السوق الكويت مرتبط بسوق افغانستان

[انور النقوشي]

قولون و كثر الحديث ان السوق الكويتي مرتبط بالسوق السعودي و الاسواق الخليجيه

 

[انور النقوشي]

يقولون و كثر الحديث ان السوق الكويتي مرتبط بالسوق السعودي و الاسواق الخليجيه . من ناحيه اقتصاديه العامل المشترك بين الاسواق الخليجيه هو ان كلها خليجيه و مثل ما يقولون بيت واحد بس بالتحليل المنطقي شنو دخل السوق الكويتي اذا نزل السوق السعودي فهذا هل معناه ان السوق الكويتي سينزل . اي بمعني ان السوق الكويتي العريق او اقدم سوق اوراق ماليه بالمنطقه صار تابع للسوق السعودي
كيف يا محلليين؟
و الله اخاف ان يأتينا اليوم اذا نزل سوق كابول او سوق كازاخستان او سوق جزر الواق واق ينزل سوقنا معاهم و السبب ان السوق الكويتي مرتبط بلاسواق هذه.
ماكو منطق
شركاتنا تعمل و تشتغل و تدر ارباح و ليس لها شغل بالسوق السعودي او غيره .
و في شغله غير صحيحه بالسوق اهي المضاربه على شركات معينه و هي من استنزف كثير من رؤوس الاموال و كثير من الاخوان راحت عليهم فلوسهم و الاخوان بالسوق لا يزالون يهرولون وراء هذه الشركات و كل هذه الشركات الام و توابعها و هي تابعه لعوايل و يعني هم من يصعدون السهم و لما يصعد باعوه ولما ينزل اشتروه منك يعني باعوك السهم بالغالي و شرووه برخيص و هذه الشركات اللي كل يوم و الثاني مسوين اشاعات بعقود بالمليارات و غيرها.
المشكله فينا احنا اذا نزل السوق السعودي قلنا يالله فوقه بييييع انحش لا يحوشنا طشار

 

[Solid_investor]

الارتباطات الاقتصادية تتمثل بان الكويت والسعودية من الدول المصدرة للنفط و الارتباط السياسي بحكم ان اي تهديد خارجي يأثر على البلدين بحكم تقارب المواقع و عضوية مجلس التعاون الخليجي وهذا ينطبق على كل دول الخليج

والله أعلم

 

[Q8 Stock]

السلام عليكم

اخوي انور
المحليلين يقول السوق ليس مرتبط بالسوق السعودي

صغار المستثمرين هم من ربط السوقين في بعض

 

[anaahmad]

يقولون حصل انهيار فى سوق بوركينا فاسو الله يستر على سوقنا :d

 

[بوحسن]

يا اخوان اعتقد في نوعين من الارتباط

1- ارتباط نفسي نفسية المتداولين
بالاضافه الى تعلق السوق الخليجي ببعض توترات المنطقه ( الاشاعات ) والتي ترجع للاسباب النفسيه ايضا والهلع الذي سيصيب رؤوس الاموال

2- ارتباط تجاري وهو الي يتعلق بشركات التي لها شركات زميله ولها علاقه بالسوق السعودي

مثل شركه اسماك عندها اسهم بشركه ثانيه سعوديه كأوضح مثال
وهلم جر


وبعدين في الكثي من المحليلين ايضا يقولون نعم هناك ارتباط ولهم تعليل
بس العقل يقول يا احي ليش هالارتباط ....مو فيه وايد اختلافات ..بس شتسوي ...المخرج عاوز كده

 

[الزعيم1]

والله كلامك صح أخوي أنور ماقمنا نسمع هالاسطوانه البايخه إلا لمانزل السوق السعودي وين كان هالكلام يوم كان السوق السعودي بصعود متواصل أنا أقول هذه نغمه جديده تتردد الأن لمصلحة المحافظ والصناديق ماذا يكون الكلام إذا أسترد السعودي عافيته وصعد ولم يصعد معه السوق الكويتي.

