ليش المنتدي هبط مستواه بالفترة الاخيرة؟

[بلاليط]

الملاحظ ان المنتدي ( المؤشرنت ) هبط مستواه بالفترة الاخيرة
واختفي الكتاب الي كانوا اييبون اخبار ثقة
الحين وللاسف اصبح المنتدي مكان لبث الاشاعات ولنشر التخبار الكاذبه وتخريع العالم واللعب علي الذقون

شسالفة ليش جذي صار مستوي المنتدي

بصراحة كنا قبل نستفيد لما تدش المنتدي اما الان فالفائده معدومة
واصبح المنتدي يضر اكثر مما يفيد

قمنا تقرا مواضيع مالها اي علاقة بالاقتصاد
صار المنتدي للاسف للدعايات اكثر منه للاقتصاد والبورصة

يعني قمنا نسمع مواضيع مثل
1- امي مريضة وتبي دعاء منكم
2- فلان داسته سياره وهو رايح يصلي
3- مادري منو فاز بالانتخابات وهو من قبيله فلان
4- الخ الخ مواضيع بصراحة تفشل حيل

نتمني ان يرجع المنتدي ( المؤشرنت ) لسابق عهدة
وان يرجع الكتاب الثقة للكتابه مرة اخري
واتمني ان الكتاب المرتزقة الي هابين هلايام ان يندحرون

 

[بن تركي]

والله أنك صاج حتى أنا واحد من الناس كنت أحرص أني بكل وقت أدخل وأشوف الشي الجديد بس ألحين معاد قمت أهتم مثل السابق وبسبب قلة الفائدة وأحس أنه تظييع وقت للأسف أني أقول هالكلام

 

[apollo]

كلام سليم 100 % ..
ومنك الى المشرفين الأعزاء ..

 

[q8_chamber]

كلامك 100% صح

والله انا اتمنى يرجع نفس قبل شهرين

قبل كل ما نطلب طلب يردون بسرعة

و الحين احس كأنه الاعضاء منتهيه اشتراكاتهم بل انترنت

نبي يتعدل الوضع

 

[العوضى]

والله كلامك عدل , قبل المناقشات تدور على مستقبل السهم و توقعات الأسعار والعقود ..... والحين للأسف الشديد , تطبيل و كلام فاضى وتشهير بالعالم , وين المشرفين على هالناس

 

[م. سعد]

نفسية الناس تأثرت سلبا بالاحداث و الهبوط .. و لا ننسى ان معظم التوقعات قد خابت .. و الناس تحتاج الى اعادة الثقة قبل العودة للمناقشات و التحاليل .. و الاهم من هذا و هذاك ان الرؤية كانت شبه معدومة و الحديث شبه عديم الفائدة .. سيعود التميز للمنتدى فور استعادة الثقة بالنفس و بالسوق ان شاء الله ..

 

[المريح]

الكلام سليم حتى إني ملاحظأن بعض الأعضاء ودعونا وقالوا إنهم اطلعوا من البورصة والمنتدى وبعدين تفاجأة إنهم يكتبون في منتدى ثاني

شالسالفة

 

[بوحسن]

الكلام سليم حتى إني ملاحظأن بعض الأعضاء ودعونا وقالوا إنهم اطلعوا من البورصة والمنتدى وبعدين تفاجأة إنهم يكتبون في منتدى ثاني

شالسالفة

اذا قاصدني .. اذا قاصدني ..

مشاركاتي هني بعد ما طلعت من السوق وانا موضح للاخوه المشرفين ولكم ايضا .. متى بدخل ليتك تراجع المشاركه

يمكن معطيني معاش افضل هناك

وريح بالك هناك ما كتبت لا موضوع جديد مجرد تعليقات على امور تستوجب التعليق برايي
واي موضوع جديد هني اكتبه

بس خل اوجهلك هالسوال يا المريح وربي يخليك دوم مريح

شي يضرك هالشي وشكو ان المنتدى يهبط مستواه ؟ باني اقول بطلع واكتب بمنتدى ثاني ؟

ابي الرابط العجيب بالموضوع وينه !!

بس اتوقع انك مو قاصدني

 

[boalons]

نفسية الناس تأثرت سلبا بالاحداث و الهبوط .. و لا ننسى ان معظم التوقعات قد خابت .. و الناس تحتاج الى اعادة الثقة قبل العودة للمناقشات و التحاليل .. و الاهم من هذا و هذاك ان الرؤية كانت شبه معدومة و الحديث شبه عديم الفائدة .. سيعود التميز للمنتدى فور استعادة الثقة بالنفس و بالسوق ان شاء الله ..

