عندك مشكلة في قومة الصبح؟؟

[نوكيا]

عندك مشكلة في قومة الصبح؟؟

هذي احسن 10 حلول تخليك تقوم غصبا عنك

وهي من اكثر انواع المنبهات ازعاجا في العالم

1- الساعة المتسلقة​

تتعلق فوق الراس بخيط يوصل للسقف واذا ما تطفيها بسرعة تبدأ تتسلق الخيط لفوق وما بتقدر تطفيها الا اذا جبت لك سلم ورقيت لها

-

ساعة التركيبة​

لازم تركب التركيبة صح عشان تطفيها

يا تقوم يا تنسب​

هذي الساعة تقدر تسألها عن الوقت وتجاوبك

بس اذا ما طفيت المنبه تبدأ تسب فيك وتلعن

4-الشرطية​

هذي الساعة فيها هزاز ومنبه قوة 95 وفيها كشافات الشرطة الدوارة

- دور الزر​

لازم تدور الزر الصحيح اللي يطفي المنبه وعلى ما تحصله تكون النومة طارت

6- الدجاجة والبيض​

هذي تمشي وتبيض ولا يوقف المنبه الا اذا رجعت كل البيض فيها

7- المجند​

الضابط يعصب عليك ويأمرك انك تقوم

8- الساعة الطايرة​

بس يصيح المنبه على طول تطير هذي الساعة وما لك الا انك تقوم تصيدها وتطفيها

9- بوووووم​

هذي القنبلة اذا ما سكتها بسرعة راح تجلس الجيران من قوة صوتها المدوي

0- الغميمة​

هذي الساعة اللي اخذت رقم واحد في الساعات ولها شهرة كبيرة مرة

اول ما يصيح المنبه على طول تطيح من فوق الطاولة وتمشي وتتخبأ في اي محل عشوائي (يمكن تحت السرير) وانت عاد ورطتك انك تدورها وتسكتها

 

[ebjad]

ههههههههههههههه والله حلوه هذه الساعات راح احطها على رؤوس العيال واخليها تجننهم حتى يقومون وخاصة في ايام الشتاء ما يقومون الا بالغصب
يعطيك العافيه

 

[Director]

جزاك الله خير اخوي بس وين القى الساعات هذي
ابيهم كلهم ..,

 

[kuwait77]

ههههههههههههههههههههههههه وينها الساعات والله محتاجينها للشتاء

 

[boali]

جزاك الله خير

 

[q8ia_edaria]

خوش ساعات والله.. اطلبلي منهم

 

[NBK]

الحمد لله على السلامه
وين هالغيبه
عسى ما شر​

 

[alqattan]

على كلام عبدالحسين عبد الرضا
ما فى ساعه تشتغل على الاغبار

يعطيك العافيه
وننتظر جديدك

 

[نوكيا]

nbk : مشكور على سؤالك وماتشوف شر انشاء االله
alqattan : كل شى جائز على ساعات تشتعل على الغبار ويمكن على الرطوبه بعد ,, شكرا على مرورك
q8ia_edaria : ااساعات يايه فى الطريق بس يبيلها اشوية وقت
boali : الله يجزيك الخير والحسنات وثواب رمضان
kuwait77 : ياراعى الهمر اشتبى بالساعات كافى اكزوز سيارتك
Director : سجلت اسمك على اللائحه بس اكو مشكله فى الساعه رقم (9 ) لازم تاخذ موافقة الداخليه

ebjad : الله يخليلك عيالك عاد خلك حنين اشوى معاهم (( الله يرحم الخيزرانه ايام اول ))

شكرا للجميع مرة اخرى ​

 

[يا باغي الخير]

خوش ساعات بس وين نحصلهم

 

[asrar12345]

يعطيك العافية اخوي نوكيا

خووش تلفون قصدي خووش موضوع

بس الله يعطيك العافيه أخوي

اطلب لنا من ضمن الطلبيه


ساعة على شكل أم بيدها عصا ما تغشمر

و تصيح وقت الصلاة : صلوا صلوا الصلاة خير من النوم


هذي حق الامهات اللي واعليا ينهد حيلهم ( يمالهم العافيه )

وهم يصحون عيالهم لصلاة الجمعه

وما يقوم الواحد منهم حق صلاة الجمعة إلا لما يكسرون الباب عليه

نبي طلبيه للامهات

عشان انريح ايدينهم الحلوة

ونحط لهم الساعة عند باب بعض الشباب ثقيلي النوم

تقوم بالمهمة عنهم


ويزاك الله خير​

 

[Director]

Director : سجلت اسمك على اللائحه بس اكو مشكله فى الساعه رقم (9 ) لازم تاخذ موافقة الداخليه


تصدق عاد اخوي نوكيا
ما تقعدني الا هذا والا غيره ولا شي