صراع قوي في هذا السهم لدرجة الجنون

[خالد العجلان]

السهم مضاربه جشع ولا يعطي للسهم اي نفس بعد ما طلعة نسبه الظاهر انه تحسف واراد يكفر عن فعلته ينفذ الان قريب من سعر الانهيار اي طلب مستعد يلبيه

وش دبرته

اقل سعر وصل له 81,5

اقل اغلاق 87,25

اغلاق اليوم 90,25

يا ليت اشوف تحليلكم واراءكم عن سهم البلاد, الفزعة

مجنني

 

[ابوغلا]

استاذ خالد
السهم يواجه ترند نازل
نقطة دعم قويه 89 لوكسرها 85
اعتبر السهم فرصه في حالة الثبات فوق هالنقطتين مع كسر الترند
تحياتي

 

[العطاوي]

اغث سهم شفته بحياتي

وربي الكهرب اهون منه بكثير

وصدقت

شكله يبكي طول الليل

يوم شافه ارتفع 8%

وهذا هو يكفر عن ذنوبه

طلعت منه اليوم بخساره اكثر من 15%

غير كذا جمد فلوسي فتره

ودخلت اليومين الي راحت الشرقيه الزراعيه وعوضتني خير عن هـ الحسود


على العموم مثل ماذكر استاذي ابو غلا

السهم في القاع وماراح تشوف هـ السعر مره ثانيه

بس متى يوصل لاهدافه هنا الكلام
سنه سنيتن ولا تدري عشر

 

[خالد العجلان]

ياخوان

كسر كل المتوسطات وينفذ تحتها ما بقى الا ينفذ تحت الشارت نفسه ,

كسر كل الاتجاهات هذا اذا كان له وجهه او يعرف اتجاه

لا يعرف دعم ولا مقاومة كنه راعي اسمنت القصيم يوم بغى السوق ينهار يوم دبل

شكل لو ناخذ منه عينه ونرسله لداو صاحب اساس التحليل الفني كان يلغي نظرياته ويروح يبيع فجل احسن له

حسبي الله عليه , مجنني

خذو لكم صورة معاه

 

[العطاوي]

بكره هدفه 95 ان شاء

وده يقفل الفجوه

يسمع ان المضاربه لازم يقفل الفجوه عشان ينزل زود

هو اصلن يبي زود نزول

وش وراه

السوق بوادي

وهو بوادي ثاني


خالد وربي تقطع بطني ضحك من موضوعك هذا وكلامك

عطه تكفى يمكن يحس شوي

علمه عن القابات

وعن الدعم والمقاومه

تراه مايدري وش الطبخه

 

[خالد العجلان]

اردت من طرح هذا التحليل ان المشكله بنا نحن وليس بتحليلنا

كلمة اعجبتني كثيرا احب ارددها

كثيرون يعريفون كيف يحللون وقليلون يعرفون كيف يطبقونه

وقف الخسارة لمن اشترى في سهم البلاد كان 101,5

فلماذا المكابرة

درس للذكرى

اي سهم تشتريه حدد وقف خسارتة قبل هدف بيعه بمكسب

ابو غلا والعطاوي شكرا لكم من القلب

 

[hamoody]

بكره هدفه 95 ان شاء

وده يقفل الفجوه

يسمع ان المضاربه لازم يقفل الفجوه عشان ينزل زود

هو اصلن يبي زود نزول

وش وراه

السوق بوادي

وهو بوادي ثاني


خالد وربي تقطع بطني ضحك من موضوعك هذا وكلامك

عطه تكفى يمكن يحس شوي

علمه عن القابات

وعن الدعم والمقاومه

تراه مايدري وش الطبخه

 

[المتابع]

يا أخوان لا تتعبوا انفسكم بالتحليل و التشارتات و القمم و القيعان لهذا السهم بالعربي ما فيه عبايه.
اقترح يتقلونه للزراعيات :d