أين صرفت المنحة ؟؟!!

[Director]

تم استلام المنحة والحمدلله عليها

وكل منا صرف المنحة اكيد وما قعدت بمخباته
اكثر من نص ربع يوم

وعلشان نعرف من هو المستفيد الأكبر من المنحة
ابي كل عضو يذكر وين صرف المنحة

وانا ابي ابدأ بالأول

لي الحين بالبنك من كثرهم مادري شسوي فيهم

الصراحة شريت هدية لأغلى وحده عندي بالدنيا
طبعا ماكو غيرها أمي ..
الهدية كانت تلفون يديد توه نازل من المستقبل
طبعا زدتهم شوي

يعني المنحة راحت حق المستقبل

 

[dcnaq]

انا قصتي طويلة وشرباكة

رحت شريت تلفون للولد قيمة 203 دنانيير
وشريت 65 دينار للبنت هم تلفون
وللصغيير شريت سوني اليديد

ودفعت مصاريف المدارس + تسجيلهم

ودفعت للخدامة هدية ما يصيير ما دفعوا للخدم حرام

وللزوجة شريت ذهب

وبعدين اهم شاريين حقي عطور واقلام وووووووووووو يعني حركنا السوق هل يوميين

والمصري صاحبي زعلان يقول ( وماله لو دفعوا لنا 20 دينار )

 

[الفهلوي]

انا الحمدلله

جاتني 1400 دينار منحة وجاني واحد غالي وطلب يتسلف 3000 دينار

يعني راحت المنحة وفوقها مثلها



الفهلوي​

 

[boali]

انا عن نفسي للحين ما صرفتهم 200 مالوتي

لان يوم الاحد راح اسحبهم المغرب بالكي نت من فندق حياة رجنسي-دبي

أما بالنسبة ال 600 دينار مالت الأعيال

عطيتهم حق أمهم علشان تشتري حاجاتهم

 

[قلم حر]

انا للحين ماعندي جواب لان المنحه ماخلصت باقي شويه منها
ماخلينا سوق مارحنا له حتى بو 100 فلس رحنا له مستعجلين
عليها نبي نخلصها ماادري ليش مع ان المفروض نحافظ عليها .

 

[q8ia_edaria]

انا لي الحين ماصرفتهم ....<<< اول مرة لووول

ان شالله بشتري فيهم ساعة حلوة ....

وامي دفعت معاشات الخدم لووول...

وبس

 

[al7bebe]

حصل امامي في احد الاسواق

ولد صغير ماسك عبات امه ويجرها امام الماره ويقول لها ابي المنحه ابيها

 

[Director]

ولد صغير ماسك عبات امه ويجرها امام الماره ويقول لها ابي المنحه ابيها

عادي كل شي يصير بالكويت
بس ما قلت لنا وين صرفت المنحة
اذا متزوج وبيد ام العيال مو بيدك عادي قول

 

[Director]

انا قصتي طويلة وشرباكة

رحت شريت تلفون للولد قيمة 203 دنانيير
وشريت 65 دينار للبنت هم تلفون
وللصغيير شريت سوني اليديد

ودفعت مصاريف المدارس + تسجيلهم

ودفعت للخدامة هدية ما يصيير ما دفعوا للخدم حرام

وللزوجة شريت ذهب

وبعدين اهم شاريين حقي عطور واقلام وووووووووووو يعني حركنا السوق هل يوميين

والمصري صاحبي زعلان يقول ( وماله لو دفعوا لنا 20 دينار )

انت اللي بالاخير قلت الحمدالله
مو على المنحة الحمداللة اني موظف

بعدين المصري شيبي 20 لووووووووووووووووول

 

[Director]

الى كل الاعضاء ..
مشكورين على المرور والردود

ألا بوعلي


بشرطين اكون مشكور له


اول شي يتغدى بالمطعم اللي فوق ..


ويسلم لي على رفيجي التونسي
اللي بالريسبشن ..

 

[Director]

انا الحمدلله

جاتني 1400 دينار منحة وجاني واحد غالي وطلب يتسلف 3000 دينار

يعني راحت المنحة وفوقها مثلها



الفهلوي​

مشرفنا الغالي وتقول راحت المنحة انت اكثر
واحد استفدت

اجر حسنات فكيت ضيقة رفيجك
وبنفس الوقت سلف يعني ما طارت المنحة
لي الحين بمخباتك
بالعافية حبيبي

تعال 3000 !!!
لايكون يبي يشتري شي بالسوق
زين حق السيولة ..

 

[ياقوت]

المنحه ليلحين ما صرفتها موجوده بالبنك


​

 

[Director]

المنحه ليلحين ما صرفتها موجوده بالبنك


​

اخوي ياقوت ..
انا مو نسيت المنحة ألا نسيت
اني فاتح موضوع عن المنحة

وانت تقول ما صرفتها تبي تحرني انت

 

[ياقوت]

اسمحلي توني اقرى الموضوع عشان جذي معقبه متاخر


​

 

[ebjad]

تسألون اين صرفت المنحه ؟ ، ما يبيلها شئ صرفتها للتجار أخذوا منحتهم مع منحتنا .
انا سلمتها لهم ثاني يوم في شراء حاجات منزليه بقسمه عادله كل تاجر أخذ نصيبه مني ومنكم هههههههههههه لكن ما عليه ما دام انها تنشط السوق في هذا الشهر الفضيل فهي حلال عليهم الجيب واحد كلنا كويتيين .

 

[q8ia_edaria]

آخر الاخبار....

اي انا دفعتها للزكاة وزدت فوقها طبعا

 

[Director]

الخلاصة : 9 ماشركين , 8 مشاركين صرفوا المنحة وطاجت ببطن
التجار , مشارك واحد ما صرفها ..

يعني 85 % من الشعب الكويتي حط المنحة بمخبات التجار

 

[Director]

آخر الاخبار....

اي انا دفعتها للزكاة وزدت فوقها طبعا

انتي الوحيدة اللي عرفتي تستفيدين من المنحة
دام انها رايحة رايحة صرفتيها على شي فيه أجر ..

 

[متداول اسلامي]

انا مادري اذا نزلت لي المنحه ولا لاء
واحد مايدري شسالفه
شلون اعرف اذا انزلت بحسابي ولا لاء ؟ادق على البنك ؟
دقيت على بيت التمويل اخر 6 عمليات بس مو مبين من كثر عمليات السحب

 

[q8ia_edaria]

لاااااااااااااا

دق على 133 ودخل رقمك المدني راح ايبين...

انا مشتركة في بيت التمويل كل ماينزل شي بالحساب يدزون مسج... حلوة الخدمة