شركة المستثمر الدولي ش.م.ك.م ( مستثمر د )

[مضـــارب]

15 % نقدي كنت متوقع ما في منحه على شان دلة البركه وكميتها

بس التوزيعه ممتازه والسهم ممتاز للمستثمر

وان شاء الله نخلص من دلة البركه ونشوف الاسعار

بصراحه ملينا واحنا ننتظر الخلاص من دلة البركة وتاليته معاهم ولي متى بتم الوضع على ما هو عليه

 

[أبو فلسين]

الله يصبرنا على كل بارد وكل سهم دمه ثقيل
15 نقدى اشوفها مراح تحرك السهم مناسبه لسعر السهم بس هل الشركة راح تعلن عن صفقة بيت المال او تبى تماطل كل المعتاد الكل عارف انه المستثمر عنده صفقه فى بيت المال واتمنى انه يعلنها عن قريب ولا يطول علينا ويقعد يلم بسهم

 

[slack]

السهم ربحان 30 يوزع 15 نقدي مصيبه هذي انزين ال 15 الباجي وين راحت ؟
و اسهم مثل مجمهوعة الاوراق ربحان 17 بوزع 20 نقدي
المشكلة الاكبر انها شركة اسلاميه , مو ذابحهم الا الحسد بملكية دلة البركة الله لا يبارك فيهم .
ماقول الا الله كريم

 

[بوعبدالهادي]

السوق اخضر مشعلل والسهم دايخ

السوق ينزل .. .. والسهم يبط

مو ذابحني قهر إلا سهم ربحان وربحيته زينه وتوزيعته نقدي ثاني يوم حد ادنى (مثل صاحبنا المستثمر)

واشوف اسهم خسارتها جايدة وثاني يوم صاعد او معلق فوق

ودي افهم ليش اسهم ربحانه يقابلها نزول حاد، واسهم خسرانه يقابلها صعود .. وكل ما كانت الخسارة جايده كان الصعود قوي

الله كريم, وانعوض خسايرنا

تحياتي للجميع

 

[مضـــارب]

تراجع السهم اليوم هو بسبب 0 منحه

 

[شبروح]

لابارك الله بالربح الى يجى من ورا هالسهم الحقير هذا

 

[Aghyad78]

أ نا عن نفسي طلعت من هالسهم الغثيث امس.. Once and for all

الله يعين ملاكه ..

الله المستعان..

 

[الزايرالفيلكاوي]

شباب الله يرضى عليكم ابي افهم شغله
شلون السهم نازل 13- فلس
مع ان الافتتاح 250 وسكر على 242 فلس

شلوووووووووووووووون ؟؟؟

.​

 

[أبو فلسين]

لانه خلاص من يكسر 250 يصير حده الادنى 10 فلس نزول اخذ 5 من الربع واخذ 8 من تحت الربع من باجر بيكون حده الادنى 10 فقط بس انشاء الله ما يسويها ويرتفع السهم المهم الشيخ صالح مراح يرضى على وضع السهم لانه يملك فيه 19 بالميه ممكن يدخل على السهم وعدل وضع عدنان البحر

 

[Master-Leo]

اخونا الزاير القياس يكون على سعر الاساس يعني سعر

اليوم السابق كان 255 وليس 250 من جذي نزل -13 فلس

انا لي تعليق على السهم اسمحولي :

ترى توزيعه 15 فلس من أصل ربحية السهم 30 فلس زينه يعني نسبة التوزيع 50% من ربحية السهم

قيس عليها باقي الشركات تعال شوف الرابطه أو جراند أو المجموعه الدولية وقارن التوزيع !

عيب المستثمر ان غثيث وسبه صناع السوق وملاك السهم مايندرى في

بينهم خلافات ويبون يمللون بعض بالسهم عشان واحد منهم يطلع !؟

لأن موجات الصعود للمستثمر تنعد على الأصابع طول السنه ويمكن كانت

تحدث بسبب دخول مجاميع للمضاربه فقط الله اعلم !! وبالتوفيق الله يعوض على الجميع

 

[أبو فلسين]

كلامك ذهب اخوى الكنج قتنعت قناعه تامه بتعليقك وعيب اسهم مثل ماذكرت انت بس كمية الشراء ضئيله جداا يعنى مافى احد من ملاك السهم يشترى مثلالا ؟؟

 

[المعوشرجي79]

انته ما صدقت يا سيد ...!!!