خير الكلام ما قل ودل

 

[abu_fahad]

اخوانى الكلام اللى قلتوه فى الموضوع هذا صحيح فعلا مستوى المنتدى هبط شويه ومثل ماذكرتوا انه فعلا بعض الاخوان القدماء اللى كنا نستفيد منهم هاجروا او قاطعوا المنتدى . اللى حصل حصل والاخوان المحترمين اللى طلعوا الله يسهل عليهم ويوفقهم ماقصروا ،وانا سبق وكتبت بنفس الموضوع هذا ،ولا ننسى الاخوان المشرفين الله يعينهم ويساعدهم ويعطيهم العافيه على المجهودات المبذوله ، والمفروض ياجماعه كلنا نتكاتف ونصير احنا بعد مشرفين والمراقبين على المنتدى وعلى انفسنا وعلى كتابتنا بالمنتدى ومو اى شى نكتب عنه لمجرد الكتابه ومو كل موضوع نفتى فيه او نعلق عليه وياليت مانحط اى خبر مو متاكدين منه الا فى حاله وحده اذا انطرح الموضوع او الخبر بالمنتدى وصار اكثر من شخص يحمل نفس الخبر. احنا والله توصلنا اخبار بعض الشركات ونسمع الكثير من الاشاعات بس لايمكن انزل خبر بالمنتدى اذا ماكنت متاكد منه 100% لانه حرام اقول او اكتب شى يضر الاخوان بالمنتدى او يسبب لهم خساره .
اخيرا ارجو من كل الاخوه الاعضاء بالمنتدى النهوض بهذا المنتدى للرقى والاسلوب الحضارى فى المناقشه والتركيز فقط على الاخبار الخاصه بالبورصه لما فيه منفعه للجميع وان نبتعد عن الاشاعات والالفاظ الغير سويه والعنصريه . وشكراااا

 

[اقتصاد77]

الملاحظ ان المنتدي ( المؤشرنت ) هبط مستواه بالفترة الاخيرة
واختفي الكتاب الي كانوا اييبون اخبار ثقة
الحين وللاسف اصبح المنتدي مكان لبث الاشاعات ولنشر التخبار الكاذبه وتخريع العالم واللعب علي الذقون

شسالفة ليش جذي صار مستوي المنتدي

بصراحة كنا قبل نستفيد لما تدش المنتدي اما الان فالفائده معدومة
واصبح المنتدي يضر اكثر مما يفيد

قمنا تقرا مواضيع مالها اي علاقة بالاقتصاد
صار المنتدي للاسف للدعايات اكثر منه للاقتصاد والبورصة

يعني قمنا نسمع مواضيع مثل
1- امي مريضة وتبي دعاء منكم
2- فلان داسته سياره وهو رايح يصلي
3- مادري منو فاز بالانتخابات وهو من قبيله فلان
4- الخ الخ مواضيع بصراحة تفشل حيل

نتمني ان يرجع المنتدي ( المؤشرنت ) لسابق عهدة
وان يرجع الكتاب الثقة للكتابه مرة اخري
واتمني ان الكتاب المرتزقة الي هابين هلايام ان يندحرون

بلاليط يكتب مثل هذا الكلام واهو ماخلا احد بحاله
يتطنز يتشمت يستهز بالاعضاء ادخلو على مشاركاته
راح تشفون العجب .... بعض ردود بلاليط على الاعضاء
بطيخ
والله مصخره
التحليل الفني خرطي
تصريف ( تخويف الاعضاء بدون دليل )
يشتم احد الاعضاء ويتهمه :- انسان لا ادب ولا علم ولا اخلاق
بذمتكم مو هذا تناقض من السيد بلاليط

**

المنتدى بخير وماطاح مستواه مثل ماتقول لانك انسان متناقض
تنصح النصيحه ولا تعمل بها .. واخر كلامي
احترم عقول الاعضاء والمراقبين وبسك من هالسوالف ترا الناس
عرفين متى مسجل بالمنتدى ***
15-3-2006 تاريخ تسجيلك ودي اعرف شلون حكمت على المنتدى بانه
طاح مستواه وانت ماصارك شهر مسجل .. بسك تناقض مره ثانيه

هذا نص كلامك الاخير
(واتمني ان الكتاب المرتزقة الي هابين هلايام ان يندحرون )

اعتقد انك تقصد نفسك بالكلام هذا لانك عارف نفسك اكثر منا

يعيبو على الناس والعيب فيهم