الفزعه ياخوان

[راعي العوده]

اعزائي اعضا المنتدى
صارلي كم يوم احاول اضافة شارت الذهب الى الميتا تريدر بس بدون فايده(
علماً ان البرنامج الي عندي
metatrader4
حاولت كل المحاولات بس بدون فايده واذا اخترت رموز ماحصل عندي الا العملات فقط
والسيرفر الي يختاره البرنامج

InterbankFX-Demo Accounts - Interbank FX, LLC

ارجو المساعده ولكم جزيل الشكر

 

[RAKAN tm]

اخوي امش معاي بالخطوات لو سمحت
1-بالبداية شوف الجدول اللي طالع فيه اسماء العملات والازواج
2- اعمل كلك باليسار علي اي عملة
3- اعمل كلك باليمين بالماوس راح تطلع لك خيارات
4- اختار الخيار اللي مكتوب (شو اوول) show all
5-راح تطلع جميع العملات والمعادن والشركات ابحث عن كلمة gold
6- لما تلقي كلمة (ذهب) اعمل عليها كلك ومن ثم كلك باليمين واختار كلمة (نيو شارت) new chart
7-لما يطلع عندك شارت الذهب ارجع علي نفس الجدول واختار كلمة (هايد اوول) hide all
وشكرا

 

[FreeTrader]

طيب سؤال بايخ شوي
اذا كانت لصفحه اساسا مافيها العملات شلون احطهم ؟
انا فاكر انهم موجودين اول مانزلت البرنامج وبعدها لغيتهم اعتقد ولاني عارف ارجعهم
مثل الي بالصوره بدون جدول بس شارت عندي

 

[راعي العوده]

اخوي راكان يعطيك العافيه

اخوي راكان يعطيك العافيه والف شكر على مرورك والفزعه ماتستغرب عليك انت راع الفزعه
بس طال عمرك سويت كل الي قلته بس ماطلع عندي الا العملات فقط وما طلع عندي الذهب هل تعتقد ان المشكله من السيرفر الي مستخدمه البرنامج ما يجيب اسعار الذهب او هناك مشكله اخرى
وتحمل اخوك والله يكون بعونك

 

[RAKAN tm]

اسف اخوي اذا طولت عليك بالرد بس انا بصراحه عايف هالسوق كله وفي مرحلة انطواء وتأمل
عموما اخوي دام سويت كل الخطوات وما انفعت معاك فانصحك اتشيل البرنامج وترجع اتنزله ثاني مره مع الانتباه لما اتنزله راح يطلب منك اب ديت فياليت اتسويه وعقب راح اتشوف جميع العملات والمعادن والشركات
واذا ما لقيت شارت الذهب يا ليت اتبلغني
تقبل تحياتي

 

[راعي العوده]

اخي العزيز راكان

اخوي العزيز راكان ادري اني تعبتك معاي
بس انا حملت البرنامج اكثر من مره ومافيه فايده بس حصلت اني اول مافتح البرنامج ويطلب تكوين يوزر اذا الغيت الخطوه هذي ودخلت بدون اتصال في البرنامج احصل الذهب مع اسعار العملات بس اذا رجعت وعملت يوزر علشان يتصل تضيع كل الاسعار ولايبقى الا سعر العملات ودايما يختارلي نفس السيرفر الي ذكرته فوق وتقبل تحياتي

 

[RAKAN tm]

اخوي اخاف اكون مقصر معاك ولا اتاخر عليك وانت شكلك مستعجل
تفضل هذا ايميلي خل امشي معاك خطوة خطوة وان شاء الله نلقي لها حل
fx_q8@yahoo.com

 

[RAKAN tm]

طيب سؤال بايخ شوي
اذا كانت لصفحه اساسا مافيها العملات شلون احطهم ؟
انا فاكر انهم موجودين اول مانزلت البرنامج وبعدها لغيتهم اعتقد ولاني عارف ارجعهم
مثل الي بالصوره بدون جدول بس شارت عندي

ماني مستوعب انك ما اتعرف ههههههه قوية اشوي بصراحه

 

[FreeTrader]

ماني مستوعب انك ما اتعرف ههههههه قوية اشوي بصراحه

ههههه انا مالي خلق اتعب واهتمامي بالعملات اقل من الاسهم

بس جبتها وانا خوك وعرفت