إدراج سهم بنك بوبيان في هذا التوقيت .. إيجابي وإلاّ سلبي؟ و ليش؟

[نوط بو 1000]

السلام عليكم..

سؤال يسدح روحه..

في ظل ظروف السوق الحاليه..

هل إدراج السهم في هذا التوقيت سوف ينعش السوق من خلال عمليات البيع و الشراء المتوّقع لها ان تكون مكثفه على السهم و بالتالي قيادته لإرتفاع السوق؟

ام ان الازمه الحاليه سوف تكون اكبر من السهم و بتسحبه معاها الى الهاويه؟!

اتمنى إثراء الموضوع بآرائكم الكريمه اللي على اساسها راح تتحدد قناعات و قرارات الكثير من ملاّك السهم او من ينوي الدخول عليه.​

 

[الكولونيل]

السلام عليكم..

سؤال يسدح روحه..

في ظل ظروف السوق الحاليه..

هل إدراج السهم في هذا التوقيت سوف ينعش السوق من خلال عمليات البيع و الشراء المتوّقع لها ان تكون مكثفه على السهم و بالتالي قيادته لإرتفاع السوق؟

ام ان الازمه الحاليه سوف تكون اكبر من السهم و بتسحبه معاها الى الهاويه؟!

اتمنى إثراء الموضوع بآرائكم الكريمه اللي على اساسها راح تتحدد قناعات و قرارات الكثير من ملاّك السهم او من ينوي الدخول عليه.​

بعتقادي الشخصي انه سلبي لانه السوق مافيه سيوله وصدقني حتى لو ارتفع هم بيضل مظلوم لانه لو كان نزوله في ايام العز صدقني راح يرتفع اكثر

 

[المناور]

إدراج بنك بوبيان فى هذه المرحله سوف يظلم السهم بلا شك
وعدم إدراجه سوف يظلم المساهمين فنحن بين حليين كلاهما
أمر من الثانى إما أن نظلم السهم ويدرج فى هذه المرحله الحرجه
أو نظلم المساهمين ونؤجل إدراج السهم فى وقت آخر ,,,,,,
تقبل تحياتى _المناور _

 

[fahad100]

هذا السهم ما ينظلم سوف يلقى من يأخذه

و عن نفسي سأشتريه اذا كان سعره مناسب
سهم استثماري 100 بالمئه

 

[almoress]

بصراحه أنا ماعندي خبره بالسوق ولا بالتحليل

بس أتوقع سبب إستمرار نزول السوق هو قرب إدراج بنك بوبيان

وهذا النزول مصطنع كي يتم التجميع على أسهم البنك

بأقل الأسعار

لأن البنك قوي جداً ومحتاج شي أقوى ينزل سعره

وجهة نظري والله أعلم

لكم ودي

 

[fahad100]

بصراحه أنا ماعندي خبره بالسوق ولا بالتحليل

بس أتوقع سبب إستمرار نزول السوق هو قرب إدراج بنك بوبيان

وهذا النزول مصطنع كي يتم التجميع على أسهم البنك

بأقل الأسعار

لأن البنك قوي جداً ومحتاج شي أقوى ينزل سعره

وجهة نظري والله أعلم

لكم ودي

نزول السوق شيء اكبر من بنك بوبيان

 

[nasy]

السهم الجيد يوقف ما يطيح وهذا اختبار صعب له خل يثبت نفسه

 

[Solid_investor]

ادراج السهم راح يؤثر ايجابا على السوق للاسباب التالية:

- راح تكون فرصة للجميع للبيع وجني الارباح خصوصا ان السهم طالع عليهم بسعر التأسيس فهذا راح يعزز السيولة وينعش السوق خصوصا للمستثمرين الافراد

- اتوقع سهم مثل بنك بوبيان راح يكون مجط انظار لمحافظ كثيرة ... فالادراج راح يكون فرصة لهم للتجميع وتحريك السيولة اللي عندهم والسوق ككل راح يتفاعل وينشط ...


