عساك بخير

[عفار]

مادرى هالمره طولت الغيبه أبو على

أنشاء الله تكون بخير وصحه وعافيه

حبيت أسأل عنك مع طوشة هالسوق والطيّب ماينسى لوطاش السوق

الى5000

راحت كلها طاش ماطاش

 

[عجيم]

كلامك عدل

والله بو علي مهيب عوايده

لكن على هالغيبه انا اعتقد انه ماخذله عمره في هالرمضانيه

 

[عفار]

الله يقبلها

 

[اشحفان القطو]

الله يتقبل من الجميع....وان شاء الله يطلعنا على حسابه عمره في العشر الاواخر

 

[المؤشر]

الله يجزاكم خير على السؤال ولكن خلال اليومين اللي فاتوا كنت مفرمت الجهاز وركبت الوندوز إكس بي وبعد ما رحت موقع الميكروسوفت أشوف إذا فيه تحديثات جديده للإكس بي لقيت ما يقارب 45 ملف ضروريه مجموعها 300 ميجابايت إضطريت أنزلها كلها وخذت مني 48 ساعه تحميل

لكن البركه فيكم تسدون مكاني إذا غبت عنكم فتره وجيزه بسبب الظروف ولكم مني اجمل تحيه

 

[بوفهيد2]

من طول الغيبات جاب الغنايم
ابوعلي السوق طاش ما طاش
الفائدة نزلت ونزل معها وكانه مضيع اتجاه ولا هو داري اين يروح
بيانات البطالة مرتفعة والمؤشرات الاخرى اكثرها ردية
رايك بنظرة سريعة للاتجاه لباقي الاسبوع اليوم وغدا
مع جزيل الشكر

 

[السبيعي]

الحمد لله على السلامة و ترانا منتظرين تحليلك اليومي يااباعلي

 

[محترف]

اللة يذكرك الشهادة ياعفار

فعلا من كم يوم ونحن فاقدين الاستاذ ابو على واخبارة السارة اللة

لايحرمنا منــــة وعسى اللة يقبل منا ومنكم فى

هذا الشهر الفضيل