اللي يعرف في------------------------

[دار @]

السلام عليكم -------- ياجماعة اللي عنده خبره بالتيلفونات النقالة يقولي

عيالي دوخوني يبون تلفونات جديدة بمناسبة تفوقهم بالدراسة -- وطالبين نوكيا 70 ونوكيا 90 وانا ما عندي خبرة بهالسوالف وسالت عنهم رفيجاتي بالدوام قالوا لى انهم يعلقون وايد وانا الحين محتارة لانهم مصرين على التلفونات وانا وعدتهم اذا جابوا امتياز احقق لهم اللى يبون والحين انا محتارة اي تلفون اشتري -----
ياليت اللى يعرف اي تلفون احس يرد علي لاني دخت من حنتهم طول الوقت
واسفة لاني طولت عليكم

 

[abu fahad]

nokia n70​

اسئل مجرب ولا تسئل طبيب​

 

[ولد ابوه]

وفي بوعدج لهم واشتري لهم nokia n70 صحيح انه يعلق بس الحين
مع البرمجه الجديده (الاصدار الثالث) انحلت مشكلة التعليق
بعدين التعليقه هاذي نادره تصير بالتليفون مو علي طول
اما nokia n90 بصراحه ماحبه وحتى طاح سوقه بسبب كبر حجمه الزايد

ويستاهلون العيال دام حصلو علي الامتياز ولازم تشجعينهم تشجيع معنوي ومادي عشان يواصلون دراستهم بتفوق

الله يخليهم لج ان شاءلله

 

[bo_walid]

والله أنا أقول لا هذا وله هذا تخربينهم على صغر ماتدرين باجر شلون يستخدمونه كافي مشكلة البلوتوث
بعدين لا تعلمينهم على اذا يبت امتياز وتاخذ مقابله شي حاولي انج تحببيهم بالامتياز

 

[Moshaks_777]

الصراحه ماكو على نوكيا N80 حده عجيب فيه ويرلس وكامرته Megapixl 3 وصوت نغمته ستيريو وفيه راديو ومميزات وايد زينه وسعره بالشركه 250 دينار بس يستاهل