هذا المستثمر د وهذي خلاجينه قلنا لكم يا جماعة مصيبة هالسهم خمة اقصد دلة البركة الي صارت نفس الفايروس للمستثمر د او الشماعة الي حالت دون صعود السهم ونزلوه قاصدين على شان يبيع حصته بادنى الاسعار الله يعين الملاك

 

[NewYork Broker]

السهم كسر دعم قوي على248 و هذا شي مايبشر بالخير صراحة، الدعم الياي على 232.
عموما انا اتوقع السهم ما راح ينزل وايد و راح يعدل من سعره الأسبوع الياي و يرد على المسلسل القديم 250-255 خصوصا ان الحركة عليه ثقيلة بالصعدة و النزلة

 

[Master-Leo]

السلام عليكم

كلامك اخوي المعوشرجي شكله هو الأقرب للواقع ويأيد وجهة نظري

بخصوص الخلافات بين الملاك ومحاوله كل منهم إخراج الآخر وهذي

مصيبة هالسهم يعني لن يشهد صعود ملحوظ الا على مزاجهم

أو دخول ذئب جديد ينتشل السهم من اللي اهو فيه

الله يعين صغار المستثمرين فيه هم الخاسر الأكبر بهالنزول .

 

[أبو فلسين]

ان شاء الله يدخل الذئب وينشلهم واهم يتفرجون واذا اهم يبون مصلحة السهم لازم يعلنون وبشكل رسمي عن صفقة بيت المال وهذا المفروض يتم اليوم ولا يوم السبت وبشكل رسمي ؟

 

[عادل94]

ان شاء الله يدخل الذئب وينشلهم واهم يتفرجون واذا اهم يبون مصلحة السهم لازم يعلنون وبشكل رسمي عن صفقة بيت المال وهذا المفروض يتم اليوم ولا يوم السبت وبشكل رسمي ؟

السلام عليكم
راح يخلينى المستثمر نطلع صج بفلسين
* وصدقني المستثمر ملاكة مايبونة يصعد موعلى شان لا دلة البركة ولابطيخ واذا صج يبون يخلصون منها ليش مايشترون نصيب الدلة ويفتكون مثل الاستحواذات الى نشوفها خل مافية ارباح هذي السنة لاكن يفتكون .
بس هم يبونة مسمار جحا

* بعدين اسهم ربحان 30 يوزع 15 ليش عندة مشاريع كبيرة ومحتاج راس مال ماشي المفروض يوزع اسهم على شان يرتفع راس مالها وتتوسع اكثر مثل الهواتف
لاكن المشكلة بالمستثمر ان ادارتة سيئة جدا جدا بسبب ( اخر شركة تعلن عن الارباح او توزيعها وبخيله حتى بالاخبار الزينة حتى لو صج بيت المال ماراح يعلنون الى بعد اتمام الصفقة على شان مايصعد السهم)
بس المفروض يوقف لهم شخص بالجمعية العمومية ويبين اخطائهم للناس
بس عمك اصمخ وكل واحد يقول يامعود من له خلق ( نتشكى بلمنتدى احسن)
( ماضاع حق وراه مطالب)
ودمتم

 

[slack]

مادري شلون يحللون لقمتهم , 6 مليون دينار يعادلون 15 فلس من الارباح راحت ,
ماقول الا الله يفكم من دعاوي الناس .

 

[أبو فلسين]

ماكو مشاكل انكون ايد وحده ونحضر للجمعيه العموميه ونوقفهم عند حدهم احسن من التفرج على السهم الثقيل لازم نطلب يزيدون معدل السرعه بصعود مع السوق ؟

 

[fullmoon_q8]

متى تنعقد الجمعية العمومية للشركة ؟

 

[أبو فلسين]

توهم ما حددو نعقاد الجمعيه اهم زين اعلنوا الربحيه وبعدها اعلنوا التوزيعه
شكلهم مطوليين على انعقاد الجمعيه