وقت تدوال مصرف الريان من الساعة 7:30

[well off to be]

"تاريخ 19/6/2006 يوم إدراج أسهم مصرف الريان ، ستبدأ فترة ما قبل الافتتاح للمصرف فقط الساعة السابعة صباحا ، بينما سيبدأ التداول الفعلي على أسهم المصرف بين الساعة السابعة والنصف والساعة الثامنة. ولن يظهر على شاشة الأسعـار في الموقـع أن وضـع السـوق مفتوح إلا بعد بدء التداول على أسهم باقي الشركات بين الساعة الثامنة وخمس وأربعين دقيقة والساعة التاسعة صباحا. "

المصدر سوق الدوحة http://www2.dsm.com.qa/dsm/


و بالتوفيق للجميع

 

[miamibh]

"تاريخ 19/6/2006 يوم إدراج أسهم مصرف الريان ،

مشكور اخوي على التذكير والله اني ناسي،،

انا املك اسهم بأسماء غير ،وودي اني ابيع ومن ثم اشتري مره ثانيه على اساس اخليهم فترة (للاستثمار) ويكونون بأسمي ،شرايكم هل اول يوم للتداول ابيع يكون انسب وقت ؟
ومن ثم ننتظر لما شوي ينزل السعر ونشتري مره ثانيه؟


تحياتي واحترامي للجميع،،


بوفهــــد

 

[well off to be]

الريان و ما اادراك ما الريان !!

صباح الخير اخوي ,

طبعا اول يوم , الصبح بيكون السعر كلش حلو , يعني الحين السعر 17 , كان قبل لحظات 16 و جذي , اتنمى لك التوفيق , و ان شاء الله استثمار مثمر , انا شخصيا , اقول لك اذا عندك مبلغ حلو , خلة في الريان , لنة اسعار البنوك عندهم كلش حلوة , يعني ادق بنك عندهم الاهلي 78 اعتقد , بينما باقي البنوك كلها في ال 100 ريال , في فوق 150 ريال , بالتوفيق للجميع ,

اذا قدرت تشتري الريان على 20 , حلو السعر ترى , على فكرة , بنك الريان راح يبدى العمل على نهاية السنة ان شاء الله , اهنى راح السعر يقفز شوي و الله اعلم ,


بالتوفيق للجميع

على ما خلصت الكتابة الحين , زايد ريال السعر 18

على فكرة تقدر تتابع الكمية و العرض و الطلب و السعر على سايت المجموعة www.thegroup.com.qa , و كليك على بث اسعار الاسهم , و الريان بروحة يغرد

بالتوفيق اخوي و شكرا لك على خدماتك , و اتمنى التوفيق للجميع ان شاء الله ,

اخوكم
WeLL oF tO bE

 

[miamibh]

تسلم اخوي WeLL oF tO bE

انا متابع الشاشه من الصبح

والسعر حلو وصل 20 إنشالله فوق بعد،،

 

[well off to be]

بدا الان تداول الريان على 18 ريال....

بدا الان تدوال الريان على 18 ريال و بكميات كبيرة ,

و حاليا السعر 20
بالتوفيق للجميع

 

[well off to be]

بالتوفيق ان شاء الله

ما شاء الله , قاعد من الصبح ها, نفسي , نحدق حق الريان , ان شاء الله بس مو شارد من الدوام بعد نفسي

 

[miamibh]

ههههههههههه

لا انا في اجازه سنويه

ولايفوتك صباحي بعد

 

[pilot35]

السلام عليكم

شلون اعرف الكميات اللى تمت على الريان انا على الصفحه مالت السوق بس مايطلع عندي الكميه المعروضه او الكميات اللى تم بيعها

 

[well off to be]

احلى من الاجازة مافي , و الاحلى "لين صارت صباحي" عليك بالعافية , enjoy it

اخ pilot35 , روح على سايت المجموعة www.thegroup.com.qa , و كليك على بث الاسعار , و بتشوف كل شي امامك ان شاء الله .

 

[miamibh]

يعافيك يا الغالي،، عقبالك إنشالله بإجازة حلوة صباحية:d


وإنشالله سهمنا ذي يسكر اليوم فوق الـ30 يكون واايد حلو

 

[well off to be]

تسلم يا بو فهد ,

اعتقد ان السهم ما راح يوصل لل 30 !!! اتمنى اكون غلطان , الناس كانت متوقعه شي كبير من هذا السهم !!!

اعتقد انه راح اشتري فية بدل ما ابيع , لنة سعرة مغري حق استثمار يعني على ال long run ..

 

[miamibh]

بهذا السعر الشراء افضل قرار.

المضاربين والجماعه ماقصرو نزلوه عدل ،بس يمكن نشوف بالايام اليايه نزول شوي اكثر ومن بعده بيكون ارتداد جيد إنشالله.

 

[هامورالدمام]

الحمد لله اني حددت السعر والا كان طارت.
ومادام هذي اسعاره

راح اشتري فيه اذا وصل 13 ريال ان شاء الله.

الان واصل 17 ريال ومو بعيد 13

وعلى هالسايد اسرع واحسن:
http://www.qatardsm.com/table/