 

[المضاربه فن]

الارتباطات الاقتصادية تتمثل بان الكويت والسعودية من الدول المصدرة للنفط و الارتباط السياسي بحكم ان اي تهديد خارجي يأثر على البلدين بحكم تقارب المواقع و عضوية مجلس التعاون الخليجي وهذا ينطبق على كل دول الخليج

والله أعلم

أخي العزيز
المسأله ليست مسألت من المصدرين بالنفط فلو كانت هي الاساس كان من الاجدر عليهم ان يرتفعوا وذالك لوصول برميل النفط لأسعار قياسيه ولاكن المسأله والمصيبه من يجعل هذا الأرتباط أرتباط تبعي بالنزول والصعود وتناسا بأن كل سوق له أستقلاليته ومقوماته الخاصه وبالنسبه لوجود ترابط بين بعض الشركات فهذا أمر طبيعي ولاكن من غير المنطق جعل هذا الارتباط يتحكم بمسألة صعود السوق او نزوله ناهيك بان هذا الترابط بسيط ويمثل نسبه بسيطه ولا تتاثر غالبا بشكل مباشر ولا تنسا بان هناك بعض الشركات الخليجيه المدرجه لدينا بسعر اقل من السعر الذي في بلدها؟؟.

 

[انور النقوشي]

أخي العزيز
المسأله ليست مسألت من المصدرين بالنفط فلو كانت هي الاساس كان من الاجدر عليهم ان يرتفعوا وذالك لوصول برميل النفط لأسعار قياسيه ولاكن المسأله والمصيبه من يجعل هذا الأرتباط أرتباط تبعي بالنزول والصعود وتناسا بأن كل سوق له أستقلاليته ومقوماته الخاصه وبالنسبه لوجود ترابط بين بعض الشركات فهذا أمر طبيعي ولاكن من غير المنطق جعل هذا الارتباط يتحكم بمسألة صعود السوق او نزوله ناهيك بان هذا الترابط بسيط ويمثل نسبه بسيطه ولا تتاثر غالبا بشكل مباشر ولا تنسا بان هناك بعض الشركات الخليجيه المدرجه لدينا بسعر اقل من السعر الذي في بلدها؟؟.

و الله كلامك على راسي
بس منو اللي يسمع
باجر يقولون امس السوق السعودي نزل فالاخوان من اول الصبح اوامرهم بالنازل و انا اتكلم عن الكل من صغار المستثمرين و المحافظ
الاخوان من المحافظ فرصه و عيد لهم يلمون بالنازل
و الاخوان مثل ما يقولون صغار المستثمرين خايفين على رؤوس المال قال اطلع بالنصيفه وانا سالم
و هذا اللي قاعد يصير

 

[azizan400]

سوقنا

مساكم الله بالخير شباب
انا أقول ان سوقنا مرتبط مع اي سوق ينزل سواء كان السعودي والا القطري والا الاماراتي والا المصري. شوفوا اي سوق يكون نازل احنا مرتبطين معاة بس ارتباطنا مع هل الاسواق بالنزول بس انتبهوا ياشباب بالصعود مو مرتبطين معاهم وألا شرايكم ؟؟؟

 

[بورش]

يمكن السبب من بورصة جزر الواق واق
صغار المستثمرين هم من ربطوا البورصتين مع بعض
وهم الي كلما شافو السوق السعودي نزل .. قاموا قطوا اسهمهم في السوق الكويتي وعرضوها للبيع

 

[مساهمجي]

انا صراحه اذا خالي بالسعوديه باع اسهمه بخساره ببيع اسمهي بالكويت تضامنا مع الخوال !!!!! الخال والد يا جماعه !!

وتقولون مافي شي يربطنا بالسوق السعودي بعد !!!

بالتوفيق للجميع

 

[fahad1234_1]

مسكم الله بالخير
احب اضيف نقطه واحده ممكن اصيب فيها وممكن اخطء
الارتباط الوحيد لسوق الخليج هي الازمات التي تحصل اما انه ارتباط تام فما اعتقد هذا لانه لكل سوق وضعه الخاص فيه وسوقنا انشالله هو من الاسواق القويه بالنسبه للخليج ومقنع بالنسبه لغيره