من المتسبب بديون المواطنين ؟

[المرشد1]

تعاني اغلب الاسر من نار الديون
بعضها مصيبه علي الاسره
وبعضها متوسط وبعضها خفيفه
فمن بظنكم المتسبب بها هو هو المواطن ام البنوك
التي بعضها يتجاوز النسب المؤيه من البنك المركزي
وعلي عينك يا تاجر
خذ 70.000 الف خلال ساعة !

اتمني نعطي الرأي دون تشنج وبصرااحة لعل وعسي يصل صوتنا

 

[boali]

المتسبب الرئيسي

هو البنك المركزي

لسماح البنوك لأعطاء المواطنين القروض الكبيرة

لوكان نفس القانون القديم بالنسبة للقروض كان وايد أفضل

حدك حدك عشر أضعاف الراتب !!

بس السياسة (--------) كانت وايد خاطئه لانشغال المواطنين بالقروض

وترك السياسة

ولتطلعات لأمور أكبر !! ..........​

 

[سبع الليل]

الشرها على هالنواب الاسلاميين...شادين حليهم على حفلات نانسي عقرب و هاديين الربا تنهش بلحم المتقاعدين و الفقاره اللي محتاج علشان يقضي حوائجه الضرورية للحياة....على فكرة الغني ياخذ ربا حق مشاريع مو حق أكل.

يصرخون على خيمه رمضانيه(وأنا معهم ...الخيم غلط) وساكتين على الأكبر من الخمر و الزنا ألا وهو الربا ...
الله يبشر (استهزاءاً) المتعاملين بالربا بحرب منه و رسوله...والجماعة ساكتين....كلكم راعي و كلكم مسؤل....و هالنواب الاسلاميين محاسبين أمام الله عن سكوتهم على الربا.

 

[Q8_]

يالجماعه ما يصير انا ساكن بشقة صارلي 7 سنين كله علشان ما آخذ قرض
وغيري طاقله قرض 50 او 70 الف و شاري بيت و ماثث و مرتاح و يطيحون عنه القرض جذي على طول
علمونا اذا بيطيحون القروض علشان اخذ قرض و اشتري بيت حالي حال الناس
حتى بيوت الكوريات الخرابه صارت ب 90 و 100 الف

 

[kuwait77]

والله المشكلة كلها من سياسة البنوك رجل معاشة 500 دينار اعطيه قرض 70 الف

 

[المرشد1]

بولي
سبع الليل
كويت 8
الكويت 77

اشكركم للمرور والتعليق الجميل

 

[قلم حر]

والله المشكلة كلها من سياسة البنوك رجل معاشة 500 دينار اعطيه قرض 70 الف

ومنو اللي طاقه على ايده ياخذ 70 الف

 

[سليمان الضيف]

ومنو اللي طاقه على ايده ياخذ 70 الف

عين العقل ...

ليش نتفخ اعمارنا على الهبنـّي ( مصطلح قديم )

اللي مغصص نفسه بالأقساط قلعته محد اجبرك تروح تاخذ ديون ...
وانا اول واحد

اقرا الإعلان بالتوقيع

 

[حمووودي]

مو مهم منو السبب بس دام قروض العراق بتطيح الكويتيون اولى وانفع مو الحكومة تقول نبي ندعم المنتج الوطني وشراؤك دعم الكويتي انفع خلاص الكويتي انفع من العراقي بالقروض طيحو عالكويتيين اول وبعدين طيحو عالعراقيين اللي غزونا الله يسامحكم يا اهل الكويت وايد منكم مو راضيين باسقاط القروض عن الكويتين اللي وراضيين عن اسقاطها عن العراقيين اللي غزونا ومصخرونا بالغزو الله يسامحكم اقتلو اهلكم وانتو ساكتين عن قروضهم وراضيين يطيحونها بس الكويتيين اي مو مساواة ومادري شنو يعني كلش العراق تعطيهم هذي مساواة خلاص دام بتعطي العراق 18 مليار عط امريكا نفس الشي واليمن نفس الشي وفلسطين نفس الشي ومصر وغيرهم عشان تصير مساواة

 

[قلم حر]

ديون العراق ما راح تطيح والحكومه مستحيل تطيح ديون
العراق .
والحكومة خلت الاعضاء الحكوميين يربطون موضوع اسقاط ديون
المواطنين باسقاط ديون العراق لترفع الحرج عنها من المطالبات
الدوليه باسقاط ديون العراق وكذلك لرفع الحرج الشعبي عنها
وبذلك اصبح المديونين الكويتيين مايبون اسقاط قروضهم الا في
حالة اسقاط قروض العراق .

