الاهلي و اسمنت تبوك ... ماشفت اغث منهم
اخوي النجدي
مادام وقع الفاس في الراس .... يقولون اذا وقعت يافصيح لا تصيح
تدري وشصار لي اليوم مع الاخوة في الله الاهلي ...
حطيت اوامر بيع و اوامر شراء من الساعة وحدة و نصف بعد الظهر .. في هالقوايل الله يعافينا من الشر.
بعد ما فتح السوق القى طلباتي مكتوب عندها " تم تسجيل الطلب " طيب اباعدل اباحذف مافيه .. اتصلت عليهم مرتين جاني واحد يتفلسف علي يقول المشكلة من تداول و الهيئة و مؤسسة النقد و الحاسب عندهم.
قلت له اسمع اللي قاعد يكلمك مدير عام في المالية و اعرف الانظمة في المؤسسة و الهيئة اضافة الى اني ماجستير حاسب باختصار قلي و شمشكلتكم ... قال بصراحة عدم تطابق انظمتنا مع انظمة تداول.
قلت له خسرتوني اكثر من 100000 ريال اليوم من المسؤول عنها.
رد بآسف ياأستاذ / ابوعبدالله
هذا الاهلي اللي رايح تشترك معاه الله يهديك
عموما اجابة لسؤالك يبغى لك جهاز ثاني تركب عليه مباشر برو علشان تشوف تشارت الدقايق مثل حكايتي و الله يعينك.
وبدل ماتصير مشكلتك مع الاهلي بلحاله بتصير مشكلتك مع الاهلي و الاتصالات و مباشر و مزود الخدمة.
ما أقول الا الله يعظم اجر المتعاملين مع الاسهم.
تحياتي للجميع
