شركة صكوك القابضة ش.م.ك مقفلة (صكوك) 2

[راعي سيمنز]

الله يرحم والديك بورصجي تفائل بالخير ولو شوي بس

فوق مصيبتنا قاعد اتكسر فينا بكلامك

ارحمنا شوي

 

[نمر بن عدوان]

شباب من فضلكم متى موعد تفصيخ السهم وكم راح يصير سعره بعد مايتفصخ

بكره خلك جاهز .. ههههههههههههههههههههههه

 

[راعي سيمنز]

بكره الجمعيه العموميه الأحد 30-9
السهم بكره آخر يوم له على الأسعار الحاليه
اللي بيحتفظ بالسهم ويكون معاه السهم على اغلاق السوق راح يكون له الحق بزيادة راس المال واللي يشتري يوم الأثنين ما راح يدخل بالزياده
يوم الأثنين مع افتتاح السوق راح يكون متفصخ على تقريبا 144 او 146

 

[zgombi]

خلونا نشوف يوم غد الاحد .
ونشوف منو اللي يشتري .
اذا كان سعره مايسوى لابد ان نسال .؟
منو اللي يشتري وليش ؟

 

[الاديب]

الأخ الفارس الجسور ،،مشاركه بدون صور تظهر العوره رجاءا(​

 

[some one]

سؤال

اللي يكون عنده السهم بعد الاغلاق يوم الاحد ولا يريد أن يكتتب في زيادة رأس المال هل يخسر شئ ؟

 

[السهو]

سؤال

اللي يكون عنده السهم بعد الاغلاق يوم الاحد ولا يريد أن يكتتب في زيادة رأس المال هل يخسر شئ ؟

الله يطول عمرك ويزيد فلوسك

سؤال متأخر الله يهداك


كان مفروض تبيع من جم يوم

اللحين اذا افترضنا باجر راح ليمت داون

وما بعت

راح ينزل عليك الى 144 تقريبا ( لانه راح يتفصخ )

واذا بعت

يمكن يغير مساره يوم الاثنيم ويروح حد اعلى وما تلحق عليه

سؤالك في هذا الوقت الحرج

مشكله بصراحه

فكر شويه واعرف انه في جميع الحالات راح يتفصخ عليك

واذا بعته بكره مهما كان السعر لانه ايضا ممكن يروح ليمت اب

ممكن يروح يوم الاثنين ليمت اب وما تلحق عليه


النصيحه مو لك اذا انا مكانك ومسؤليتها على فلوسي مو تخسر وتقول كله منك يا بوسعود

اخليه عندي وانطر يوم الاثنين وانا وحظي ( انشالله زين في هالشهر الزين )

اذا راح السهم ليمت اب انطر ليما يريح بعد يوم يومين او اكثر وابيع

واخش الفلوس علشان اكتتب فيها لانه يكون لي الحق في الاكتتاب

وبهذه الحاله احتاج مبلغ بسيط لتعويض الفرغ بين قيمة السهم لما ابيعه وقيمة الاكتتاب

الاحتمال الاخر انه يوم الاثنين ينزل بعد ليمت داون وهذه مشكله

انا عطيتك اكثر من احتمال وانت اختار

1- تبيع بكره وتحاول تستدخاه يوم الاثنين
2- تنطر ليما يهدي شوي وتبيعه وتحتفظ بالمبلغ للاكتتاب
3- تنطر وتغامر يمكن ينزل عليك وبهالحاله مو مجبور تبيع ومو لازم تكتتب بس تخسر فرق التفصيخ



انت اختار بدون مسؤولية مني انا عطيتك الخيارات

تحياتي

 

[الفارس الجسووور]

عفوا اخوي الفارس,,

انت تقول روح شوف البحر والشارع ,, هو شافه بالمنتدى

اشحقه يروح عشان يشوف العوراة ... عموما الاخو جوبا تنبيهه في محله

واسمحلي على المداخله يالفارس

ههههههه اخوي انا لمى قلت الشارع والبحر يعني كان قصدي بريئ مو حاط شي غير طبيعي بالصوره فقط وانت واخوي اللي انتقد على العين والراس وتقبل مني هذي بعد انت وياه

 

[الفارس الجسووور]

