استنفار لمكتتبين الخليج للملاحه الرجاء الدخول

[بوكر]

الى مكتتبين الخليج للملاحه

اخواني استعدو لنزول سهم الخليج للملاحه في بورصه دبي من اسبوعين الى ثلاث اسابيع

يعني بين 15/11 الى 25/11

التواكيل استعجلو فيها

وصدقو التواكيل من الخارجيه الكويتيه وسفارة الامارات العربيه في الكويت

وانا الحين قاعد احاول بشركه وساطه في الامارات اني ادز التواكيل وشهادات بالفاكس او عبر DHL وهم يفتحولي حساب وتبيع بنفس اليوم الي ينزل فيها السهم عبر الانترنت يعني ماتحتاج تسافر دبي عشان تبيع اسهمك وقاعد احاول فيهم وأن شاء الله يوافقون وهذي فايده لنا وفايده لشركه الوساطه يعني مصلحه مشتركه وأن شاء الله يوافقون وانا راح احاول ولكل مجتهد نصيب

وأي استفسار انا حاضر

وشكراً​

 

[tajjir]

السلام عليكم
اخوي ما هو مصدرك بخصوص تاريخ الادراج...؟

 

[bufahad]

بوكر جزاك الله خير على هذا الجهد بارك الله فيك

 

[بوكر]

السلام عليكم
اخوي ما هو مصدرك بخصوص تاريخ الادراج...؟

اخوي تاجر كيف حالك

من موقع منتدى اسهم الامارات
منتدى الاسهم الخليجيه

موضوع متى يدرج سهم الخليج للملاحه

احد الاخوان بالامارات كتب بالموضوع...

منقول....

"الشبه أكيــــد" بس مش أكيد .... أن الأسبوع الجاي سيتم نشر الإعلان بالصحف عن إدراج الخليج للملاحه بتاريخ 15/11/2006 .....


إستناداً على ما تلقيته من توضيحات من "شعاع كابيتال" .. أول أمس ...


وهاذا الرابط
http://www.uaesm.com/vb/showthread.php?t=91914

وفيه ناس قالو تاريخ 25/11

والله اعلم

يعني هاذا الشهر بأذن الله

وشكراً اخوي تاجر على المرور

السلام ختام​

 

[بوكر]

بوكر جزاك الله خير على هذا الجهد بارك الله فيك

مشكور اخ ابو فهد على المرور ​

 

[بوكر]

نتمنى

نتمنى وبتمني شقاء

........................ونقول ياليته كانه وكنه

اتمنه انه يكون نزول الخليج للملاحه في منتصف شهر او اخر شهر 12 الاسباب

اذا نزل السهم في اخر شهر 11

1-تكون الشركات تما الاعلان عن ارباح الربع الثالث ومعروف بعد الاعلان عن الارباح تكون البورصه في نزول بعد ارتفاع

2- في الامارات هناك اكتتاب لسوق دبي للأوراق الماليه والمستثمرين يحتاجون الى السيوله ليكتتب في سوق دبي للأوراق الماليه

3-البورصه في وقتها هاذا نازله ولاتوج سيوله قويه لتجذب سهم الخليج للملاحه الى الارتفاع

ولاكن اذا نزلت في نصف او اواخر شهر 12

1-الخليج للملاحه لها ارباح وسوفه تعلن ارباحها السنويه

2- الشركات سوفه تعلن عن توزيعات وعن ارباحها وسوفه تجذب البورصه لصعود

3- تكون هناك سيوله قويه من جراء الارباح والمحافظ ليكون هناك تداول على الخليج للملاحه

اذا انت تبي تبيع وانا ابي ابيع وكل واحد عنده سهم الخليج للملاحه يبي يبيع عيل منهو الي يبي يشتري الكميات كبير

الوقت الحالي ليس مناسب لنزول الخليج للملاحه

هاذا الي انا اشوفه وهاذي نظرتي واكيد في ناس توافقني الراي وناس لا توافق

وشكراً اخواني ​

 

[Nagooshy]

الله يعطيك العافيه اخوي بوكر

ما أسم الشركة الوساطة التي تتعامل معاها بالامارات؟

 

[دبل سهم]

الملاحة راح تنزل بعد اكتتاب سوق دبى
اى بعد 23 /11

اكيد مو قبل هذا التاريخ

والا اصحاب الشركة اغبياء فى اختيار التوقيت

مجرد راى

 

[بوكر]

اخواني

اخوي شركه الوساطه تابعه لبنك الامارات الي انا اكتتبت فيه بس الضاهر مافيه نصيب قالولي لازم تجي عشان اتسجلها في البورصه بسمك لأنه الاسهم مو بسمك يعني الضاهر تغير ملكيه الاسهم من اسماء اصحاب الاسهم الى اسمك وصارت اشوي خربطه بالموضوع

