لا ادش عشان لا اتخسر و اتحوشك حاله نفسيه و يمكن اطلق اذا متزوج بسبب الاحباطات ... و طبعا اذا كنت موظف راح اطنش دوامك ... و بما ان السوق دايم نازل و صاعد راح اتكون نفسيتك و مزاجك الشخصى دايم متغير سواء السوق زين او تعبان ... دايم اتفكر
اخي الكريم .... انا انصحك تسوي مثلي اول ما دشيت دشيت علي الكيبلات سهم محترم وثقيل دشيت مستثمر .... وكنت اتابع السوق لغاية ما قمت اتدوال عادي ..... في البداية دش مستثمر وراقب السوق ودش دورات والله يوفقك ويوفقنا
أنصحك بشراء سهم بيت التمويل( بيتك ) أو بيت التمويل الخليجي( تمويل خليج ) والله يوفقك
ويفضل دخول دورات عن البورصة في التحليل الأساسي أولا ومن ثم التحليل الفني و التحليل المالي
حيث يوجد كثير من المعاهد المختصة في هذه الدورات
وإذا تبي إسم أحد هذه المعاهد أنا حاضر
أخونا العزيز برقان. أنا مستثمر بالسوق من تقريباً خمس سنين (بس يديد على هالنتدى الطيب)، وللحين كل يوم أتعلم شغلة يديدة. ماكو أحد يعرف كل شي عن السوق. أكو ناس أكثر خبرة وأكو ناس أقل خبرة. ترى سوقنا صاير مثل البحر، ماله أمان، وأحياناً كثيرة الجزر أكثر من المد. بس من يمد، يمد ويعطي بعون الله.
خذلك دورة ترى توفر عليك وايد. وقبل لتدش السوق أنصحك نصيحة وحدة: حدد أهدافك
- بتكون مستثمر conservative: يعني تشتري سهم سهمين ثلاثة (على قد روبياتك) وتنطر يرتفع السهم بعد كم شهر أو سنة، وتستفيد من زيادة السعر + توزيعات أرباح نقدية أو منحة.
- مضارب aggressive: تجني أرباحك أول بأول. تشتريلك سهم سهمين وتبيع على تكة أو تكتين فوق (تسويلك 100 أو 200 دينار بالمعدل). وترد تشتري السهم من ينزل تكة أو تكتين، أو تروحلك سهم ثاني.
أخوك مخللي 50% أسهم إستثمارية و50% للمضاربة الأسبوعية. وماقول اليومية لأنه من تبيع يبيلك جم يوم على ما تدش الفلوس محفظتك حتى تقدر تشتر مرة ثانية.
هذا رأيي الشخصي وسامحوني إذا أخطأت والله يرزقنا ويرزقكم.