يعني مافيه اسقاط قروض لا للعراق ولا للمواطنين
وهذا فن سياسي من الحكومه لانها حافظت على ثروات الشعب
وان شاء الله تدوم المحافظه على ثروات الشعب الكويتي باكمله
ومو ثروات المديونيين فقط او العراقيين او اليمنيين .

ودمتم

 

[حمووودي]

قروض العراق بتطيح بتطيح والايام يايه وبتشوفون ما يطوف من الحين 3 شهور او 4 شهور الا اعلان بكل الجرايد الحكومة تصفر قروض العراق وبتشوفون وعقبها خل تنفعك يا مواطنون قروض الكويتيين مافيها مساواة ومافيها عداله ومن هالكلام الفاضي

 

[قلم حر]

زين نفترض طيحت حكومتنا مثل ماقلت ديون العراق وباقوا ثروة الشعب
ليش احنا المديونين نصير مثل العراق و نبوق ثروة الشعب كله المديونين والغير مديونين .
ياخوي هذي ثروة الكويتيين كلهم ليش تبونا نتعامل معاها تعامل العصابات
اللي تبي تتقاسم البوقه بروحها .

 

[Director]

افا يا بوعبدالله ماهي الهقوة !!!

زين نفترض طيحت حكومتنا مثل ماقلت ديون العراق وباقوا ثروة الشعب
ليش احنا المديونين نصير مثل العراق و نبوق ثروة الشعب كله المديونين والغير مديونين .
ياخوي هذي ثروة الكويتيين كلهم ليش تبونا نتعامل معاها تعامل العصابات
اللي تبي تتقاسم البوقه بروحها .

اخوي بوعبدالله من قالك تطيح القروض بوقه
ليش ما تقول حكومة تساعد شعبها وشعبها اولى
ليش معتبرها بوقة

زين الـ بي او تي مو بوقة
اللي مناقصات الكويت بيده مو بوقه
المديونيات الصعبة مو بوقة
والا حرام على الفقارى
وحلال عيلهم

تقولي ليش ياخذون قرووض

شوف صح في ناس اخذت تلعب
بس الغالبية علشان تستر نفسها ببيت

جيبلي واحد شرا او بناء بيت العمر بسبعين الف
الارض الحين ارخص شي 100 الف
اوكي ارض وقرض هم ما يكفي

ينطر دورة
في ناس عيالها تبي تدش الجامعه
وناطرها دورها

معقولة هذا يصير بالكويت

منو يرضى


اوكي تقولي واللي مو ماخذ قروووض

يحمد ربه على النعمة واذا حسود لي هالدرجة
بالعافية عليه يمر اقرب فرع بنك وياخذ سبعين ضعف الراتب

وينطر حلال عليه بس ما يرحم ولا يخلي رحمة الله تنزل
هذا اللي ما يصير ..​

 

[قلم حر]

حبيبي دايروكتر خلك معاي شوي
اول شئ الغالبيه من المواطنين مديونين اتفقنا
يعني القليل من المواطنين غير مديون . بس لا تقول عنده خير لان
اغلب التجار عليهم ديون .وهم اللي عندهم خير .
زين المساكين القله اللي ماعليهم ديون شنو يعني لو عطيناهم
شئ مقابل اسقاط ديون المواطنين . ما تشوف هنيه فيه عدل
ومساواه واللي يبي اللقمه بروحه هو الطماع وهو الحسود

المديونين مايبون عدل ومساواه مع باقي المواطنين
ولكن !!! يبون عدل ومساواه مع العراقيين .

