نصيحه ياشباب

[بوعبود]

ابى اشترى جيب ومحتار كل جيب فى عيوب بس مااعرف عيوبهم ومحتار بين جيب بورش وطوارق وانفنيتى ومورانو ولكزس .
محتار شنو احسن شى منهم. تكفون النصيحه ولكم الاجر.​

 

[hassan_abu3eed]

تبيه للكرف او للترزز ؟

 

[بوعبود]

تبيه للكرف او للترزز ؟

الواحد منا شيبى غير الكشخه والاستعمال ياخوى.​

 

[boali]

ابى اشترى جيب ومحتار كل جيب فى عيوب بس مااعرف عيوبهم ومحتار بين جيب بورش وطوارق وانفنيتى ومورانو ولكزس .
محتار شنو احسن شى منهم. تكفون النصيحه ولكم الاجر.​

انا أقولك انطر لاند كروز 2007

وانا وياك ناخذلنا اثنيين

واحد لك واحد لي

واذا ما لك خاطر فيه لانك ما ذاكرها بالموضوع

اخذلك كايين

 

[بوعبود]

هلا بو على

انا أقولك انطر لاند كروز 2007

وانا وياك ناخذلنا اثنيين

واحد لك واحد لي

واذا ما لك خاطر فيه لانك ما ذاكرها بالموضوع

اخذلك كايين

مشكور بو على دايما انت سباق فى النصيحه.
والله يابو على اللاند كروز مو داش خاطرى .
بس شمعنى ذكرتلى الكايين انت جربته.​

 

[سليمان]

ابى اشترى جيب ومحتار كل جيب فى عيوب بس مااعرف عيوبهم ومحتار بين جيب بورش وطوارق وانفنيتى ومورانو ولكزس .
محتار شنو احسن شى منهم. تكفون النصيحه ولكم الاجر.​

تبي الصراحة ... شوف اللي سعره بالسوق ماسك اشوية واختاره
الصراحة الواحد يبي السيارة اللي ما يخسر فيها وايد

 

[hassan_abu3eed]

1- بورش
2- لكزس
3- طوارق

هذول بالترتيب وبالسعر اللكزس والبورش مايطيحون

 

[boali]

مشكور بو على دايما انت سباق فى النصيحه.
والله يابو على اللاند كروز مو داش خاطرى .
بس شمعنى ذكرتلى الكايين انت جربته.​

بصراحه عند الاهل وحده عجيب

واذا تبي ارز منه

وروعه بالقيادة رنج روفر

 

[بوعبود]

ماقصرتوا ياشباب بس هم حيرتونى . انا ودى اللى مجرب يقولى كل موتر وعيوبه.

 

[stillhamad]

أذا كن تحب التميز ومعاك قرش ومحيرك شوف هذا

او هذا

وحط ببالك ان الرجال مخابر مو مناظر .. قول ماثور لابوي

والرجال بشخصيته مو بسيارته .. <-------- هم قول أخر مأثور لابوي

 

[بوعبود]

مشكور

أذا كن تحب التميز ومعاك قرش ومحيرك شوف هذا

او هذا

وحط ببالك ان الرجال مخابر مو مناظر .. قول ماثور لابوي

والرجال بشخصيته مو بسيارته .. <-------- هم قول أخر مأثور لابوي

الله يخليلك ابوك ويطول عمره كلامه كله صح فى صح.
بس ماعرفت شنو اخذ؟ ​

 

[بوعبود]

الظاهر الشباب نايمين الله يعطيهم العافيه

 

[البدر_15]

ابو عبود بالنسبة لي انا اعشق الجيوب ...

ومعي حاليا جيب لكزس 470

موتر رائع ووكالة رائعة بس هذا بالسعودية ولا ادري عندكم بالكويت كيف ؟؟


لكن الموتر رزه وكرف ......خذ موتر على الخط وعند المجمعات


بصراحة مافية مثل الياباني بالجيوب وخاصة صرفية البنزين لا تذكر ...

 

[فارس العنزي]

ابى اشترى جيب ومحتار كل جيب فى عيوب بس مااعرف عيوبهم ومحتار بين جيب بورش وطوارق وانفنيتى ومورانو ولكزس .
محتار شنو احسن شى منهم. تكفون النصيحه ولكم الاجر.​

أنا ما جربت ولا واحد فيهم ، بس إنت طلبت النصيحة إذا بتآخذه وكاله ترى اللكزس إحتمال يتغير شكله إسأل قبل لا تآخذ علشان ما تتحسف لو طلع شكله أحلى​

 

[bofattom]

انا مجرب الرنج والكايين . الكاين موتر حلو بس مصاريفه اكثر من الرنج .
حاليا الجيب رقم واحد بالسعر وبالمتانه وارخص مصاريف وقطع غيار واذا بتبيعه ماتخسر فيه وايد وشكله توه نازل (رنج روفر) سبورت عند واحد من الربع خطيير.
الكاين راحت عليه وبيتغير 2008 مايسوى تشتريه يديد حرام اما اذا تطور مستعمل فتوكل على الله بس المورانو ولاببيزه والانفنيتي ممكن تحه احتمالك الاخير والطوارق هم بيتغير 2008 مايسوى يديد والمستعمل اذا رخيص توكل على الله.

 

[bofattom]

نسيت اللكزس هم مايسوى واذا بتبيعه بتخسر فيه وايد لانه بيتغير اهو والاند2008 يعني ينزلونهم شهر 8 او 9 يعني بالكثير بعد سنه.