الاخ MFST

[ابو رواف]

اعتقد انك تهوى مثل هذا السهم ....

 

[عجيم]

بو رواف حاولت اعرف السهم لكن للاسف ماعرفته

شكلك نسيت تحطه

 

[عجيم]

عفوا بو رواف لان الموجود في اعلى الشارت

intl

لكن السعر يختلف

 

[MSFT]

هذي اسمها PRGX

يا سلام عليك يا ابو رواف .. هذي وحده مثل الشركات
اللي احبها .. تطيح شوي وبعد يوم او كم يوم تتعدل ..
عادة انا اذا شفتها بدت بالتحسن اشتريت منها واقل مكسب
مقنع على طول اتخلص منها لانها احيانا تتعافى شوي
وبعدين تهوي تحت وتضيعك معاها ..
على العموم انا الاحظ ان الشباب ما اقتنعوا من فكرتي
مع انه كان لي زميل يشتغل بالماركت وكان ما يقتنع
من كلامي الى ان اجبرته يحاول لمدة اسبوع وما شاء الله
كان الربح مرضي له .. المهم انا ابحاول الاسبوع القادم
اعطي اسماء كم شركه مع افتتاح السوق وايضا بعد افتتاحة بنص ساعه وابي اللي يبي يمشي معي يجرب بدون ما يشتري
(يفترض بس انه اشترى) الى ان يتفهم طريقتي
وبعدين يبدأ التطبيق الفعلي .. والله يوفق الجميع

 

[ابو رواف]

اسف يا عجيم , ماكنت متواجد على النت امس .


MSFT
اوكية انت قلت ان فية اسهم ترتفع قليل بعد الهبوط الكبير , ولكن بعضها يسنزل اكثر .


ماهي الادوات التي تستخدمها في ذلك , مثل المؤشرات , الفوليم , الاخبار .

اقصد : كيف تعرف ان هذا السهم سيرتفع قليلا , والسهم الاخر سيستمر با الهبوط .

ارجوا ان تتوسع في الشرح فأنا متابع كتاباتك , ولدي استراتيجية جديدة في طريقها للتنفيذ وهي تحت الاختبارات الان , ولي فيها اكثر من شهر , لكن ازداد حماسي بإكمالها الاسبوعين الاخيرة ,

اتمنى ان نتعاون معا ونختصر بعض الوقت .

 

[MSFT]

خوي ابو رواف
انا مثل ما سلفت سابقا ليس لدي خبرات تحليليه ولكني تابعت الاسهم الامريكيه لاكثر من خمس سنوات ووجدت ان افضل ما يعطيك ربح هو الشركات اللي تخسر خساره قوية نوعا مابين تصل الى الخمسة الى العشرة دولارات في يوم.. انا صراحة كل يوم ابحث عن مثل هالشركات وبعدين ادرسها من ناحية شرعية اولا.. وبعدين اشوف الشارت حقها لمدة سنه.. بعض الشركات تهوي لانها كانت مرتفعه جدا اكثر من
السعر المتوسط وهالهبوط يكون نتيجة حتميه لاسباب عديده كاداء الشركه وارباحها واخبارها وانخفاض التداول عليها الخ.. المهم بعد ما
اشوف الشركات احطها عندي على الستريمر قبل افتتاح السوق وانتظر اذا فيه اخبار جديده عليها او لا .. ومع بداية السوق انتظر نصف ساعه على الاقل لأرى التداول عليها فبعضها يرتفع اول نصف ساعه كارتداد
طبيعي بعد انخفاض حاد اليوم السابق ثم ما تلبث وان تنخفض لتسجل مستويات انخفاض جديده .. ولذلك انا افضل اني اصبر شوي..
اذا الشركات اللي انا حاط عندي بدأت بالارتفاع مع اول نصف ساعه, اشوف عاد انا التداول حقها وكميات العرض والطلب في الآيسلند وبعدين اقرر اي واحده انا ارغب اشتري منها .. ما اخفيك ابو رواف انه احيانا تصيب واحيانا تخيب ولكن الحمد لله التوفيق من رب العالمين.. اذا انت قنوع اقل مكسب يرضيك وبيع .. احيانا والله ابيع بمكسب نص دولار وتزداد الشركه بعدها الى نهاية اليوم 3 دولارات!! واحيانا اشتري وتزود وتعطيني3 دولارات في منتصف السوق ولا ابيع انتظارا الى قبل ما يقفل
السوق واذا هي نازله ومعطيتني مكسب نص دولار فقط بدلا من الـ3 اللي كانت في منتصف السوق .. انا بصراحه افضل اشتري والمكسب المرضي ابيع تجنبا لاي نكبه!! على فكره هالنوع من الاسهم لازم تصير قدام الشاشة دامك مشتري لانه في اي لحظه ممكن ترتفع
ارتفاع خيالي واحيانا تنخرط زياده .. فلازم تكون قدام الشاشة الين ما تبيع اسهمك..
ملاحظه اخرى: لازم تكون جسور واعصابك باااارده جدا ولا تراها بتجيب لك الضغط.. بعد شوي اببحث لك عن اسهم نازله وانت تابعها بكره الاثنين اول السوق.. مجرد تجربه فقط

