هل يسمح للخليجي التداول بالسعودية

[الفايدة للجميع]

أرجو الرد على بوضوح اذا تكرمتوا :

هل يسمح للخليجيين التداول في بورصة السعودية .... اذا كان الجواب بنعم

كيف أفتح محفظة وما هي الأوراق المطلوبة لفتح المحفظة ... وهل تكفي 50 ألف ريال سعودي تكفي لفتح محفظة

وما هو أفضل بنك للتداول الأسهم ... أنا سمعت ان افضل بنك الفرنسي وبنك الجزيرة

ارجو الرد الوافي ولكم جزيل الشكر

 

[tma215]

أرجو الرد على بوضوح اذا تكرمتوا :

هل يسمح للخليجيين التداول في بورصة السعودية .... اذا كان الجواب بنعم

كيف أفتح محفظة وما هي الأوراق المطلوبة لفتح المحفظة ... وهل تكفي 50 ألف ريال سعودي تكفي لفتح محفظة

وما هو أفضل بنك للتداول الأسهم ... أنا سمعت ان افضل بنك الفرنسي وبنك الجزيرة

ارجو الرد الوافي ولكم جزيل الشكر

نعم يسمح للخليجي بالتداول والخليجي يعامل معاملة سعودي وش دعوة ياحافظ احنا اخوان وزود

لتفتح حساب لايشترط اي مبلغ لكن اذا انت حاب تتداول عن طريق النت فلازم يكون لديك 30 الف وفوق

 

[well off to be]

نعم تقدر و لكن !!!

نعم اخوي , تقدر و لكن كل بنك لة شروطة الخاصة فية , انا فتحت في سامبا , لازم تفتح حساب , باي مبلغ , ثم تفتح محفظة تداول , الشرط المهم هو انك ما تستطيع تتداول الا لما يكون في حسابك 51100 ريال , و اول عملية لازم تسويها عندهم !! او تعرف احد في البنك يمشي لك الشغل ,يعني الشغلة فيها روحة و جية شوي , بالنسبة لي انا قريب من الخبر , رايح و راد , عاد الله يعينك اذا انتا في عمان ,

تحياتي لك و اتمنى اني اكون فدتك اخوي , و الفائدة للجميع ,
و نصيحة شوف لك احد مسوي ها الشغلة من قبل او واسطة في نفس البنك , ترى انا ما خلصت الا طالعة روحي , "من جد اكلمك" و في شي ثاني , في سامبا لازم يكون معاشك 5000 ريال او اكثر علشان تقدر تفتح عندهم حساب من الاساس .

استفيد من الاخوان اهني ما يقصرون ترى ,

تحياتي لك ,

بو جاسم

 

[الفايدة للجميع]

الأخ tma215 والاخ well off to be أبو جاسم

أشكركما على الردود وجزاكم الله ألف خير

أنا من الكويت الخفجي قريبة.... اذا أحد عنده معلومات أخرى ارجو الافادة عن اي بنك سهل التعامل مع العملاء وسهل التداول ولكم جزيل الشكر
بصراحة أنا سألت عن أفضل البنوك يقولون البنك السعودي الفرنسي والبنك الأهلي بس الأهلي أقل محفضه 500 ألف ريال سعودي والله أعلم

 

[الفايدة للجميع]

عفوا أقصد بنك الجزيره أقل محفظة 500 ألف ريال سعودي

 

[مستشير]

طيب ما هي شروط بنك الراجحي يا اخوان ؟

 

[الفايدة للجميع]

على حسب علمي أن أسوء بنك الراجحي بالتداول الألكتروني