يعني للأسف السفرة فيك فيك

والله ياخواني سعيت بكل جهدي ولاكن المكتوب مكتوب

والحمد لله على كل شي

شكراً اخ نقوشي على المرور


اخ دبل سهم انا اوافقك الراي لأنه الوقت جداً غير مناسب وانا اتمنى انه النزول في اواخر شهر 12 اصبر شهر احسن

اصوووووووووووووووووووم وفطر على بصله شهر 11

اصووووووووووووووووووم وفطر على همبه شهر 12

الي يبي يفطر على بصله يدعي الله تنزل شهر 11

والي عاد وده يفطر على همبه يدعي انه تنزل شهر 12

هاذا رأي انا

والكل له وجهة نظر

تقبلي خالص شكري للمرور ​

 

[tajjir]

يا جماعة الخير
البيع عن طريق جلوبل
اتصلو عليهم و تاكدو​

 

[سليمان]

بوكر يعطيك العافية وما قصرت

سؤال على الطاير ... انا الحمدلله خلصت التوكيلات وكل شي .. بس ودي اعرف عملية فتح الحسابات للتداول في الامارات اشكثر تاخذ وقت ؟

يعني لو فرضا قالو راح ينزل السهم في 10-12 ... لازم قبلها بجم يوم اكون في الامارات ؟

اشرايك فيني حتى في مثالي قايل شهر ديسمبر :d

 

[بوكر]

اخوي اسليمان

اخوي اسليمان


اول شي مو لازم تفتح احسابات حق اصحاب الشهايد دش الموقع هاذا

http://www.indexsignal.com/vb/showthread.php?t=48447&page=8

وراح تفهم شنو اتسوي

شكراً​

 

[بو_يعقوب]

السلام على الاخوه في المنتدى :
عندي سؤال وارجو اني احصل على اجابته عندكم ولك اخوي بوركر
س- ماهي المعيير اللي تحدد سعر السهم ؟او شنوالمعادلة اللي يعتمدون عليها ؟ [/واقصد يعني مثل معادلة سعر التفصيخ مثلاً
وشكراً.........................

 

[بوكر]

مبروك لمكتتبين الخليج للملاحه

اخواني

توني اتصلة على شعاع كبيتل يقولون الادراج نصف شهر 12

وراح يعلنون عن ارباحها قبل لا تنزل السوق يعني بأذن الله السهم امشلع امشلع فوق فوق ان شاء الله

وأحسن وقت لنزولها البورصه هو نصف شهر 12 يعني مثل ماقلتلكم كأنه الشركه اسمعت كلامي

مبروووووووووووووووووووك
مبروووووووووووووووووووك
مبروووووووووووووووووووك

اخوي بويعقوب

اول شي انا اقيم الشركه على اعضائها وراس المال والشركه بشنو شغاله

يعني الاعضاء عبدالله الشريم رئيس اكثر من شركه وكل الشركات ماشاء الله قويه وفيها احد الامراء من ال سعود وشركات كبيرة

وراس المال جيد

بعض الشركات تطرح للأكتتاب لأنها شركه جديده يعني ماشتغلت فما بالك بالخليج للملاحه شغاله من 2001 ولها ميزانيه وعندها عقود مع شركات


والشركه شغال بالنقل البحري مثل النفط ومشتقاته

والشركه الوحيده في بورصه دبي للملاحه منفرده

وشكراً​

 

[bufahad]

بوكر شكرا لك على الخبر الحلو تتوقع جم راح يكون سعرها عند الادراج او بعده ؟؟

 

[بوكر]

صبحك الله بالخير

ابو فهد ماقدر اقولك بالفعل

ولاكن اذا نزلت نصف او اواخر شهر 12

انا اقول فوق 4 درهم والله اعلم انا اتوقع

وشكراً​

 

[bufahad]

الحمدلله على كل حال
يعني مربح 400% اللهم لك الحمد ولك الشكر

 

[بو_يعقوب]

السلام عليكم الاخوه فالمنتدا وعلى صاحب الاخبار الطيبه (((بوكر)))
شلونك حبيبي اشكرك على الرد على استفساري عن معادلة سعر الادراج
ولاكن تصدق ما عرفت احد يعلمني عليها وعلى وناس يقولون لي انه البورصه هي اللي تتحكم بسعر الادراج
مشكووووووووور على الخبر بوركر

 

[بوكر]

مرحبتين

اخوي بويعقوب كيف حالك

نعم كلامهم صحيح ولاكن الشي الأساسي هو الي قلتلك عليه

والسوق والناس لهم دور كبير

شاكر مرورك اخوي بو يعقوب

وتمنى ان شاء الله توصل 100 درهم بس عشانك يابو يعقوب ​

 

[بو_يعقوب]

السلام على الاخوه في المنتدا ولك بوركر
انا بعد اتمنى بس ودك الامنيه تكون معقوله مو عاد 100 قويه قل 95 درهم عاد نقبلها ........
توقعاتي من 3.5 الى 5 دراهم والله يجيب اللي فيه الخير
وشكراَ...