 

[MSFT]

هذي كم شركه نزلت الجمعه الماضيه وقد ترتفع الاثنين.. الشركات ياليت تكون فقط للمتابعه كنوع من الامثله هذا الاسبوع.. انا الحقيقه الى الان ما ادري عن شرعيتها:

UN انخفضت 6.22 لتصل الى 57.07

PMI انخفضت 2.27 لتصل الى 28.07

ICOS انخفضت 2.55 لتصل الى 25.55

CI انخفضت 2.87 لتصل الى 50.78

IDA انخفضت 1.30 لتصل الى 23.7

وبالنظر الى الشارت الخاص بهذه الشركات تجد ان معظمها مرتفع ارتفاع طردي خلال الاشهر الماضيه والهبوط يعتبر هبوط حتمي ولكن السوق بكره يبين هل بتعوض او لا!! ناظرها وحط في بالك انك شريت (وهميا) من وحده منها بعد نصف ساعه من افتتاح السوق كتجربه فقط ..
ملاحظتين:
1- موب لازم تشتري يوميا !!
2- الشركه اللي تطيح وتتعافي لا تقرب لها مره ثانيه لو طاحت بعد اسبوع او اسبوعين..
عموما التجربه خير برهان!!!

 

[MSFT]

UN وارتفاع اكثر من دولارين

CI وارتفاع 80 سنت

لاحظ ان UN قفزت منذ افتتاح السوق بينما CI كانت ترتفع تدريجيا وهذا هو النوع اللي انا ابحث عنه دائما وافضله وهو الارتفاع التدريجي .. اما بقية الشركات فما زالت تواصل انخفاضها اليوم ايضا.. ولكنها تستحق المتابعة غدا او بعد غد لانها حتما سترتفع ..

 

[MSFT]

هاهي اليوم UN ترتفع دولارا اخرا عن يوم امس لتصل الى 60.28 (لاحظ ان الارتفاع اليوم كان قفزه واحده في اول السوق مثل ارتفاعها امس) وهذا شيء صعب اصطياده..
وهاهي CI ترتفع دولارين اخرين زيادة على ارتفاع امس لتصل الى 53.5 ساعة كتابة هذا التعقيب.. (لاحظ ارتفاعها اليوم ايضا مثل ارتفاع امس كان تدريجي وهو ما تستطيع الربح منه)..

ملاحظه: هذا الارتفاع في اسعار الشركات سيعقبه انخفاض قد يكون قويا احيانا ولذلك دائما انا اتجنب التعامل في الشركه مرة اخرى!!

* صورة مع التحيه للاخ ابو رواف وحتى بعد للاخ متفائل

صاير مدير عام انا !!

 

[ابو رواف]

عزيزي MSFT

ماشاء الله تبارك الله , لك خمس سنوات في الاسهم الامريكية .

