وصلني خبر غير مؤكد عن ارباح المخازن اقل من 40 فلس ؟؟؟؟؟؟

[STOCKER]

المصدر صديق يشتغل بشركة مخازن وهو يقولي يمكن الرقم غير صحيح لكن يحتاج تاكيد اكثر وهو ان ارباحها في الربع الاول اقل من العام في الربع الاول وتتراوح بين 30 فلس و 37 فلس

 

[صقرالبحر]

شمعني هذا الخبر جاء بعد نعليقة المخازن ؟

 

[alhajri]

أخوي -- المخازن توها ومن فتره مو بعيده أعلنت عن ارباح سنة 2005
وانا ماني شايف مداهم احسبوا احساباتهم حتى لو بالتقريب لتصل الي 40 فلس -- بعدين شنهي هذي الشركه العالميه ام المليارات إلى ارباحها اقل من 40 فلس -- مادري ؟ ودي بس000؟

 

[albederi]

المصدر صديق يشتغل بشركة مخازن وهو يقولي يمكن الرقم غير صحيح لكن يحتاج تاكيد اكثر وهو ان ارباحها في الربع الاول اقل من العام في الربع الاول وتتراوح بين 30 فلس و 37 فلس

--الرقم غير صحيح ويحتاج تأكيد ! ماشاء الله عليك فرحان بالاخبار الشينة - شلون لو خبر صديقك صحيح -بتسوى حفلة - يعني يوم شفت السهم علق طلعتنا بهلخبر ------قل اعوذ برب الفلق-من شر ماخلق-----------------

 

[اقتصاد77]

المصدر صديق يشتغل بشركة مخازن وهو يقولي يمكن الرقم غير صحيح لكن يحتاج تاكيد اكثر وهو ان ارباحها في الربع الاول اقل من العام في الربع الاول وتتراوح بين 30 فلس و 37 فلس

سلم على رفيجك وقوله جم ارباح الربع الثاني والثالث والرابع
حق سنه الفين وتسعه ... زين يوم قالك الرقم غير صحيح ليش فاتح موضوع
وحاط الرقم والربحيه بالخط العريض ... خلها بموضوع المخازن وحط اشاعه
عليه واخبار غير مؤكده ... وخل الامر عادي .. يحلوك وانت ساكت
ولاتنسى تسلم على رفيجك .. الرجاء من المشرفين دمج الموضوع

 

[بوحسن]

اخواني احترمو البعض ولا تطعنون فيه وهو ما كتبه الا لعله اراد التاكد من الاشاعه

باذن الله اخوي يكون الخبر غير صحيح وذلك لسبب واحد في اعتقادي

السنه الي فاتت ..محد عرف اييب ولو مره صح عن ارباح المخازن وكنا ننتظر حتى الدقيقه الاخيره من اجتماعاتهم علشان نعرف الربحيه

الجناعات من اكثر الناس تكتم على ارباحهم

 

[الاوحديون]

السلام عليكم...

...هدوا بالكم و ريحوا اعصابكم ...
...ولا يصير النقاش بمنتدانا بهالاسلوب...​

:d
:d
:d

 

[bu_nawaf]

صديقك اللى يشتغل بالمخازن باى قسم يداوم التحصيل التخزين الصيانه الحاسب الالى النقل الداخلى النقل الخارجى العمليات والخطط الخدمات الفنيه الخدمات الهندسيه ....... بس اتمنى اعرف باى قسم لو تكرمت

 

[sayer]

اخواني احترمو البعض ولا تطعنون فيه وهو ما كتبه الا لعله اراد التاكد من الاشاعه

باذن الله اخوي يكون الخبر غير صحيح وذلك لسبب واحد في اعتقادي

السنه الي فاتت ..محد عرف اييب ولو مره صح عن ارباح المخازن وكنا ننتظر حتى الدقيقه الاخيره من اجتماعاتهم علشان نعرف الربحيه

الجناعات من اكثر الناس تكتم على ارباحهم

صدقت يا بو حسن حتى مع مدققي الحسابات لا يعرفون الا فى اللحظة الاخيرة