اخوي دايروكتور
انا منطقي لا لاسقاط القروض لا عن العراق ولا هبات لدول اخرى
ولكن اذا فيه اسقاط لقروض المواطنين . عطوا الغير مديون مثل
ماحصل باسقاط 2000 الكهرباء

واللي موعاجبه العدل والمساواه بين الكويتيين هو الحسود
لا وطماع بعد

ودمتم

 

[Director]

حبيبي دايروكتر خلك معاي شوي
اول شئ الغالبيه من المواطنين مديونين اتفقنا
يعني القليل من المواطنين غير مديون . بس لا تقول عنده خير لان
اغلب التجار عليهم ديون .وهم اللي عندهم خير .
زين المساكين القله اللي ماعليهم ديون شنو يعني لو عطيناهم
شئ مقابل اسقاط ديون المواطنين . ما تشوف هنيه فيه عدل
ومساواه واللي يبي اللقمه بروحه هو الطماع وهو الحسود

المديونين مايبون عدل ومساواه مع باقي المواطنين
ولكن !!! يبون عدل ومساواه مع العراقيين .

اخوي دايروكتور
انا منطقي لا لاسقاط القروض لا عن العراق ولا هبات لدول اخرى
ولكن اذا فيه اسقاط لقروض المواطنين . عطوا الغير مديون مثل
ماحصل باسقاط 2000 الكهرباء

واللي موعاجبه العدل والمساواه بين الكويتيين هو الحسود
لا وطماع بعد

ودمتم

اول احمر اخوي انا قلتلك الحل
يقول الحمدلله انه ماعليه ديون
او يمر اقرب فرع


وثاني احمر وينك عن المديونيات الصعبة
اخر دفعة عن ست مواطنين كانت مليارات

وديون العراق طايحه طايحه

بوش اخر مره مع الامير حسم الموضوع
والعلم يجيك

والشاعر يقول :
وتأتيك بالاخبار مالم تزود

وتبي تشوووف مع الايام الجاية ..

 

[قلم حر]

اول احمر اخوي انا قلتلك الحل
يقول الحمدلله انه ماعليه ديون
او يمر اقرب فرع


وثاني احمر وينك عن المديونيات الصعبة
اخر دفعة عن ست مواطنين كانت مليارات

وديون العراق طايحه طايحه

بوش اخر مره مع الامير حسم الموضوع
والعلم يجيك

والشاعر يقول :
وتأتيك بالاخبار مالم تزود

وتبي تشوووف مع الايام الجاية ..

ما تلاحظ ان كل اللي ذكرتهم تعتبر بوقات وانت عزيز علي
ما ودي يطيحون القروض وتصير وياهم

 

[Director]

ما تلاحظ ان كل اللي ذكرتهم تعتبر بوقات وانت عزيز علي
ما ودي يطيحون القروض وتصير وياهم

انا مو لحالي بوعبدالله
معاي 65الف رب اسرة كويتي
اذا تبي تعتبرنا كلنا حرامية
شي راجعلك ..,

 

[قلم حر]

والله العظيم ماقلت حراميه وما فيه احد يبوق حلاله
لكن قلت او قصدت لا تصير ادارة الموضوع مثل ادارة الحرامي
للسرقه اللي بس يبي يوزعونها بينهم وهم قله

يادايروكتور ياحبيبي

انا اقصد الفلوس للجميع يااخي عساها تطيح عن كل المديونين وعساهم
يعطون الغير مديون شئ منهم لانهم فلوسه بعد .


وانا كلي اسف اذا فهم كلامي غلط وبالنسبه لكلامك انت تقول المديونات
الصعبه وديون العراق وانا اقولك هذي بوقات لاتطلب المساواه معاها

 

[Director]

يعني البوقه بوعبدالله ماتبي تتكلم عنها

وحنا الفقارى تقول مافي مساواة

الله يسامحك


بعد الغزو العراقي طاحت الديون
ومحد قال مساواة

خلاص يطيحون القروض

واللي ماعنده قرض يعطونه 10 الاف او 20 الف زين جذي

 

[قلم حر]

انا اقولك هذي بوقات لا تقول حالي حالها
لانك انت والكويتيين ارقى واسمى من هالبوقات
ياخوي استشهد بشئ يرفع الراس ومايطمنه

وانت راسك مرفوع على طول ان شاء الله

انا اكيد اللي راح يفهموني غلط كثير لذلك ما راح ارد الا على
اللي يكون اسلوبه مهذب .

رفعت ضغطي يادايروكتور بس احترم رايك واسلوبك