عندما تعلن الشركة عن الشفافية ... ابشر بالبلاوي

[rahaly]

ملاحظة غريبة عجيبة لن نجدها الا في السوق الكويتي ..

كل يوم تطلعلنا شركة وتصرح بانها سوف تعلن اجتماع او مؤتمر شفافية !!!

العجيب اذا كانت الشركة تعقد مؤتمر شفافية لتوضيح مسائل خافية على المساهمين والعامة .....

اذا ماذا كانت تفعل الشركة طيلة الفترة السابقة على المؤتمر ؟؟ !!!!!!

يعني كانت تتسم بالضبابية فاتجهت للشفافية ؟؟
ولماذا فجأة تقرر الشركة بالبوح عن المستور .. وكشف المغطى ؟؟

يا جماعة ... انا اقول ان الاعلان عن الشفافية ما هو الا تكملة لعبة من لعبات السوق اللي يقصد من ورائها ما يقصد ...

ووراء الاكمة ما ورائها ....

وعندنا تجربة قريبة وواضحة حين اعلن سامي البدر مؤتمر الشفافية لشركة المجموعة الدولية .... من بعدها شفتوا شنو صار في السهم ..
صار سهم مضاربة ... غير مستقر ... دخلوا عليه بسبب المؤتمر اكبر مضاربين السوق ..


لماذا لا تحتاج الشركات الامريكية لمؤتمرات شفافية مثلا؟؟

لانها دائما على علاقة مكاشفة مع السوق وليس لديها ما تخفيه حتى تاتي لتكشفه بعد ذلك ...

وبالطبع ذلك ناجم عن قوانين صارمة تلزم الشركات بالشفافية فالامر ليس خياريا لها ...

وهو ما نفتقده ( القوانين ) في الكويت بكل اسف ............


والنصيحة ... اذا سمعت عن عقد مؤتمر شفافية لشركة ما ..... انحش ياخوك ولا تورط نفسك ...

ترى الشفافية اللي يريدونها هي انك تكشف لهم حسابك عشان يصفرونه






تحياتي



رحالي

 

[متداول كويتي]

مشاركه رائعه الله يعطيك العافيه وأرجوا التبليغ عن أي شركه تعقد مؤتمر شفافيه علشان ننحاش عنها :d

 

[Moshaks_777]

سوقنا ماينفع وياه الشفافيه

 

[بوحسن]

اخيرا لقيت شي اخالفك فيه يا رحالي

اولا مؤتمرات الشفافيه بالكويت ..بالنهايه تطلع من المؤتمر بدون ما تكون استشفيت شي منه


ثاني شي مؤتمرات الشفافيه بالكويت عادي اذا ما رضى يجاوبك راعي الشركه ... ما تقدر تسويله شي ولا سهمه باجر راح ينزل ..لان المفروض يحضر هالمؤتمرات مو احنا انما بعض المحافظ

ثالث شي مؤتمرات الشفافيه هي مؤتمرات عربيه تسمع فيها هالكلمات حالها حال اي مؤتمر لرئيس دوله عربيه

منها

حنعمل وحنتطور وحننجز ونحنصل وحنضرب وح وح وح وح وح وح

بس ولا شي من هالحاءات يتحقق ولا وممكن تشوف العكس

والي كان بيضرب ينضرب

اما في امريكا واوروبا والدول المتقدمه
راعي الشركه يحتاج الى الجميع مو جم محفظه معروفه وعلشان جذي لازم يكشف عن مشاريعه وبعدين هما هناك ما يسمونه مؤتمر شفافيه ..لا يسمونه اجتماع لبحثوعرض تطورات الشركه ووراه بوفيه ضخم مو مثل الي عندنا بوفيه فطاير مطعم الشويخ

بس بيني وبينك هم بامريكا يحتاجون شفافيه ولا تنسى انرون والكلك الي كانت معيشه الناس فيه ..جذي اسمها مو


باختصار
مؤتمرات الشفافيه هي دليل ان البورصه ينقصها الكثير من المعلومات والقوانين

وايضا المؤتمر الشفاف الي عندنا يمكن ليم تحضره يطلع غامج وايد ولا تفهم منه شي

شكرا على سعة صدرك

 

[q8_chamber]

إذا كلامكم صح




الله يرحمني و يرحم المشاريع​

 

[NBK]

طول بالك على المشاريع

 

[SpeciaL 1]

اخيرا لقيت شي اخالفك فيه يا رحالي

العكس صحيح ​

 

[rahaly]

بو حسن .


بس تعقيب على شركة انرون الامريكية .....



ياخوي عندنا 150 شركة في البورصة ... منها 148 انرون الا من رحم ربي



:d




رحالي