انا ماكملت السنة , والله يعطي محركات البحث مثل قوقل وغيرها , العافية الي دلني عليها ,

سويت بحث ابي موقع اتصالات ما ادري كيف وطلع لي كتابات بريد الكتروني يحلل شركة اتصالات كندية , قلت خلني اشوف وش عندهم , ومن عقبها وانا 8 ساعات مقابل المنتديين هاذي .


على العموم انت تستعمل لغة الارقام , دولار , دولارين اقل او اكثر , وهذا بناء على اسعار الاسهم الي تتداولها , ولكن لو استخدمنا النسب مثل 5% او 15% يكون افضل لأن ارتفاع 1 دولار في سهم قيمتة 10 يعني 10% اما في سهم سعرة 3 دولار يعني 30% واكيد الفرق واضح ويشرح لنا التغير من دون العودة لشارت السهم .





الله يعطيك العافية انا لي فترة الان , اقل من شهر وانا اطامر في القابات داون , ليش ها السهم يقفل القاب وليش الثاني ينزل زيادة .



هل فية مؤشرات تستخدمها ؟!! ام على الاخبار ومتابعة الشارت فقط كما اشرت ؟!!

 

[MSFT]

هلا وغلا ابو رواف

استراتيجيات تحليل وتحديد نقاط وبيع ما ادرجها ضمن طريقتي في البيع والشراء في مثل هالنوع من الاسهم لان الشركه المنخضه جدا تكون قد حطمت التوقعات بانخفاضها وبالتالي استردادها لعافيتها يعتمد على ثقة المتعاملين بها وكذلك نشاط الشركه اخبارها الخ.. المهم انا بعطيك كم مثال من شركتين اشتريت منها قبل فتره وما زلت اتابعها:

ADRX
شركه طبيه محترمه في السوق.. ادويتها مشهوره على مستوى امريكا.. سعرها قبل 7 اشهر كان 20 دولار ثم هبطت الى 12 دولار بسبب اخبار عن ارباحها ذلك الوقت .. اشتريت منها وما لبثت ان وصلت 16 دولار خلال ايام معدوده (الارتفاع كان بسبب ثقة المستهلك بالشركه وقوة الشركه ايضا).. ثم بدأت تسير بمستوى 14 دولار لاكثر من 5 اشهر.. وقبل شهرين انخفضت من 14 دولار الى 9دولارات بسبب اخبار نزلت عنها فوجدتها الفرصة المناسبه للشراء منها وفعلا اشتريت ثم انخفت الى 8 دولار واستمرت على ذلك اكثر من اسبوع مع صدور اخبار سيئه عليها الى درجة انني شكيت انها بتفلس .. اليوم هاهي عند مستوى 16 دولار .. وآه بس ليتني ما بعت!!

OSK
شركه اخرى تضحك اذا نظرت الى الشارت حقها انخفاض خيالي ثم ارتفاع هائل وهكذا.. طبها هذه الشركه في الايام الاخيره طاحت كم طيحه قويه واستردت عافيتها بس بارتغاع بسيط ولكني كنت متأكد بأن ارتفاعها لن يكون سريعا وهو بسبب نشاطها عقب انتهاء الحرب (تصنيعu آليات عسكريه وسيارات اطفاء) وبالتالي فإن شركه مثل هالشركه اتجنبها غالب الاوقات..
اذا تلاحظ اني اطيح دائما على شركات الداو وليس الناسداك لان الشركات اللي ابحث عنها دائما تكون قويه ولها اسمها في السوق فإنخفاضها يكون قوي ثم لا تلبث وتتعافى.. وهذا يقودني الى الاجابه عن سؤالك لماذا لا استخدم النسب. الشركات التي ابحث عنها دائما لاتقل عن 20 دولار واحيانا تصل الى ما فوق الـ 50 وبالتالي فصعبه اني اتعامل بالنسب للفرق الشاسع بين اسعار العملات وانما احبذ المكسب القليل والخروج من السوق بسرعه..

اتمنى اني اكون اجبت على اسئلتك واذا عندك اي استفسار لا تتردد وانا اخوك