، من غير زعل :d​

 

[متداول اسلامي]

لا الحمدلله من ناحية الكيبورد نظيف ولا حرف مكسور ولا حتى الخط للأحرف رايح ماشالله بيض ولا انمسحو لانهم اصليين مو شغل ليزر بحولي تعريب
بس عندك صوب ماتحط صبعك مكان الماوس تجش الي بالجهاز على جنب بس مبين اثر الاستخدام وهذا شي طبيعي عموما مظهره العام جيدجدا حتى لا يطلع غير هالكلام بيني وبين الشراي الشوف يجيني البيت ويشوفه

 

[متداول اسلامي]

جابلي 220 وباجر الفحص
والله يكتب الي فيه الخير