اخوي يالفارس

البورصة تبي طولة بال

والتعامل مع الاخوان تبي طولة بال

وانت حبيب ومحد يبي يزعلك والرجال ذكرك بشيئ

واذا هو اخطاء ما راسلك على الخاص

كان باستطاعتك انت تراسله على الخاص

لاتزعل وتحمل من اخوانك وطوف شوي واخذ الناس بسعة الصدر تكسبهم ويحبونك


ويمكن اخوك ما يعرف يستخدم الخاص وانت تعرف

خلك راعيها وطول بالك

تحياتي

هلا بالسهو .. عزيزي كلامك طيب وانت اطيب ومادام واحد مثلك معانا اتصور الزعل ماله مكان بينا والله لايجيب زعل وعسى الله يوفقك دنيا واخر انت على العين الراس يا اصيل

 

[AL_RAGI]

علمت « النهار» من مصادر مطلعة ان شركتي عارف للاستثمار والدولية للإجارة والاستثمار ستقومان بشراء النسبة التي تتجاوز الـ5? من اسهم صكوك القابضة من خلال شركة أثمان للاستثمار التي تقوم بالشراء لصالح عارف والدولية. وأوضحت المصادر ان الصفقة التي ستتم اليوم من خلال مزاد اعلن عنه سوق الكويت للأوراق المالية ستكون مناصفة بين الشركتين بنسبة 50 في المئة لكل منهما. يذكر ان المزاد الذي يجرى اليوم بشأن الصفقة سيكون على اكثر من 15 مليون سهم بسعر محدد سلفا وهو 230 فلساً للسهم.



كشفت مصادر مطلعة لـ «النهار» ان إدراج شركة «منشآت» سيكون في الاسبوع الثاني بعد العيد مباشرة. وقالت المصادر ان الشركة استكملت جميع اجراءات الادراج، وان الدراسات التي اجرتها الشركة على سعر السهم في أول يوم سيترواح من 900 فلس الى دينار وذلك حسب نتائج الشركة المالية. تجدر الاشارة الى ان الشركة كانت قد حصلت على موافقة لجنة السوق في اجتماعها الاخير على الادراج في سوق الاوراق المالية.

 

[السهو]

هلا بالسهو .. عزيزي كلامك طيب وانت اطيب ومادام واحد مثلك معانا اتصور الزعل ماله مكان بينا والله لايجيب زعل وعسى الله يوفقك دنيا واخر انت على العين الراس يا اصيل

حياك الله على الروح الطيبه

الصورة حلوة بس شكلها فرس

نبي صورة صقلاوي ابيض حصان

 

[الفارس الجسووور]

حياك الله على الروح الطيبه

الصورة حلوة بس شكلها فرس

نبي صورة صقلاوي ابيض حصان

تستاهلها يالسهووووووو

 

[السهو]

تستاهلها يالسهووووووو

تسلم والله

انشالله صكوك تطلع صقلاوية ماتنسبق

تسابق الريح

فالكم الخير

 

[BOAHMAD]

سؤال

اللي يكون عنده السهم بعد الاغلاق يوم الاحد ولا يريد أن يكتتب في زيادة رأس المال هل يخسر شئ ؟

نعم اخوي راح تخسر

لان السهم ممكن يتفصخ على سعر 140 فلس

اذا مابعت باجر افضل انك تكتتب وان شاء الله بيرزقك الله

 

[راعي سيمنز]

السلام عليكم جميعا
انا من الصبح وحاس ان السهم اليوم فيه مضاربه قويه وارتفاع تقريبا تقريبا حد اعلى

ما ادري ليش بس احساس

والتوفيق للجميع

 

[AL_RAGI]

فى اسوا الحالات اذا اغلق 188 سوف يكون سعر التفصيخ 143.9
فى حال سكر السهم 198 سوف يكون سعر التفصيخ 146.9
فى حال سكر السهم 208 سوف يكون سعر التفصيخ 149.9
وقولوا معاى الله يجيب اللى فيه الخير

 

[goodq8]

امين

 

[AL_RAGI]

مافى اخبار عن الاجتماع

 

[some one]

مشكور أخوي السهو على الرد التفصيلي وما قصرت

والشكر موصول للأخ أبو أحمد والله يوفقك الجميع

 

[راعي سيمنز]

توقعي واحساسي غلط
الظاهر انى اقص على نفسي

اخبار الأجتماع ؟
اللي عنده احد رايح يدق عليه وخبرنا
ومشكورين