مطلوب جيب برادو

[وردة اليرموك]

مطلوب جيب برادو موديل 2003 او 2004المهم نظيف وبسعر حلو او سعر معقول وشكرا

 

[Moshaks_777]

مطلوب جيب برادو موديل 2003 او 2004المهم نظيف وبسعر حلو او سعر معقول وشكرا

موجود برادو موديل 2003 6 سلندر اللون ابيض ماشي 190000 كم بحاله ممتازه السعر 5800 دينار

 

[سهم استراتيجى]

عندى المطلوب

السلام عليكم

اخو البرادو موجود والمواصفات استلم عندك


1- 6سلندر

2- اللون ابيض صدفى (لؤلؤى)

3- مكيفين امامى وخلفى

4- خزانين للبانزين

5- كشافات

6- ثلاجه

7- مثبت سرعه

8- جناح

9- دعاميات استيل للحمايه امامى وخلفى

10- ماشى 45000 كم فقط

11- التكيف تش

12- كمبيوتر للمسافات وكم البانزين يوصلك ودرجة الحراره و و و

13- السياره فيها فتحه بالسقف

14- تلبيس للكشنات مخمل من الوكاله
يعنى موناقصه الا الجلد والجلد بالكويت مثل منت عارف مايصلح

السياره بحاله ممتازه يعنى سيارة اخو الموديل 2003 بحالة الوكاله

والبيع لك 6400 د ك نهائى

ت 9486256

 

[وردة اليرموك]

موجنه غالي

انا كنت عند مصطفى كرم قبل يومين لقيت واحد موديل 2004 بسعر 6600 ولا في خصم بعد اللون سلفر ماشي 32000الف كم ونظيف جدا وشرط الفحص بعد بالوكاله انت اخر كلام كم

 

[سهم استراتيجى]

ماعليه

اولا ياوردة ..........

هل المواصفات للى عند مصطفى كرم نفس اللى ذكرتها لك ؟؟؟؟

مااعتقد نهائيا يعنى سياره فيها فتحه واللى ذكرتها كلها مااعتقد تلقاها بهالسعر وزد انى اللى عندى فيه سى دى بعد نسيت لااذكره لك

والله يرزقك انشاالله بارخص لاكن نصيحة اخو سيارات الشركات اصلها للتاجير يعنى استعمال المؤجرين سىء جدا

فماانصحك تاخذ من سيارات الشركات لانك راح تاخذ سياره تعبانه او مستهلكه ..... دربالك

 

[وردة اليرموك]

ممكن السعر

ممكن السعر النهائي

 

[سهم استراتيجى]

ماعليه

الظاهر انى هونت عن البيع

سألت عن اسعار السيارات لقيتها ناااااار

وترى وانا اخوك الفرص تبى قرار مايحتاج اقولك واحنا بسوق الاسهم نشوف اشلون القرار للشراء والبيع مهم


واقتناص الفرص

يبى قرار

 

[al7bebe]

سهم استراتيجي كيف الحال

تاريخ اليوم يختلف عن تاريخ الايام السابقه وكل يوم جديد يعتبر نزول من قيمه الجيب.
هل السعر نزل او ان السعر مافيه ثابت.6600
اذا لك خاطر بالبيع انا اشتريت منك 5.250دك. ولاتنسى ان الموديل 2003م يعني الحين دخلنا على 2007 وطاف عليه 4 سنوات.

 

[وردة اليرموك]

ازيد اشوي 5400

اوكي السعر صدقني الموديل طاف عليه 4 سنوات

 

[سهم استراتيجى]

هم ماعليه

بسميكم شلة (صدقنى )

برد عليكم بنفس الطريقه يعنى طريقة ( هم صدقنى )

اولا اتفق وياكم يا (صدقنى ) ان طاف على الموديل 3 او انزودهم سنه حسب كلامكم

انزين فى احد او انا ذكرت ان السعر اللى طلبته (6400) اهو سعر السياره يوم اطلعت من الوكاله على شان اتقول انت وياه طاف عليها اسنين

يابابا السياره بالوكاله سعر ها يوم شريتها 9800 دك ؟؟؟؟؟

وانا ماطلبت هالسعر يعنى حسبت السنوات

وبعدين حسب علمى انا الموديل الجديد 2006 مايجى فيه ثلاجه بس ب2003


عسى بس الرد يكون :d

 

[وردة اليرموك]

بسميكم شلة (صدقنى )

برد عليكم بنفس الطريقه يعنى طريقة ( هم صدقنى )

اولا اتفق وياكم يا (صدقنى ) ان طاف على الموديل 3 او انزودهم سنه حسب كلامكم

انزين فى احد او انا ذكرت ان السعر اللى طلبته (6400) اهو سعر السياره يوم اطلعت من الوكاله على شان اتقول انت وياه طاف عليها اسنين

يابابا السياره بالوكاله سعر ها يوم شريتها 9800 دك ؟؟؟؟؟

وانا ماطلبت هالسعر يعنى حسبت السنوات

وبعدين حسب علمى انا الموديل الجديد 2006 مايجى فيه ثلاجه بس ب2003


عسى بس الرد يكون :d

الصراحه ضحكتني حيل والسوق نازل وضايق خلقي على العموم الثلاجه مو جوده بالبيت وشنو المسافات اللي عندتا بالكويت ابعد شي 100 كم يعني مو مهمه والشي الثاني برادوا محد ياخذه جديد الا شركات التاجير والسعر 9800 والله ما اخذ لو شنو يصير ازيده واخذ لاند كروزر صدقني انا تحسفت لما زت السعر اشويهيبا الله يوفق اللي سامه قبلي وهذا وجهي اذا خذاه منك بالسعر اللي قاله والله يوفق الجميع يا برادوا ابوثلاجه انا ابي اسميك (ابو ثلاجه) اخخخخخخخخ

 

[سهم استراتيجى]

ماعليه

واعيد واقول ترانى هونت عن البيع وذكرت هذا بالردود السابقه

 

[بوعزيز]

اشويهيبا الله يوفق اللي سامه قبلي وهذا وجهي اذا خذاه منك بالسعر اللي قاله والله يوفق الجميع يا برادوا ابوثلاجه انا ابي اسميك (ابو ثلاجه) اخخخخخخخخ

يبيلج كورس لغة عربية

وحدة بوحدة
تصيدين علي وأصيد عليج

 

[وردة اليرموك]

السلام عليكم ورحمة الله وبركاته

كلك عدل يابو عزيز

 

[وردة اليرموك]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

بو عزيز اسم عراقي لا ومن ابو الخصيب بعد يعني اشوية اتميرات اهههههههههههههههههههه

 

[بوعزيز]

بو عزيز اسم عراقي لا ومن ابو الخصيب بعد يعني اشوية اتميرات اهههههههههههههههههههه

هذي أعتبرها سب وقذف ولا شنو .....

عموما إذا إنتي صج باليرموك شوفي المسجد إلي مقابل الجمعية هذا مسجد عمي الله يرحمة...

وترى عيب التهجم على الألقاب وهذي أعتبرها شخصنة .....

 

[وردة اليرموك]

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’’’

مافي مسجد مقابل الجمعيه مسجد جدي اللي يم الجمعيه اهههههههههههههههههههههههههههههههه