ولا ننسى ان راس المال تقريبا 100 مليون و كل الكويت تقريبا داشة فيه فاتوقع تداول محموم على السهم أول الادراج و كونه بنك اسلامي جديد فاتوقع ان ادراجه يكون ايجابي باذن الله... والله اعلم

 

[obo haya]

شباب متى احسن وقت الواحد يشترى فيه هالسهم؟؟

اول ماينزل والا ينطر عليه شويه؟؟

يريت تفيدونى

 

[مراقب الاسهم]

ادراج سهم بنك بوبيان في السوق ملائم ويرضي لجميع الاطراف

- المساهمين الافراد الصغار منهم والكبار

منهم من يبيع لتعويض خسارته في البورصه ويرجع يشتريه باسعار ربما اقل
واللذي لايريد البيع وعير خسران يمكن ان يدخل ويستثمر ويزيد ملكيته في الاسهم


وايضا المستثمرين الصغار اللذي البعض منهم لايعرف اين مبنى السوق
يمكنه البيع بعد عنااء طول الانتظار وقرب موعد السفر والصيف

-كبار السوق والمحافظ والصناديق الاستثماريه
ستتغل هذه الفرصه لانقضاض على هذا السهم في التجميع
(خصوصا من تتعامل وفق الشريعه الاسلاميه والبنوك الاسلاميه )

باعتقادي الشخصي

اكثر المستفيدين هم شريحه (المضاربين) نظرا لكثره اسهمه و لانه ستنج تذبذب من هذا الصارع بين الكبار والصغار والصناديق

اللذي لايخلو من الضغط على السهم
سواء بالرفع او التنزيل لامتصاص كميه كبيره منه
الرفع بحيث يجبر من اشترى بسوق الجت 300,350ز400, 500 البيع بربح
والتزيل لتخويف من لم يبيع على هذه الاسعار وقليلي الخبره من الذين لاعرفون طريق السوق وكان اكتتب بالقيمه الاسميه يمكنه البيع حتى لو اقل من 300

 

[Bo-Belal]

متي راح يدرج اصلا؟؟؟؟؟؟؟

 

[حريص]

انشاء الله في 8/5/ 2006

 

[نوط بو 1000]

كل الشكر و التقدير لكل من انعش الموضوع بمداخلته

و اتمنى إثراء الموضوع من باقي الاخوه الاعضاء اللّّّي ما ادلوا بدلوهم

و خصوصا محللين المنتدى الافاضل امثال بو ياقوت و غيره

بإنتظاركم​

 

[الكولونيل]

انشاءالله ولا يهمك دامك نوط بو الف شي زين

انا اشوف ان ممتاز طبعا اكيد ليش؟

شوفو يا جماعه قاعده لازم تعرفونها اهم شي التاسيس
السهم ياسس على اسعار نازله علشان يحافظ عليها وما يتداول تحت هالاسعار
يعني مثل مثل المؤشر
المؤشر قاعد يأسس ويبنيله قاعده قويه لا تكسر
مابين 9000 وال10700
يضله فتره اسمها فترة التاسيس ثم يبدأ الانطلاق عشان السنه الجايه لو بغه ينزل او يصحح بالمعنى الاصح ما ينزل تحت 10700 او ربما 11000
وعن نفسي اشوف السوق طبيعي صحي شي يبرد القلب
وشي اكيد اكثر من ممتاز
لو من الاول مو صاعد او بمعنى مو مندفع هالاندفاع ماكن تصحيح بهذا القدر
بس شتسوي بالسيوله الي دشت السوق
وطلعت
يا جماعة الخير هذا المساله سنويا قاعده تصير
ويا جماعه الي يبي يضرب ضربته بالاجل
يدش والمؤشر نازل ويهده سنه
وتطلعون مليارديريه
والله يوفقكم

افهم من كلامك ياخوي بوراشد تنصحنا ناخذ اجل هالايام يعني انشالله ماكو خوف منه

 

[الصاحب الاول]

لا اعتقد احد اشتغل بالاجل ونجح وبرز بل خسر وعسى الله يعوض خسارته

بوبيان يابوراشد عسى الله يخليك لنا يختلف كليا عن باقي البنوك الاخرى تماما

بوبيان راح يصير عليه طق عصي في مسالة مجلس الادارة خلال السنة القادمة

البنوك التقليدية سوف تحاول السطرة عليه

بيت التمويل كذلك يحاول ايضا

البنوك التقليدية من المذهب الاخر ايضا يريد السيطرة على ادارتة

بالمناسبة يااخوان اعلنت المقاصة ان الدمج سوف يكون بدايته 8 مايو ولمدة 14 يوم وبعدها سوف يتم التدوال بالبورصه
انصح الجميع بعدم البيع وعسى الله يبارك للجميع

 

[نوط بو 1000]

بالمناسبة يااخوان اعلنت المقاصة ان الدمج سوف يكون بدايته 8 مايو ولمدة 14 يوم وبعدها سوف يتم التدوال بالبورصه
انصح الجميع بعدم البيع وعسى الله يبارك للجميع

مشكور اخوي الصاحب الاول على هالمعلومه المهمه..

