طريقة عمل تواكيل اسهم بنك الريان

[سليمان الضيف]

بسم الله الرحمن الرحيم ...

مساكم الله بالخير . حبيت اعطي طريقه سهله للناس المكتتبين بأسهم بنك الريان واللي يجدون صعوبه بعمل التوكيل او بمعنى ثاني (مستصعبينها)

الطريقه :
1. اجمع صور الجوازات التي تم الأكتتاب بها .
2. توجه إلى مجمع الوزارات اللي بالديره وروح حق وزارة العدل قسم التوكيلات .
3. اخذ رقم .
4. اذا وصل دورك اعرف رقم الكاونتر اللي انت عنده وقول للموظف او الموظفه انك بتسوي تواكيل لبنك الريان بدون تاريخ
5. لما تخلص اتصل على الناس اللي انت مكتتب لهم وقول لهم يتوجهون لنفس المكان اللي كنت فيه وعطهم رقم كاونتر الموظف او الموظفه مصطحبين معاهم البطاقه المدنيه الأصليه او الجواز .
6. لما تخلص ويتم توقيع الجميع اخذ التوكيل وروح فيه السفاره القطريه عشان التصديق .

ملاحظـــــــــــــه / التوقيع يتم خلال اسبوعين من بدأ المعامله ( يعني عندهم اسبوعين يقدرون يوقعون بأي وقت يعجبهم ) .


والسلام مسك الختام .

 

[AYAM ZAMAN]

يعني التوقيع يكون خلال هالاسيوعين او تاخذ المعامله مدة اسبوعين

ارجو الرد

 

[سليمان الضيف]

السلام عليكم ...

التوقيع يكون خلال هالاسيوعين . والمعامله تاخذ يوم واحد او يومين اذا كان زحمه على الطباعه.

اخوك بومحمد

 

[FLOOD]

السلام عبكم


كم عدد الاشخاصيل الى ممكن ضمهم فى توك واحد ؟؟

 

[ams]

يا جماعه لا توكيل ينفع ولا شي البيع داخل الكويت واذا رحت قطر يردونك

 

[PAC_3]

يا جماعه لا توكيل ينفع ولا شي البيع داخل الكويت واذا رحت قطر يردونك

انت متأكد ان راح يردونك؟؟ و شنو الحل؟؟

 

[alhilam]

انت متأكد ان راح يردونك؟؟ و شنو الحل؟؟

السلام
ما يردون احد اللي يبي يروح يفتح حساب باي شركة وساطة في قطر ويحط امر البيع
ناس واجد راحوا والشغله ما تاخذ 10 دقايق

 

[ams]

ليش تروحون بالكويت تبيع عن طريق احد الوساطه الي راح يعلنون عنها قريب والنشره الي انزلت من المؤتمر الصحفي تقول ان كل مكتتب يبيع عن طريق الوسيط المحدد في بلده

 

[سليمان الضيف]

السلام عبكم


كم عدد الاشخاصيل الى ممكن ضمهم فى توك واحد ؟؟

عليكم السلام .. اسف للتأخير بالرد

انا سويت 15 شخص بتوكيل واحد اذا عندك اكثر اعتقد تحتاج توكيل ثاني

 

[سليمان الضيف]

ليش تروحون بالكويت تبيع عن طريق احد الوساطه الي راح يعلنون عنها قريب والنشره الي انزلت من المؤتمر الصحفي تقول ان كل مكتتب يبيع عن طريق الوسيط المحدد في بلده

السلام عليكم ...

اخوي اذا ببيع بالكويت ما احتاج التوكيل ؟ .. واذا ما احتاجه شلون ابيع اسهم الناس بدون التوكيل؟ ..
ثانيا .. اللي مكتتب اب 50 جواز يدفع عموله 500 دينار ليش ؟ اروح قطر واتمشى وابيع اسهمي وارد بأقل تكلفه.

 

[خالد خالد]

شلو ن التصديق

اخذت توكيل من الاشخاص اللى اكتتبت باسمائهم بس الحين شلون اصدق من السفارة القطريه بالكويت او اروح ادفع رسوم تصديق السفارة بالبنك الوطنى

 

[سليمان الضيف]

اخذت توكيل من الاشخاص اللى اكتتبت باسمائهم بس الحين شلون اصدق من السفارة القطريه بالكويت او اروح ادفع رسوم تصديق السفارة بالبنك الوطنى

السلام عليكم ...

اخوي خالد انا ما سويت التصديق حتى الآن .
لكن اكيد السفاره تفيدك بهالشغله . وعموما اذا بتبيع بالكويت قبل ما تصدق التوكيل اسئل الشركات اللي تم اختيارها بالكويت هل يحتاج تصديق التوكيل او لأ .

اخوك بومحمد

 

[سليمان الضيف]

اخذت توكيل من الاشخاص اللى اكتتبت باسمائهم بس الحين شلون اصدق من السفارة القطريه بالكويت او اروح ادفع رسوم تصديق السفارة بالبنك الوطنى

السلام عليكم ...

ادري الرد متأخر لكن للناس اللي ما سويت التصديق..

الطريقه :

1. تحط بمخباتك 10 دنانير 5+5

2. تروح لوزارة الخارجيه بمنطقة الشويخ السكنيه (مقابل نادي الكويت وبجوار نادي الهلال الأحمر) ومعاك التوكيل

3. تاخذ رقم من اللي عند الباب وتروح تاخذ طابع بقيمة 5 دنانير من المكينه

4. لما يوصل دورك ما تطول وتستلم التوكيل مصدق من الخارجيه الكويتيه

5. تطلع وتروح مباشرة الى سفارة قطر. ( منطقة السفارات مقابل الجزيرة الخضراء)

6. تعطيه التوكيل وتعطيه 5 دنانير رسوم التصديق وراح يعطيك وصل بالخمس دنانير

7. اذا بعت الأسهم دق علي عشان تعطيني نسبتي

موفقين يا اخوان

اخوكم بومحمد