و هل هناك صلة قرابه محدده لمن يرغب بالدمج؟

ام انني استطيع الدمج دون تحديد؟

مع الشكر لكل من تكرّم بمداخلته​

 

[BuRashed]

بالمناسبة يااخوان اعلنت المقاصة ان الدمج سوف يكون بدايته 8 مايو ولمدة 14 يوم وبعدها سوف يتم التدوال بالبورصه
انصح الجميع بعدم البيع وعسى الله يبارك للجميع

يعطيك العافية اخوي بس لتصحيح المعلومة الدمج ابتاءا من السبت 29-4-2006 و النزول في البورصة الانين 8-5-2006 هذا للعلم فقط.

 

[سهم استثماري]

بصراحه أنا ماعندي خبره بالسوق ولا بالتحليل

بس أتوقع سبب إستمرار نزول السوق هو قرب إدراج بنك بوبيان

وهذا النزول مصطنع كي يتم التجميع على أسهم البنك

بأقل الأسعار

لأن البنك قوي جداً ومحتاج شي أقوى ينزل سعره

وجهة نظري والله أعلم

لكم ودي

وجة نظر صحيحة ..
فعلا نزول مصطنع والقصد منه الحفاظ على السيولة لأهداف مستقبلية .. ومنها بنك بوبيان ... لأن كميات الأسهم كبيرة جدا بحدود 740 مليون سهم (+ 260 مليون سهم عند الهيئة العامة للإستثمار ) وعملية تأخير الإدراج كان متعمد إيضا حتى تتغير قناعات أصحاب الأسهم ويصيبهم الإحباط من طول الإنتظار وحالة السوق المترديه ..وبالتالي الصغار يحذفون السهم عند الإدراج وهو ما يهدف له الكبار وعندها يبدأ التجميع لأن الشغله جدا مكلفة عليهم .. والدخول لمجلس الإدراة من الأمور الحتميه ومن يرد الدخول يجب الحصول على نسبة لا تقل عن 10% ( وتقدر بـ100مليون سهم ) راح نشوف يوميا كميات تفوق 50 مليون سهم مع الأيام الأولى .. إخذوها مني ماراح ينزل عن الـ500 فلس وممكن نشوفة عند 750 لأن الكميات المشتراه أغلبها لن يعود للتداول وسيتم الإحتفاظ بها ( إي سعر تحت الدينار يعتبر إستثماري للصناديق والمحافظ والشركات الإسلامية سواء كانت من الكويت أو من الخارج )
واتمنى الذاكره تسعفكم لما الحكومة خصصت حصتها ببنك الكويت والشرق الأوسط ( صار طحن على السهم مع إن سعر الإكتتاب كان غالي ومع هذا عند اعادة التداول صارت عمليات شراء غير طبيعية قفزت للسهم لأسعار قياسية وهالكلام قبل اربع سنوات تقريبا وإيضا بوبيان للبتروكيماويات وصراع الحصول على مجلس الإدارة والأسعار الخرافية بوقتها .. فما بالكم بسهم بنك إسلامي أسهمه مبعثره بالسوق !! راح يصير كراااااااااااااااف
ونصيحة اللي مو محتاج سيولة لا يبيع ويخلي السهم إستثمار لأنه طالع عليه بسعر الإكتتاب والسهم مستقبلة ذهبي وممكن بعد نهاية هذا العام نشوفه فوق الدينار .

 

[أم منوره]

تقييم السهم عند الإدراج راح يكون مابين 250 - 350 لااااااااااغير

وهذا على كلام إحدى الأخوات العاملات بالبنك وإحتمال ينزل عن سعره بعد الإدراج بشوي وإحتمال يشلل فوووووووووووق .


والله تعالى أعلم =====> هذي الجملة آنا اللي أقولها مو إهي

 

[Nasser pwc]

كلنا متفائلين​